Mateo 2:16 - BAIBLO ALOO NGMAMI KLƆUKLƆU Ɔ

¹⁶ Benɛ Herode na kaa ní leli ɔmɛ sisi lɛ ɔ, e mi mi fu wawɛɛ. E tsɔ nɛ a ya gbe jokuɛ nyumuwi tsuo nɛ ngɛ Betlehem, kɛ lejɛ ɔ ní ɔmɛ a mi; a gbe kɛ je muɔloku nɔ kɛ ya si ni nɛmɛ nɛ ye jeha enyɔɔnyɔ a nɔ. Herode kale kɛ je be nɛ ní leli ɔmɛ tsɔɔ kaa dodoe ɔ je ɔ, nɛ e kɛ tsu nɔ́ nɛ ɔ.

Somi He Ɔ

¹⁶ Jeha nɛ ɔ benɛ Herode na kaa ni leli ɔmɛ sisi lɛ ɔ, e muklii mi fu wawɛɛ, nɛ e tsɔ a ya gbe jokuɛ nyumuwi tsuo nɛ ngɛ Betlehem kɛ lejɛ ɔ ni ɔmɛ a mi tsuo, ninɛmɛ nɛ ye jeha enyɔ kɛ ninɛmɛ nɛ yi ja ngɛ be nɛ e bi ni leli ɔmɛ fitsofitso ɔ nya.

Mateo 2:16 ပူးပေါင်းရင်းမြစ်များ

Yesaya 59:7

Be tsuaa be ɔ, yayami he ga sɔuu nyɛ toɔ. Nɔ nɛ ko ye bemi ɔ, nyɛ he sɔɔ kɛ pueɔ e muɔ si yaka. He tsuaa he nɛ nyɛ gu ɔ, nɔ́ puɛmi, kɛ nɔ́ hɛ mi kpatami sɔuu nyɛ siɔ ngɛ nyɛ se;

Abɛ Womi 28:15

Matsɛ yiwutsotsɛ nɛ ngɛ tsɛ yee ngɛ nihi nɛ a ní ngɛ mɔbɔ a nɔ ɔ, e ngɛ kaa jata nɛ ngɛ huae, aloo osisiblisi nɛ e hɛ mi wo la.

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.

Hosea 10:14

Enɛ ɔ he ɔ, ta ma ba tua nyɛ, nɛ nyɛ mɔ ɔmɛ tsuo a hɛ mi ma kpata kaa bɔ nɛ Matsɛ Shalman kpata Betabel hɛ mi ngɛ ta mi ɔ. Jamɛ a ligbi ɔ, a nuu nyɛmɛ kɛ a bimɛ tsuo ngɔ fiaa si nɛ a gbe mɛ.

Daniel 3:13

Matsɛ Nebukadnezar mi mi fu wawɛɛ nitsɛ, nɛ e fa ke a ya ngɔ Shadrak, Meshak, kɛ Abednego kɛ ba. Benɛ a ya ngɔ mɛ kɛ ba a,

Yesaya 26:21

Ejakaa Yawɛ je e hi he ɔ kɛ ma je ɔ mi nɛ e ba gbla nimli adesahi a tue ngɛ a he yayami ɔmɛ a he. Nihi nɛ a gbe ngɛ laami mi ngɛ je ɔ mi ɔ, a ma je mɛ tsuo kpo nɛ a na mɛ; zugba a be jamɛ a ni ɔmɛ a nɔ laae hu.

Matsɛmɛ II, 8:12

Hazael bi lɛ ke, “Ye nyɔmtsɛ, mɛni he je o ngɛ ya foe ɔ?” Elisha he nɔ ke, “Ejakaa i le ní yayamihi nɛ o maa pee Israel ma a. O maa mɛ a mɔ ɔmɛ a he la; o kɛ klaate maa gbe a nihewi ɔmɛ; o maa ngɔ a bimɛ tsɔwitsɔwi ɔmɛ kɛ fia si, nɛ a maa ku dukuduku. Yihɔyi ɔmɛ lɛɛ o ma gba a muklii ɔmɛ.”

Manyadali 16:10

Delila de Samson ke, “Hyɛ kaa o pee mi kuasia, nɛ o mlɔɔ mi! I kpa mo pɛɛ, moo tsɔɔ mi bɔ nɛ a ma plɛ kɛ fi mo ha.”

Mose I, 49:7

A gbiɛ a mi mi fumi ɔ, Ejakaa e nya wa, nɛ a kɛ peeɔ yi wu tso níhi. Ma gbɛ mɛ ngɔ fĩa Israel zugba a nɔ ngɛ a ma mi bi ɔmɛ a kpɛti.

Abɛ Womi 28:17

Ke nɔ ko pue nɔ ko muɔ si ɔ, e maa bɔ ko, nɛ e maa hi kpae hluu kɛ yaa si e hɛ mi ma kpata. Nɔ ko nɔ ko nɛ ko na lɛ mɔbɔ.

Hiob 12:4

I plɛ pee muɔ nɔ́ kɛ ha ye huɛmɛ; a ngɛ mi muɔe, pohu dalɔ ji mi; tɔmi be ye he. Be ko nɛ be ɔ, ke i fa kue ha Mawu ɔ, e buɔ mi tue.

Mose IV, 24:10

Kɛkɛ nɛ Balak mi mi fu Balaam wawɛɛ, nɛ e gba e dɛ mi ma, nɛ e de Balaam ke, “I kpee mo kɛ ba nɛ o ba gbiɛ ye he nyɛli ha mi; se si etɛ sɔuu ji nɛ ɔ nɛ o ngɛ mɛ gbaae mohu.

Mose IV, 22:29

Balaam he nɔ nɛ e de teji yo ɔ ke, “Ejakaa o pee mi kuasia. I hɛɛ klaate jinɛ i gbe mo momo.”

Mose I, 39:17

Kɛkɛ nɛ yo ɔ bɔ lɛ kikɛmɛ a amaniɛ nɛ ɔ nɔuu ke, “Hebri no tsɔlɔ nɛ ɔ nɛ o ngɔ ba futu wɔ ɔ ba ye ngɔ, nɛ e hla kaa e ma tua mi.

Mose I, 39:14

e tsɛ tsɔli ɔmɛ nɛ tsuɔ ní ngɛ we ɔ mi ɔ, nɛ e de mɛ ke, “Nyɛɛ hyɛ! Ye huno ya ngɔ kikɛmɛ a Hebri no nɛ ɔ kɛ ba futu wɔ, konɛ e ba ye wa he fɛu. Nyumu nɛ ɔ ba ye ngɔ konɛ e ba tua mi, se i kpa bubuubui.

Mateo 2:1

Benɛ a fɔ Yesu ngɛ Betlehem nɛ ngɛ Yudea, ngɛ Matsɛ Herode yi nɔ ɔ, ní leli komɛ je beleku kɛ ba Yerusalem ba bi ke,

Mateo 2:7

Kɛkɛ nɛ Herode tsɛ ní leli ɔmɛ zaa, nɛ e bi mɛ fitsofitso be mi nɛ dodoe ɔ je.

Mateo 2:17

Nɛ nɔ́ nɛ gbalɔ Yeremia de ɔ ba mi ke,

Kpojemi 12:4

Sinɔ ɔ ngɔ e hlemi kɛ gbla dodoehi nɛ ngɛ hiɔwe ɔ a mi dlami etɛ mi kake, nɛ e hɛ mɛ ngɔ pue zugba. Kɛkɛ nɛ e ya da yo nɛ miɔ nɛ e ma fɔ ɔ hɛ mi, konɛ ke e fɔ pɛ nɛ lɛ sinɔ ɔ nɛ ye bi ɔ.