Mateo 2:1 - BAIBLO ALOO NGMAMI KLƆUKLƆU Ɔ

¹ Benɛ a fɔ Yesu ngɛ Betlehem nɛ ngɛ Yudea, ngɛ Matsɛ Herode yi nɔ ɔ, ní leli komɛ je beleku kɛ ba Yerusalem ba bi ke,

Somi He Ɔ

¹ Benɛ pa fɔ Yesu ngɛ Betlehem ngɛ Yudea ngɛ matsɛ Herode yi nɔ se ɔ, oʼɛ, ni leli je beleku ba Yerusalem ba bi ke:

Mateo 2:1 ပူးပေါင်းရင်းမြစ်များ

Mose I, 10:30

A sihi he ngɛ kɛ je Mesha kɛ ya Sefar ngɛ yoku zugba a nɛ ngɛ beleku je ɔ nɔ.

Mose I, 25:6

se benɛ e na we nɛ e gbo lolo ɔ, binyumuhi nɛ e kɛ e yi kpa amɛ fɔ ɔ hu, e ha mɛ nike níhi. Lɔ ɔ se ɔ, e wo bimɛ nɛ ɔmɛ blɔ kɛ ho beleku je zugba a nɔ ya, kɛ je e bi Isak he.

Mose I, 41:8

Benɛ je na a, e hao; nɛ e tsɔ ya tsɛ Egipt kunya yeli ɔmɛ, kɛ ní leli ɔmɛ tsuo kɛ ba. E de mɛ e nlami ɔmɛ, se nɔ ko nɔ ko nyɛ we nɛ e tsɔɔ sisi.

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Matsɛmɛ I, 4:30

Salomo le ní pe ní leli nɛ ngɛ beleku je kɛ Egipt tsuo.

Kronika I, 2:51

E bi Salma ji nɔ nɛ to Betlehem ma a sisi. E bi hu ji Haref, nɔ nɛ to Betgader ma a sisi ɔ.

Hiob 1:3

kɛ tsɔli babauu. E ngɛ lohwe nɛ ɔmɛ hulɔ: to akpe kpaago, afukpɔngɔ akpe etɛ, na akpe, kɛ teji yo lafa enuɔ. Lɛ ji nɔmlɔ ngua pe kulaa ngɛ beleku je ma amɛ a mi.

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Mateo 1:25

Se e kɛ lɛ na we nyumu kɛ yo bɔmi hluu kɛ ya su be nɛ Maria fɔ binyumu. Nɛ Yosef wo lɛ biɛ ke Yesu.

Mateo 2:16

Benɛ Herode na kaa ní leli ɔmɛ sisi lɛ ɔ, e mi mi fu wawɛɛ. E tsɔ nɛ a ya gbe jokuɛ nyumuwi tsuo nɛ ngɛ Betlehem, kɛ lejɛ ɔ ní ɔmɛ a mi; a gbe kɛ je muɔloku nɔ kɛ ya si ni nɛmɛ nɛ ye jeha enyɔɔnyɔ a nɔ. Herode kale kɛ je be nɛ ní leli ɔmɛ tsɔɔ kaa dodoe ɔ je ɔ, nɛ e kɛ tsu nɔ́ nɛ ɔ.

Mateo 2:19

Herode gbenɔ se ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi ngɛ Egipt,

Mateo 2:3

Benɛ Matsɛ Herode nu nɔ́ nɛ ɔ, e hao, nɛ nihi tsuo nɛ ngɛ Yerusalem hu hao ja nɔuu.

Mateo 2:5

A he nɔ ke, “Ngɛ Betlehem nɛ ngɛ Yudea a. Ejakaa bɔ nɛ gbalɔ ɔ ngma ji nɛ ɔ nɛ:

Mateo 2:7

Kɛkɛ nɛ Herode tsɛ ní leli ɔmɛ zaa, nɛ e bi mɛ fitsofitso be mi nɛ dodoe ɔ je.

Luka 1:5

Benɛ Herode ngɛ matsɛ yee ngɛ Yudea a, osɔfo ko hi si nɛ e biɛ ji Zakaria. Osɔfohi a kuu nɛ a tsɛɛ Abiya a mi no ji lɛ. E yo biɛ ji Elizabet, nɛ lɛ hu Aaron nina ji lɛ.

Luka 2:11

Mwɔnɛ ligbi nɛ ɔ, a fɔ nyɛ yi wami helɔ, Nyɔmtsɛ Kristo ɔ ngɛ David ma a mi!

Luka 2:15

Benɛ bɔfo ɔmɛ si to hyɛli ɔmɛ, nɛ a kpale kɛ ho hiɔwe ya a, to hyɛli ɔmɛ de a he ke, “Nyɛ ha nɛ waa ya Betlehem, nɛ wa ya hyɛ nɔ́ nɛ ba, nɛ Nyɔmtsɛ ɔ je tsɔɔ wɔ nɛ ɔ.”

Yohane 7:42

Ejakaa a ngma ke Mesia a maa pee Matsɛ David nina; nɛ jehanɛ hu, Betlehem, he nɛ Matsɛ David hi ɔ, lejɛ ɔ a ma fɔ lɛ ngɛ.”

Manyadali 17:7

Jamɛ a be ɔ mi nɔuu ɔ, Levi no niheyo ko ba to nubwɔ ngɛ Betlehem Yuda.