Mateo 19:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, i ngɛ nyɛ dee ke, nɔ tsuaa nɔ nɛ maa ngmɛɛ e yo he, nɛ pi kaa yo ɔ ya bɔ ajuama, nɛ e ma ya ngɔ yo kpa a, e puɛ gba.”

Somi He Ɔ

⁹ Jeha nɛ ɔ i ngɛ nyɛ dee ke: Nɔ tsuaa nɔ nɛ pi ajuama bɔmi he je nɛ e maa fie e yo nɛ e ma ya ngɔ yo kpa a, e puɛ gba; nɛ nɔ tsuaa nɔ nɛ ngɔɔ yo nɛ a fie lɛ ɔ, lɛ hu e puɛ gba.”

Mateo 19:9 ပူးပေါင်းရင်းမြစ်များ

Mose I, 20:3

Ligbi ko nyɔ mi ɔ, Mawu je e he kpo ngɔ tsɔɔ Abimelek ngɛ nlami mi, nɛ e de lɛ ke, “Akɛnɛ o ya ngɔ yo nɛ ɔ he je ɔ, o ma gbo; nɔ ko yo ji lɛ.”

Kronika II, 21:11

Jehanɛ se hu, Yehoram po jami hehi ngɛ Yuda yo ɔmɛ a nɔ, nɛ e ha nɛ Yuda ma a, kɛ Yerusalem tsuo pee yayami kɛ si Yawɛ.

Yeremia 3:1

Yawɛ ke, “Ke nyumu ko fie e yo, nɛ yo ɔ je e he nɛ e ya pee nyumu kpa e yo ɔ, nyumu nɛ ɔ be he blɔ nɛ e ya ngɔɔ lɛ ekohu. Ke e pee ja a, e ble zugba a gbidii. Se Israel, moo lɛɛ o je ye he nɛ o ya ngɔ yihi babauu. Nɛ jehanɛ lɛɛ o ngɛ hlae nɛ o kpale kɛ ba ye ngɔ!

Yeremia 3:8

Yuda na kaa i ha Israel gba mi pomi womi nɛ i fie lɛ, ejakaa e je ye se nɛ e ya bɔ ajuama. Se Yuda nɛ ngɛ kaa e nyɛmiyo Israel ɔ yi gbeye.

Ezekiel 16:15

“Se moo lɛɛ o ngɔ o he fɛu, kɛ biɛ nɛ o na a kɛ pee nɔ́ nɛ o kɛ maa bɔ ajuama mohu; nɔ tsuaa nɔ nɛ ma ba be ngɛ lejɛ ɔ, o kɛ lɛ hwɔɔ si faa!

Ezekiel 16:29

O bɔ ajuama hluu kɛ ya su Babilonia bi jua yeli a zugba a nɔ tɔɔ; se lɔ ɔ hu sui o nya.”

Ezekiel 16:8

“Benɛ i ba gu lejɛ ɔ ekohu ɔ, i na kaa jehanɛ lɛɛ o wa nɛ o su gbami nya. I ngɔ ye bo kɛ ha o nɔ, nɛ o he fɔ we si gu hu. I ka mo kita, nɛ i kɛ mo so; nɛ i ngɔ mo ngɔ pee ye yo.” Nyɔmtsɛ Yawɛ lɛ de.

Mateo 19:10

E kaseli ɔmɛ de lɛ ke, “Ke kikɛ nɛ ɔ ji nyumu kɛ e yo sane ɔ, e he hia we kaa nyumu nɛ ngɔ yo mɔ.”

Mateo 19:8

Yesu he nɔ ke, “Mose ha nyɛ he blɔ ke nyɛɛ ngmɛɛ nyɛ yihi a he, ejakaa nyɛ tue wa; pi ja ji sane ɔ kɛ je sisije.

Mateo 5:32

Se imi lɛɛ i ngɛ nyɛ dee ke, ke nɔ ko fie e yo nɛ pi kaa yo ɔ ya bɔ ajuama a, e ha nɛ yo ɔ puɛ gba. Ke nɔ ko fie e yo ɔ, nɔ kpa nɛ ya ngɔ yo nɛ ɔ, lɛ hu e puɛ gba.

Luka 16:18

“Nɔ tsuaa nɔ nɛ fieɔ e yo, nɛ e ya ngɔɔ yo kpa a, e puɛ gba; nyumu nɛ ya ngɔɔ yo nɛ e huno fie lɛ ɔ, lɛ hu e puɛ gba.

1 Korintobi 5:1

A ngɛ dee ke yo kɛ nyumu yakayaka fiɛmi sanehi ngɛ asafo ɔ mi. Nɔ́ nɛ ba nɛ ɔ, wɔ jali tete po pee we. I nu kaa nɔ ko kɛ lɛ nitsɛ e tsɛ yo ngɛ si hwɔe.

1 Korintobi 7:39

Yogbayo ɔ, be abɔ nɛ e huno ngɛ je mi kɛ mwɔɔ ɔ, mlaa fi lɛ. Ke e huno ɔ gbo ɔ, lɔ ɔ lɛɛ e ngɛ he blɔ nɛ e gbaa nɔ tsuaa nɔ nɛ e suɔ. Se kɛ̃ ɔ, e sa kaa nyumu ɔ nɛ pee nɔ ko nɛ le Nyɔmtsɛ ɔ.

1 Korintobi 7:4

Yogbayo be he wami ngɛ lɛ nitsɛ e nɔmlɔ tso nɔ; e huno lɛ ngɛ jamɛ a he wami ɔ. Jã kɛ̃ huno hu be he wami ngɛ lɛ nitsɛ e nɔmlɔ tso nɔ; e yo lɛ ngɛ jamɛ a he wami ɔ.