Mateo 2:13 - BAIBLO ALOO NGMAMI KLƆUKLƆU Ɔ

¹³ Benɛ ní leli ɔmɛ je ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi, nɛ e de lɛ ke, “Herode ma ba hla bimwɔyo ɔ nɛ e gbe lɛ. Lɔ ɔ he ɔ, tee si! Ngɔɔ bimwɔyo ɔ, kɛ e nyɛ ɔ, nɛ o kɛ mɛ nɛ tu fo kɛ ya Egipt. Nyɛ ya hi lejɛ ɔ kɛ yaa si be nɛ ma to mo.”

Somi He Ɔ

¹³ Nɛ benɛ a je se ɔ, oʼɛ, Nyɔmtsɛ ɔ Bɔfo je e he kpo tsɔɔ Yosef ngɛ nlami mi nɛ e ke: “Tee si, ngɔɔ bimwɔyo ɔ kɛ e nyɛ ɔ, nɛ o tu fo kɛ ya Mizraim, nɛ o hi lejɛ ɔ kɛ yaa su be nɛ ma de mo; se Herode ma hla bimwɔyo ɔ nɛ e gbe.”

Mateo 2:13 ပူးပေါင်းရင်းမြစ်များ

Ni Tsumi 12:11

Jehanɛ Petro hɛ mi pee lɛ paa, nɛ e de ke, “Kpaako i na le! Nyɔmtsɛ ɔ tsɔ e bɔfo ɔ kɛ ba, nɛ e ba je mi kɛ je Herode dɛ mi, kɛ je níhi nɛ Yuda bi ɔmɛ to kaa a maa pee mi ɔ a mi.”

Ni Tsumi 10:7

Kɛkɛ nɛ Mawu bɔfo ɔ je. Jehanɛ Kornelio tsɛ e sɔmɔli enyɔ, kɛ ta bulɔ kake kɛ ba e ngɔ. Ta bulɔ nɛ ɔ, Kornelio he buli ɔmɛ a ti nɔ kake nɛ yee Mawu gbeye ji lɛ.

Ni Tsumi 5:19

Se nyɔ mi ɔ, Nyɔmtsɛ ɔ bɔfo ba bli tsu ɔ nya sinya amɛ, nɛ e je mɛ; nɛ e de mɛ ke,

Mateo 2:12

Akɛnɛ Mawu je tsɔɔ mɛ ngɛ nlami mi ke a ko kpale a se kɛ ya Herode ngɔ hu he je ɔ, a gu blɔ kpa kɛ ho a ma mi ya.

Mateo 1:20

Se benɛ Yosef ngɛ nɔ́ nɛ ɔ he susue ɔ, Nyɔmtsɛ ɔ bɔfo je e he kpo tsɔɔ lɛ ngɛ nlami mi, nɛ e de lɛ ke, “Yosef, David nina, koo ye gbeye kaa o kɛ Maria maa hi si kaa o yo; hɔ nɛ e hɛɛ nɛ ɔ je Mumi Klɔuklɔu ɔ mi.

Mose II, 1:22

Kɛkɛ nɛ Farao ɔ wo e ma mi bi ɔmɛ tsuo mlaa ke, “Binyumu tsuaa binyumu nɛ Hebri no ko ma fɔ ɔ, nyɛ ya sake lɛ ngɔ fɔ Nilo pa a mi; se biyo tsuaa biyo lɛɛ nyɛ ha nɛ e yi nɛ na wami.”

Mateo 2:16

Benɛ Herode na kaa ní leli ɔmɛ sisi lɛ ɔ, e mi mi fu wawɛɛ. E tsɔ nɛ a ya gbe jokuɛ nyumuwi tsuo nɛ ngɛ Betlehem, kɛ lejɛ ɔ ní ɔmɛ a mi; a gbe kɛ je muɔloku nɔ kɛ ya si ni nɛmɛ nɛ ye jeha enyɔɔnyɔ a nɔ. Herode kale kɛ je be nɛ ní leli ɔmɛ tsɔɔ kaa dodoe ɔ je ɔ, nɛ e kɛ tsu nɔ́ nɛ ɔ.

Hiob 33:15

Nyɔ mi benɛ nimli adesahi hwɔ mahe vii ngɛ sa nɔ ɔ, Mawu kɛ mɛ tuɔ munyu kɛ guu nlamihi, kɛ ninahi a mi.

Hiob 33:17

Mawu kɛ nimli adesahi tuɔ munyu bɔ nɛ pee nɛ a kpa yayami peemi, nɛ a ko wo a he nɔ.

Yoshua 4:18

Benɛ osɔfo ɔmɛ nɛ tloo Yawɛ somi daka a je Yordan pa a mi, nɛ a nane ma zugba gbigbli nɔ pɛ, kɛkɛ nɛ Yordan nyu ɔ kpale kɛ ba e blɔ he, nɛ pa a hyi nɛ e ywia nga kaa sa a.

Kpojemi 12:14

Se a ha yo ɔ kɔle nguaa a pɛli enyɔ ɔmɛ, konɛ e kɛ tu fo kɛ ya e hi he ɔ ngɛ nga a nɔ. A maa hyɛ e nɔ ngɛ lejɛ ɔ jeha etɛ kɛ fa, nɛ sinɔ nguaa a nine be e nɔ sue.

Ni Tsumi 16:36

Kɛkɛ nɛ pamitsɛmɛ a nɔ hyɛlɔ de Paulo ke, “Roma kojoli ɔmɛ tsɔ kɛ ba ke a ngmɛɛ o kɛ Sila nyɛ he. Lɔ ɔ he ɔ, nyɛɛ je kpo nɛ nyɛɛ ya. Nyɛɛ ya ngɛ he jɔmi mi.”

Ni Tsumi 10:22

A he nɔ ke, “Asafoatsɛ Kornelio lɛ tsɔ wɔ. Nyumu nɛ ɔ yeɔ dami sane; e yee Mawu gbeye wawɛɛ, nɛ Yuda bi ɔmɛ tsuo tuɔ e he munyu kpakpa. Mawu bɔfo ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya mi munyu tue.”

Ni Tsumi 7:19

Matsɛ nɛ ɔ sisi wa nɛmɛ ɔmɛ, nɛ e wa mɛ yi mi. E ha nɛ a sake a bimwɔwi ngɔ pue he, konɛ a gbo.

Mateo 10:23

Ke a ngɛ nyɛ yi mi wae ngɛ ma ko mi ɔ, nyɛɛ tu fo kɛ ya ma kpa mi. Niinɛ, i ngɛ nyɛ dee ke nyɛ be nyɛ ní tsumi ɔ nya gbee ngɛ Israel ma amɛ tsuo a mi, loko Nɔmlɔ Bi ɔ maa ba.

Yoshua 3:17

Osɔfo ɔmɛ nɛ tloo Yawɛ somi daka a da si ngɛ Yordan ɔ kpɛti, ngɛ zugba gbigbli nɔ kɛ ya su be nɛ Israel ma a tsuo nyɛɛ zugba gbigbli nɔ kɛ po Yordan pa a ta.

Kpojemi 12:6

Yo ɔ tu fo kɛ ho nga nɔ ya ngɛ he ko nɛ Mawu dla ngɔ to lɛ, nɛ a ya hyɛ e nɔ ligbi akpe kɛ e nya lafa enyɔ kɛ nyingmi ekpa.

Yoshua 4:10

Osɔfo ɔmɛ nɛ tloo somi daka a da si ngɛ Yordan pa a kpɛti kɛ ya si be nɛ a gbe nɔ́ tsuaa nɔ́ nya kaa bɔ nɛ Yawɛ fa Yoshua kɛ gu Mose nɔ ke e ha nɛ ma a nɛ a pee ɔ pɛpɛɛpɛ. Ma a po pa a mlamlaamla.

Yoshua 3:13

Ke osɔfo ɔmɛ nɛ tloo Yawɛ, nɛ ji je ɔ tsuo Nyɔmtsɛ ɔ daka a sɛ Yordan pa a mi pɛ pa a ma kpa bemi, nɛ nyu nɛ je yiti je ɔ ma ti kɛ da si ngɛ he kake.”

Kpojemi 12:4

Sinɔ ɔ ngɔ e hlemi kɛ gbla dodoehi nɛ ngɛ hiɔwe ɔ a mi dlami etɛ mi kake, nɛ e hɛ mɛ ngɔ pue zugba. Kɛkɛ nɛ e ya da yo nɛ miɔ nɛ e ma fɔ ɔ hɛ mi, konɛ ke e fɔ pɛ nɛ lɛ sinɔ ɔ nɛ ye bi ɔ.

Mateo 2:22

Se benɛ Yosef nu kaa Arkelao ngɛ matsɛ yee ngɛ e tsɛ Herode se ngɛ Yudea a, e ye gbeye kaa e maa ya lejɛ ɔ. A kɛ lɛ tu munyu ngɛ nlami mi, nɛ enɛ ɔ ha nɛ e je kɛ ho Galilea kpokpa a nɔ ya,

Matsɛmɛ I, 3:5

Jamɛ a nyɔ ɔ mi ɔ, Yawɛ je e he kpo ngɔ tsɔɔ Salomo ngɛ nlami mi, nɛ e bi lɛ ke, “Mɛni o suɔ nɛ ma ha mo?”

Mateo 2:14

Yosef te si, nɛ e ngɔ bimwɔyo ɔ, kɛ e nyɛ ɔ, nɛ a pue nɔ nyɔ mi kɛ ho Egipt ya

Ni Tsumi 12:7

Tlukaa a, Nyɔmtsɛ ɔ bɔfo ko ba da e kasa nya, nɛ la kpɛ ngɛ tsu ɔ mi. Bɔfo ɔ gba Petro konɔ ma nɛ e tsɛ̃ɛ̃ lɛ ke, “Tee si esɔ!” Amlɔ ɔ, kɔsɔkɔsɔ ɔmɛ kplɔ ngɛ e nine.

Matsɛmɛ I, 11:17

Hadad, kɛ Edom bi komɛ nɛ ji e tsɛ tsɔli pɛ ji nihi nɛ tu fo kɛ ho Egipt ya. Jamɛ a be ɔ mi ɔ, jokuɛ bɔbɔyoo kɛkɛ ji Hadad.