Mateo 2:2 - BAIBLO ALOO NGMAMI KLƆUKLƆU Ɔ

² “Bimwɔyo ɔ nɛ a fɔ nɛ e ba ye Yuda bi ɔmɛ a nɔ matsɛ ɔ, jije e ngɛ? Wa na e dodoe ngɛ beleku, nɛ wa ba, konɛ wa ba ja lɛ.”

Somi He Ɔ

² “Jije Yudafo ɔmɛ a matsɛ ɔ nɛ a fɔ ɔ ngɛ? Wa na edodoe ngɛ beleku, nɛ wa ma lɛ jami.”

Mateo 2:2 ပူးပေါင်းရင်းမြစ်များ

Mose IV, 24:17

I na lɛ, se e he kɛ; I ngɛ lɛ hyɛe, se e sui hiɛ ɔ lolo. Dodoe ko maa je Yakob mi kɛ ba; Matsɛ tso ko maa je Israel; E maa fia Moab ma nimeli ɔmɛ ní, nɛ e ma kpata Set bi ɔmɛ a hɛ mi.

Yeremia 23:5

Yawɛ ke, “Be ma nɛ ma hla dalɔ ko kɛ je David nina a a kpɛti nɛ e ba ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Kpojemi 22:16

“Imi Yesu lɛ i tsɔ ye bɔfo ɔ, konɛ e ba fiɛ ní nɛ ɔmɛ ngɔ tsɔɔ nyɛ ngɛ asafo ɔmɛ a mi. Imi ji David nina a nɛ. Imi ji nɔkɔ nɛ ngɛ kpɛe ɔ nɛ.”

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Yesaya 60:3

Je mahi maa nyɛɛ kɛ ba o la a he, nɛ matsɛmɛ maa ba la nɛ ngɛ kpɛe ngɛ o nɔ ɔ he.

Yohane 18:37

Lɔ ɔ he ɔ, Pilato bi lɛ ke, “Se matsɛ ji mo kɛ̃?” Yesu he nɔ ke, “O ngɛ dee ke matsɛ ji mi. Imi lɛɛ enɛ ɔ he nɛ a fɔ mi kɛ ba je ɔ mi, konɛ ma tsɔɔ anɔkuale ɔ. Nɔ tsuaa nɔ nɛ le anɔkuale ɔ buɔ mi tue.”

Hebribi 1:6

Se benɛ Mawu miɔ nɛ e maa tsɔ e bitɛte ɔ je ɔ mi ɔ, e de ekohu ke, “Ha nɛ Mawu bɔfo ɔmɛ tsuo nɛ a ja lɛ.”

Luka 23:38

A ngma munyu ko ngɔ mɛtɛ e yi je ke, “Nɔ nɛ ɔ ji Yuda bi ɔmɛ a matsɛ ɔ nɛ.”

Luka 23:3

Pilato bi lɛ ke, “Anɛ mo ji Yuda bi ɔmɛ a matsɛ ɔ lo?” Yesu he nɔ ke, “Ja o deɔ nɛ.”

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Yohane 1:49

Natanael kpale he nɔ ke, “Tsɔɔlɔ, niinɛ, mo ji Mawu Bi ɔ! Mo ji Israel matsɛ ɔ nɛ!”

Luka 19:38

A de ke, “Mawu nɛ gbaa matsɛ ɔ nɛ ma ngɛ Nyɔmtsɛ ɔ biɛ mi ɔ! He jɔmi ngɛ hiɔwe, kɛ hɛ mi nyami ha Mawu!”

Luka 2:11

Mwɔnɛ ligbi nɛ ɔ, a fɔ nyɛ yi wami helɔ, Nyɔmtsɛ Kristo ɔ ngɛ David ma a mi!

Yeremia 30:9

Se mohu, a ma sɔmɔ imi Yawɛ, a Mawu ɔ, kɛ David nina ko nɛ ma wo matsɛ ha mɛ ɔ.

La 45:11

kɛkɛ o he fɛu ɔ maa pee matsɛ ɔ akɔnɔ; lɛ ji o nyɔmtsɛ, lɔ ɔ he ɔ, ba o he si ha lɛ.

Yohane 9:38

Nyumu ɔ he nɔ ke, “Nyɔmtsɛ, i heɔ yeɔ.” Kɛkɛ nɛ e kpla si ngɛ Yesu hɛ mi.

Yohane 19:19

Pilato ngma kɛ mɛtɛ Yesu sɛumi tso ɔ yi mi ke, “Yesu nɛ je Nazaret, Yuda bi ɔmɛ a matsɛ ɔ.”

Yohane 12:13

Lɔ ɔ he ɔ, a kukuɔ tã ba, nɛ a je kpo, nɛ a kɛ lɛ ya kpe kɛ a nɔ ose ke, “Mo kpɔ wɔ oo! Mawu nɛ gbaa nɔ nɛ ma ngɛ Nyɔmtsɛ ɔ biɛ mi ɔ! Mawu nɛ gbaa Israel matsɛ ɔ!”

Mateo 27:11

Yesu daa si ngɛ Roma amlaalo ɔ hɛ mi, nɛ amlaalo ɔ bi lɛ ke, “Mo ji Yuda bi ɔmɛ a matsɛ ɔ?” Yesu he nɔ ke, “Ja o de ɔ nɛ.”

Yohane 20:28

Toma he nɔ ke, “Ye Nyɔmtsɛ! Ye Mawu!”

Mateo 21:5

“Nyɛ de Zion biyo ɔ ke, Hyɛ, o matsɛ ɔ ma o ngɔ. E he jɔ, nɛ e hi teji nɔ, ee, e hi teji bi nɔ.”

Mateo 2:3

Benɛ Matsɛ Herode nu nɔ́ nɛ ɔ, e hao, nɛ nihi tsuo nɛ ngɛ Yerusalem hu hao ja nɔuu.