Mateo 2:11 - BAIBLO ALOO NGMAMI KLƆUKLƆU Ɔ

¹¹ A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.

Somi He Ɔ

¹¹ Nɛ a ya we ɔ mi, nɛ a ya na bimwɔyo ɔ kɛ e nyɛ Maria a, nɛ a kpla si nɛ a ja lɛ, nɛ a pɛne a kotoku ɔmɛ a nya; nɛ a ke lɛ nihi: sika tsu kɛ mimɛ kɛ mire.

Mateo 2:11 ပူးပေါင်းရင်းမြစ်များ

Yesaya 60:6

Afukpɔngɔhi babauu ma ba bua a he nya ngɛ o ngɔ; a maa je Midian kɛ Efa. Sheba bi ɔmɛ maa ngɔ sika tsu, kɛ tsopa kɛ e he via kɛ ba, nɛ mɛ tsuo a ma ba je Yawɛ yi ngɛ ní kpakpahi nɛ e pee ha mɛ ɔ he!

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

Luka 2:16

Kɛkɛ nɛ a ho nɔuu, nɛ a ya na Maria, kɛ Yosef, kɛ bimwɔyo ɔ hu nɛ hwɔɔ si ngɛ lohwehi a niye ní daka a mi.

Mateo 2:2

“Bimwɔyo ɔ nɛ a fɔ nɛ e ba ye Yuda bi ɔmɛ a nɔ matsɛ ɔ, jije e ngɛ? Wa na e dodoe ngɛ beleku, nɛ wa ba, konɛ wa ba ja lɛ.”

La 95:6

Nyɛɛ ba nɛ waa ngɔ wa hɛ mi kɛ bu si, nɛ wa ja lɛ. Nyɛ ha nɛ wa kpla si ngɛ Yawɛ, wa bɔlɔ ɔ nane nya.

La 72:15

Matsɛ ɔ yi nɛ na wami! Á ngɔ Arabia sika tsu kɛ ba ha lɛ! A kpa Mawu pɛɛ kɛ ha lɛ be tsuaa be, nɛ a bi gbaami ha lɛ daa ligbi!

Matsɛmɛ I, 10:2

Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ ba na Salomo ɔ, e bi Salomo munyuhi tsuo nɛ ngɛ e yi mi,

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Mateo 14:33

Jehanɛ, kaseli ɔmɛ nɛ ngɛ lɛ ɔ mi ɔ ja Yesu, nɛ a de ke, “Niinɛ, Mawu Bi ji mo!”

Kpojemi 5:8

Benɛ To bi ɔ sɔle womi kpo ɔ, hɛ kali eywiɛ ɔmɛ, kɛ nikɔtɔma nyingmi enyɔ kɛ eywiɛ ɔmɛ ngɔ a hɛ mi ngɔ bu si ngɛ To bi ɔ hɛ mi. A ti nɔ tsuaa nɔ hɛɛ kpa saku, kɛ sika tsu sowe nɛ tsopa kɛ e he via hyi lɛ tɔ. Enɛ ɔmɛ ji ni klɔuklɔu ɔmɛ a sɔlemi.

Luka 2:38

Jamɛ a ngmlɛfia a nɔuu ɔ, Ana hu ba lejɛ ɔ. E ba je Mawu yi, nɛ e tu bimwɔyo ɔ he munyu ngɔ tsɔɔ nihi tsuo nɛ ngɛ Mawu blɔ hyɛe nɛ e kpɔ Yerusalem ma a.

Samuel I, 10:27

Se yaka nimli komɛ bi ke, “Kɛ nɔmlɔ nɛ ɔ maa pee kɛ he wa yi wami kɛɛ?” A gbe e he guɛ, nɛ mɛɛ a ya ki lɛ ní. Se Saul pui a nya mi.

Mose III, 6:15

É piti mamu bukɔbukɔ, kɛ nu ɔ, kɛ tsopa kɛ e he via nɛ ngɛ niye ní bɔ ɔ nɔ ɔ tsuo e dɛ kɔkɔ kake, nɛ e sã ngɛ bɔ sami la tɛ ɔ nɔ, konɛ e je via liliili, nɛ e pee kaimi nɔ ha Yawɛ.

Mose II, 30:34

Yawɛ de Mose ke, “Moo ngmɛ tsopa kɛ e he via nɛ ɔmɛ nɛ a jiimi nɛ pee fiee: stakte, onitsa, galbanum, kɛ mimɛ ngmingmiingmi.

Mose I, 43:11

A tsɛ Yakob de mɛ ke, “Ke ja ji sane ɔ, lɛɛ nyɛɛ ngɔ zugba nɛ ɔ nɔ ní kpakpa amɛ ekomɛ kɛ wo nyɛ kotoku ɔmɛ a mi, nɛ nyɛ kɛ ya ke ganɔ ɔ. Nyɛɛ ngɔ tsopa nu bɔɔ, bila, hwo bɔɔ, kɛ tsopahi kɛ a he via bɔɔ, gigɛ bɔɔ, kɛ ngmɛ́ bɔɔ.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

La 45:8

O tadehi a mi jeɔ via liliili kɛ tsopa kɛ e he via: mire, aloe, kɛ kasia. Kpa sakuhi a fiaa kɛ haa o bua jɔɔ o he ngɛ o mɔ ɔmɛ a mi; suɔ wu a kɛ ma mɔ nɛ ɔmɛ tsuo.

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

Matsɛmɛ I, 10:10

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu kilo akpe eywiɛ, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Matsɛ Salomo ɔ, Salomo na we eko nɛ hiɛ kaa ja hyɛ.

Mose II, 30:23

“Yaa nɛ o ya hla tsopa kɛ e he via kpakpa nɛ ɔmɛ: mire nyu kilo ekpa, sinamon nɛ jeɔ via ja hiɛmi fa, nɛ ji kilo etɛ, kalamo nɛ jeɔ via kilo etɛ,

Lahi 3:6

Mɛni je nga kplanaa a nɔ kɛ ma nɛ ɔ? Mɛni lɛ ma kaa la su ku kusuu nɛ ɔ? Mɛni ji nɛ ɔ kɛ e he via kaa tsopa kɛ e he via, aloo mimɛ, aloo jua yeli a tsopa kpa komɛ nɛ jee via a?

Mateo 1:18

Jehanɛ ɔ, bɔ nɛ Yesu Kristo fɔmi ɔ ba ha ji nɛ ɔ nɛ. Yosef ya bi Yesu nyɛ Maria si, se e na we nɛ e kɛ lɛ ba hi si lolo nɛ a na kaa Maria hɛɛ hɔ kɛ je Mumi Klɔuklɔu ɔ mi.

Mateo 2:10

Benɛ a na dodoe ɔ, a na bua jɔmi wawɛɛ nitsɛ.

Mateo 12:46

Benɛ Yesu kɛ ni ɔmɛ ngɛ munyu tue kɛ mwɔɔ ɔ, e nyɛ, kɛ e nyɛminyumu ɔmɛ ba da agbo ɔ nya, nɛ a ngɛ hlae nɛ a kɛ lɛ nɛ tu munyu. [

Yohane 19:39

Nikodemo, nɔ nɛ be ko e ya Yesu ngɔ nyɔ mi ɔ, lɛ hu e ngɔ tsopa kɛ e he via, nɛ ji mire kɛ aloe nɛ a futu, nɛ jiimi maa pee kilo nyingmi etɛ kɛ ba, nɛ e piɛ Yosef he kɛ ho.