Mateo 2:12 - BAIBLO ALOO NGMAMI KLƆUKLƆU Ɔ

¹² Akɛnɛ Mawu je tsɔɔ mɛ ngɛ nlami mi ke a ko kpale a se kɛ ya Herode ngɔ hu he je ɔ, a gu blɔ kpa kɛ ho a ma mi ya.

Somi He Ɔ

¹² Nɛ akɛnɛ Mawu je tsɔɔ mɛ ngɛ nlɛmi mi ke a ko kpale a se kɛ ya Herode ngɔ hu ɔ, a gu blɔ kpa kɛ ho a zugba a nɔ ya.

Mateo 2:12 ပူးပေါင်းရင်းမြစ်များ

Mose I, 31:24

Jamɛ a nyɔ ɔ mi ɔ, Mawu je e he kpo ngɔ tsɔɔ Laban, Aram no ɔ ngɛ nlami je, nɛ e de lɛ ke, “Hyɛ nɛ hi nɛ o kɛ Yakob ko tu munyu ko; yaya jio, kpakpa jio.”

Mose II, 1:17

Se fɔliyi ɔmɛ yee Mawu gbeye; a gbi binyumuwi ɔmɛ kaa bɔ nɛ Egipt matsɛ ɔ fa mɛ ɔ; mohu ɔ, a baa a yi.

Daniel 2:19

Jamɛ a nyɔ ɔ mi nɔuu ɔ, a je laami sane ɔ kpo ngɔ tsɔɔ Daniel ngɛ nina mi, nɛ e je Mawu nɛ ngɛ hiɔwe ɔ yi.

Mateo 1:20

Se benɛ Yosef ngɛ nɔ́ nɛ ɔ he susue ɔ, Nyɔmtsɛ ɔ bɔfo je e he kpo tsɔɔ lɛ ngɛ nlami mi, nɛ e de lɛ ke, “Yosef, David nina, koo ye gbeye kaa o kɛ Maria maa hi si kaa o yo; hɔ nɛ e hɛɛ nɛ ɔ je Mumi Klɔuklɔu ɔ mi.

Mateo 2:13

Benɛ ní leli ɔmɛ je ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi, nɛ e de lɛ ke, “Herode ma ba hla bimwɔyo ɔ nɛ e gbe lɛ. Lɔ ɔ he ɔ, tee si! Ngɔɔ bimwɔyo ɔ, kɛ e nyɛ ɔ, nɛ o kɛ mɛ nɛ tu fo kɛ ya Egipt. Nyɛ ya hi lejɛ ɔ kɛ yaa si be nɛ ma to mo.”

Mateo 2:19

Herode gbenɔ se ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi ngɛ Egipt,

Mateo 2:22

Se benɛ Yosef nu kaa Arkelao ngɛ matsɛ yee ngɛ e tsɛ Herode se ngɛ Yudea a, e ye gbeye kaa e maa ya lejɛ ɔ. A kɛ lɛ tu munyu ngɛ nlami mi, nɛ enɛ ɔ ha nɛ e je kɛ ho Galilea kpokpa a nɔ ya,

Mateo 27:19

Benɛ Pilato hii si ngɛ kojomi sɛ ɔ nɔ ɔ, e yo tsɔ nɔ kɛ sɛ gbi ba de lɛ ke, “Hyɛ, koo pee dalɔ nɛ ɔ yayami ko oo! Ejakaa i nla nlami basabasa ngɛ e he nyɔ nɛ ɔ mi, nɛ i hao wawɛɛ.”

Luka 2:26

Mumi Klɔuklɔu ɔ je tsɔɔ lɛ ke e be gboe kɛ yaa si e maa na Nyɔmtsɛ ɔ Kristo ɔ.

Ni Tsumi 10:22

A he nɔ ke, “Asafoatsɛ Kornelio lɛ tsɔ wɔ. Nyumu nɛ ɔ yeɔ dami sane; e yee Mawu gbeye wawɛɛ, nɛ Yuda bi ɔmɛ tsuo tuɔ e he munyu kpakpa. Mawu bɔfo ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya mi munyu tue.”

Ni Tsumi 4:19

Se Petro kɛ Yohane he nɔ nɛ a de mɛ ke, “Ke e da blɔ ngɛ Mawu hɛ mi kaa a bu nyɛ mohu tue pe Mawu ɔ, nyɛɛ kojo.

Ni Tsumi 5:29

Petro, kɛ bɔfo kpa amɛ he nɔ ke, “E sa kaa waa bu Mawu mohu tue, se pi nimli.

1 Korintobi 3:19

Ejakaa nɔ́ nɛ je ɔ buu kaa nile ɔ ji kuasia nɔ́ ko ngɛ Mawu lɛɛ e hɛ mi. Ngmami ɔ ke, “Mawu ngɔɔ nile kɛ tsɔɔ ní leli klama.”

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.

Hebribi 8:5

Ní nɛ osɔfo ɔmɛ tsuɔ ɔ ngɛ kaa ní tsumi nɛ a tsuɔ ngɛ hiɔwe ɔ henɔ, loo e nini kɛkɛ. Mose hu kikɛ nɛ ɔ nɔuu e tsu ní. Benɛ e maa ma bo tsu ɔ, Mawu de lɛ ke, “Hyɛ nɛ o pee ní ɔmɛ tsuo pɛpɛɛpɛ kaa henɔ nɛ i tsɔɔ mo ngɛ yo ɔ nɔ ɔ.”