Mateo 2:22 - BAIBLO ALOO NGMAMI KLƆUKLƆU Ɔ

²² Se benɛ Yosef nu kaa Arkelao ngɛ matsɛ yee ngɛ e tsɛ Herode se ngɛ Yudea a, e ye gbeye kaa e maa ya lejɛ ɔ. A kɛ lɛ tu munyu ngɛ nlami mi, nɛ enɛ ɔ ha nɛ e je kɛ ho Galilea kpokpa a nɔ ya,

Somi He Ɔ

²² Bene e nu kaa Arkelao ngɛ matsɛ yee ngɛ Yudea ngɛ e tsɛ Herode se ɔ, Yosef ye lejɛ ɔ yami gbeye; nɛ akɛnɛ a je kpo tsɔɔ lɛ ngɛ nlami mi he ɔ, e plɛ e yi kɛ ho Galilea ni ɔmɛ a mi ya.

Mateo 2:22 ပူးပေါင်းရင်းမြစ်များ

La 121:8

Ke o je kpo jio; o kpale kɛ ma we mi jio, Yawɛ maa bu o he. E maa bu o he kɛ je be nɛ ɔ mi kɛ maa ya neneene.

La 48:14

“Mawu nɛ ɔ ji wa Mawu. Lɛ ji wa Mawu kɛ yaa neneene. Lɛ nɔuu nɛ e maa tsɔɔ wɔ blɔ kɛ maa ya neneene.”

La 73:24

O maa wo mi ga, nɛ o maa tsɔɔ mi blɔ. Nyagbe ɔ, o ma he mi atuu, nɛ o maa wo ye hɛ mi nyami.

Yesaya 30:21

Ke nyɛ ngɛ nyɛɛe, nɛ nyɛ gba kɛ je blɔ ɔ nɔ kɛ ya hiɔ nɔ, loo muɔ nɔ ɔ, nyɛ maa nu e gbi ngɛ nyɛ se nɛ ngɛ dee ke, “Blɔ ɔ ji nɛ oo! Nyɛɛ nyɛɛ blɔ ɔ nɔ.”

Mateo 1:20

Se benɛ Yosef ngɛ nɔ́ nɛ ɔ he susue ɔ, Nyɔmtsɛ ɔ bɔfo je e he kpo tsɔɔ lɛ ngɛ nlami mi, nɛ e de lɛ ke, “Yosef, David nina, koo ye gbeye kaa o kɛ Maria maa hi si kaa o yo; hɔ nɛ e hɛɛ nɛ ɔ je Mumi Klɔuklɔu ɔ mi.

Mateo 2:1

Benɛ a fɔ Yesu ngɛ Betlehem nɛ ngɛ Yudea, ngɛ Matsɛ Herode yi nɔ ɔ, ní leli komɛ je beleku kɛ ba Yerusalem ba bi ke,

Mateo 2:19

Herode gbenɔ se ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi ngɛ Egipt,

Mateo 2:21

Kɛkɛ nɛ Yosef te si, nɛ e ngɔ bimwɔyo ɔ, kɛ e nyɛ ɔ, nɛ a kpale kɛ ho Israel zugba a nɔ ya.

Mateo 3:13

Jamɛ a be ɔ, Yesu je Galilea kɛ ba Yohane ngɔ ngɛ Yordan pa a nya, konɛ Yohane nɛ sɔle lɛ.

Luka 2:39

Benɛ Yosef kɛ Maria pee kusumi ɔmɛ tsuo gbe nya kaa bɔ nɛ Nyɔmtsɛ ɔ mlaa a tsɔɔ ɔ, a kpale a se kɛ ho mɛ nitsɛmɛ a ma Nazaret, nɛ ngɛ Galilea a ya.

Yohane 7:52

A he nɔ ke, “Saminya! Tse mo hu Galilea no ji mo! Yaa kpa ngmami ɔmɛ a mi kaa o maa na gbalɔ ko nɛ je Galilea lo!”

Samuel I, 16:2

Se Samuel de ke, “Kɛ ma plɛ kɛ ya kɛɛ? Ke Saul nu he ɔ, e maa gbe mi.” Yawɛ ha heto ke, “Moo hɛɛ na bi kɛ to dɛ, nɛ o de ke, ‘I ba nɛ ma ba sã bɔ ha Yawɛ.’