Mateo 2:4 - BAIBLO ALOO NGMAMI KLƆUKLƆU Ɔ

⁴ E tsɛ osɔfo nikɔtɔma amɛ, kɛ mlaa tsɔɔli tsuo nɛ ngɛ ma a mi ɔ kpe, nɛ e bi mɛ ke, “Jije a ma fɔ Kristo ɔ ngɛ?”

Somi He Ɔ

⁴ nɛ e bua ma a mi osɔfo nikɔtɔma amɛ kɛ mlaa tsɔɔli ɔmɛ tsuo a nya kɛ kpe nɛ e bi mɛ he nɛ a ma fɔ Kristo ɔ ngɛ.

Mateo 2:4 ပူးပေါင်းရင်းမြစ်များ

Kronika II, 34:13

Levi bi kpa komɛ hu hyɛɛ tlomi tlooli, kɛ ní tsuli kpahi a nɔ. A ti ni komɛ hu ji womi ngmali, ma ní tsuli, kɛ agbo nya buli.

Kronika II, 34:15

Hilkia de womi ngmalɔ ɔ nɛ a tsɛɛ lɛ Shafan ɔ ke, “I na mlaa womi ɔ ngɛ Yawɛ we ɔ.” Nɛ́ e de ja kɛkɛ nɛ e kɛ womi ɔ ha Shafan.

Kronika II, 36:14

Jehanɛ se hu, Yuda ma nimeli ɔmɛ, osɔfo ɔmɛ, kɛ ma a tsuo pee yayami kɛ si Yawɛ. A ya sɔmɔ je ma amɛ nɛ bɔle mɛ ɔ a mawu ɔmɛ, nɛ a kɛ nɔ́ nɛ ɔ ble Yawɛ we ɔ nɛ lɛ Yawɛ ɔ nitsɛ pee klɔuklɔu ngɛ Yerusalem ɔ.

Ezra 10:5

Kɛkɛ nɛ Ezra te si, nɛ e ha nɛ osɔfo ɔmɛ a hɛ mi nyɛɛli ɔmɛ, Levi bi ɔmɛ, kɛ Israel ma a tsuo ka kita kaa a maa pee nɔ́ nɛ Shekania de ɔ.

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

La 2:2

Zugba a nɔ matsɛmɛ ɔmɛ pee kake. Nɔ yeli ɔmɛ so ngɔ wo Yawɛ, kɛ matsɛ ɔ nɛ e hla a a he.

Yeremia 8:8

Kɛ peeɔ kɛɛ nɛ nyɛ deɔ ke ní leli ji nyɛ, nɛ nyɛ le ye mlaa amɛ, be mi nɛ yakayaka womi ngmali tsake mlaa amɛ tsuo a hɛ mi kikɛ nɛ ɔ?

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Mateo 13:52

E de mɛ ke, “Enɛ ɔ tsɔɔ kaa mlaa tsɔɔlɔ tsuaa mlaa tsɔɔlɔ nɛ ba plɛ pee kaselɔ ngɛ hiɔwe matsɛ yemi ɔ mi ɔ, e ngɛ kaa wetsɛ ko nɛ jeɔ ní hehi, kɛ ní momohi kɛ jeɔ e nito he.”

Mateo 2:3

Benɛ Matsɛ Herode nu nɔ́ nɛ ɔ, e hao, nɛ nihi tsuo nɛ ngɛ Yerusalem hu hao ja nɔuu.

Mateo 2:5

A he nɔ ke, “Ngɛ Betlehem nɛ ngɛ Yudea a. Ejakaa bɔ nɛ gbalɔ ɔ ngma ji nɛ ɔ nɛ:

Mateo 21:15

Osɔfo nikɔtɔma amɛ na nyakpɛ níhi nɛ Yesu pee ngɛ sɔlemi we ɔ. A na bɔ nɛ jokuɛwi hu ngɛ lele hwɔe ngɛ lejɛ ɔ nɛ a ngɛ dee ke, “A je David Bi ɔ yi!” Kɛkɛ nɛ a mi mi fu,

Mateo 21:23

Yesu kpale kɛ ba sɔlemi we ɔ. Benɛ e ngɛ ní tsɔɔe ɔ, osɔfo nikɔtɔma amɛ, kɛ ma nimeli ɔmɛ ba e ngɔ, nɛ a ba bi lɛ ke, “Mɛni he wami o kɛ ngɛ ní nɛ ɔmɛ pee? Mɛnɔ ha mo kikɛmɛ a he wami nɛ ɔ?”

Mateo 26:3

Jamɛ a be ɔ mi ɔ, osɔfo nikɔtɔma amɛ, kɛ ma nimeli ɔmɛ ya bua a he nya ngɛ osɔfo nɔkɔtɔma pe kulaa Kayafa mɔ ɔ mi,

Mateo 26:47

Benɛ Yesu ngɛ munyu ɔ tue kɛ mwɔɔ ɔ, Yuda, ni nyɔngma kɛ enyɔ ɔmɛ a kpɛti nɔ kake ɔ ba hia kpo kɛ nihi babauu ngɛ e se; nɛ a hɛɛ klaatehi kɛ tso kpotihi. Nimli nɛ ɔmɛ ɔ, osɔfo nikɔtɔma amɛ; kɛ ma nimeli ɔmɛ nɛ tsɔ mɛ.

Mateo 27:1

Benɛ je na a, osɔfo nikɔtɔma amɛ, kɛ ma nimeli ɔmɛ tsuo so Yesu yi nɔ, konɛ a gbe lɛ.

Mateo 7:29

E tsɔɔ mɛ ní kaa nɔ ko nɛ hɛɛ blɔ nya, se pi kaa bɔ nɛ mlaa tsɔɔli ɔmɛ tsɔɔ ní ɔ.

Marko 8:31

Jehanɛ Yesu bɔni e kaseli ɔmɛ ní tsɔɔmi ke, “Ja Nɔmlɔ Bi ɔ na amanehlu babauu, nɛ́ ma nimeli ɔmɛ, osɔfo nikɔtɔma amɛ, kɛ mlaa tsɔɔli ɔmɛ kua lɛ. A maa gbe lɛ, nɛ ligbi etɛ se ɔ, e maa te si ekohu.”

Luka 20:19

Mlaa tsɔɔli ɔmɛ, kɛ osɔfo nikɔtɔma amɛ hla kaa a maa nu Yesu jamɛ a ngmlɛfia a mi nɔuu; ejakaa a na kaa a he munyu lɛ e tu ɔ nɛ. Se a ya ye ma a gbeye.

Luka 23:10

Kɛkɛ nɛ osɔfo nikɔtɔma amɛ, kɛ mlaa tsɔɔli ɔmɛ ba da si, nɛ a po Yesu nya babauu.

Yohane 18:3

Lɔ ɔ he ɔ, osɔfo nikɔtɔma amɛ, kɛ Farisi bi ɔmɛ tsɔ Roma ta buli komɛ, kɛ sɔlemi we ɔ tsɔli komɛ abɔɔ ɔ mi, nɛ Yuda nyɛɛ a hɛ mi. A dla a he kaa nihi nɛ yaa ta, nɛ a hɛɛ kanehi, kɛ jatɛhi.

Yohane 3:10

Yesu he nɔ ke, “Tse tsɔɔlɔ nguaa ji mo ngɛ Israel! Nɛ o li enɛ ɔ?

Yohane 7:32

Benɛ Farisi bi ɔmɛ nu nɛ ma kpekpemi ɔ ngɛ Yesu he munyu tue kusikusi ɔ, a kɛ osɔfo nikɔtɔma amɛ tsɔ nihi ke a ya nu lɛ kɛ ba.

Yohane 8:3

Mlaa tsɔɔli ɔmɛ, kɛ Farisi bi ɔmɛ ngɔ yo ko nɛ ya ngɛ ajuama bɔe nɛ a nu lɛ kɛ ba, nɛ a kɛ lɛ ba da ma a tsuo hɛ mi.

Ni Tsumi 23:9

Huhui ɔ nya ba wa, nɛ mlaa tsɔɔli ɔmɛ nɛ ngɛ Farisi bi ɔmɛ a se ɔ te si kɛ pɛ wawɛɛ, nɛ a de ke, “Wɔɔ lɛɛ wa nɛ nɔ́ yaya ko ngɛ nɔmlɔ nɛ ɔ he! Alini mumi ko, loo hiɔwe bɔfo ko kɛ lɛ tu munyu niinɛ!”

Ni Tsumi 4:5

E nɔ jena a, Yuda bi ɔmɛ a hɛ mi nyɛɛli ɔmɛ, kɛ ma nimeli ɔmɛ, kɛ mlaa tsɔɔli ɔmɛ ba bua a he nya ngɛ Yerusalem.

Ni Tsumi 6:12

Blɔ nɔ nɛ ni ɔmɛ gu kɛ sú ma mi bi ɔmɛ, kɛ ma nimeli ɔmɛ, kɛ mlaa tsɔɔli ɔmɛ kɛ wo Stefano he ji nɛ ɔ nɛ. Ni ɔmɛ bu kɛ ba pue Stefano nɔ, nɛ a nu lɛ kɛ ho kpe ngua a hɛ mi ya.