Mateo 19:6 - BAIBLO ALOO NGMAMI KLƆUKLƆU Ɔ

⁶ Lɛɛ a pi nimli enyɔ hu, se mohu he lo kake. Lɔ ɔ he ɔ, nɔ́ nɛ Mawu ngɔ tsa a, nɔmlɔ kó gba mi.”

Somi He Ɔ

⁶ Lɛɛ jeha nɛ ɔ, a pi nimli enyɔ hu, se mohu he lo kake; lɔ ɔ he ɔ nɔ́ nɛ Mɛwu ngɔ tsa a, a ko ha nɔmlɔ nɛ gba mi.”

Mateo 19:6 ပူးပေါင်းရင်းမြစ်များ

Abɛ Womi 2:17

yo nɛ kua e yihe mi huno, nɛ si nɛ e wo e Mawu ɔ hu e yi nɔ.

Malaki 2:14

Nyɛ biɔ ke, “Mɛni he je Yawɛ he we wa nike ní ɔmɛ ngɛ wa dɛ hu?” Ɛ̃ɛ̃, ma tsɔɔ mo nɔ́ nɛ he je! Yawɛ le kaa si ko nɛ o wo o nihe mi yo kpeekpee ɔ, o yi nɔ hu. Yo nɛ o wo si ngɛ Mawu hɛ mi ke o kɛ lɛ maa hi si saminya a, o yi lɛ anɔkuale.

Malaki 2:16

Yawɛ, Israel Mawu ɔ ke, “I sume nɛ nɔ fieɔ e yo. Ke nɔ ko pee e yo yi wu tso nɔ́ ko kaa kikɛ nɛ ɔ, i sume. Enɛ ɔ he je ɔ, nyɛɛ hyɛ nyɛ he nɔ saminya, konɛ si ko nɛ nyɛ wo nyɛ yi ɔmɛ kaa nyɛ maa ye mɛ anɔkuale ɔ, nyɛ ko je se.”

Mateo 19:5

Nɛ Mawu de ke, ‘Enɛ ɔ he je ɔ, nyumu ma si e tsɛ kɛ e nyɛ, nɛ e maa mɛtɛ e yo he, nɛ mɛ ni enyɔ ɔmɛ a ma plɛ pee nɔ kake.’

Mateo 19:7

Farisi bi ɔmɛ bi lɛ ke, “Mɛni he je Mose wo mlaa ke nyumu nɛ ha yo fiemi womi nɛ e ngmɛɛ e he mɔ?”

Marko 10:9

Lɔ ɔ he ɔ, nɔ́ nɛ Mawu ngɔ tsa a, nɔmlɔ kó gba mi.”

Romabi 7:2

Waa ngɔ gba si himi kaa nɔ hyɛmi nɔ́; yogbayo ɔ, mlaa fiɔ lɛ kɛ mɛtɛɛ e huno he be mi nɛ nyumu ɔ ngɛ je mi; se ke nyumu ɔ gbo ɔ, gba sihi mi mlaa ko be nɛ fiɔ yo ɔ kɛ mɛtɛɔ nyumu ɔ he hu.

Efesobi 5:28

Jã nɔuu kɛ̃, e sa kaa nyumu nɛ suɔ e yo kaa bɔ nɛ e suɔ lɛ nitsɛ e he. Ke nyumu ko suɔ e yo ɔ, ngɛ blɔ ko nɔ ɔ, e suɔ lɛ nitsɛ e he.

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.