Mateo 19:5 - BAIBLO ALOO NGMAMI KLƆUKLƆU Ɔ

⁵ Nɛ Mawu de ke, ‘Enɛ ɔ he je ɔ, nyumu ma si e tsɛ kɛ e nyɛ, nɛ e maa mɛtɛ e yo he, nɛ mɛ ni enyɔ ɔmɛ a ma plɛ pee nɔ kake.’

Somi He Ɔ

⁵ Nɛ e ke: “Enɛ ɔ he je nɛ nyumu ma si e tsɛ kɛ e nyɛ ne e maa pɛtɛ e yo he, nɛ mɛ ni enyɔ ɔ tsuo a ma plɛ he lo kake?

Mateo 19:5 ပူးပေါင်းရင်းမြစ်များ

1 Korintobi 7:4

Yogbayo be he wami ngɛ lɛ nitsɛ e nɔmlɔ tso nɔ; e huno lɛ ngɛ jamɛ a he wami ɔ. Jã kɛ̃ huno hu be he wami ngɛ lɛ nitsɛ e nɔmlɔ tso nɔ; e yo lɛ ngɛ jamɛ a he wami ɔ.

1 Korintobi 7:2

Se ajuama bɔmi he ɔ, nyumu tsuaa nyumu nɛ ná lɛ nitsɛ e yo, nɛ yo tsuaa yo nɛ ná lɛ nitsɛ e huno.

Efesobi 5:31

Kaa bɔ nɛ ngmami ɔ deɔ ɔ, “Enɛ ɔ he nɛ nyumu ma si e tsɛ kɛ e nyɛ, nɛ e maa mɛtɛ e yo he, nɛ mɛ ni enyɔ ɔmɛ tsuo maa pee he lo kake.”

1 Korintobi 6:16

Anɛ nyɛ li kaa nɔ nɛ kɛ yaholɔ ya naa bɔmi ɔ, e kɛ lɛ plɛ pee nɔmlɔ tso kake lo? Kaa bɔ nɛ ngmami ɔ deɔ ɔ, “Mɛ ni enyɔ ɔmɛ tsuo ma plɛ pee nɔmlɔ tso kake.”

La 45:10

Biyo, bu nɔ́ nɛ ma de mo nɛ ɔ tue; o hɛ nɛ je mo nitsɛ o ma mi bi ɔmɛ, kɛ o weku li ɔmɛ tsuo a nɔ;

Romabi 12:9

Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

La 63:8

I mɛtɛ o he kpɛii, ejakaa o kɛ kɔni si wami hɛɛ mi.

Samuel I, 18:1

Benɛ Saul kɛ David gbe a ní sɛɛmi ɔ nya a, Saul binyumu Yonatan kɛ David nu huɛ; nɛ Yonatan suɔ David kaa lɛ nitsɛ e he.

Mose V, 11:22

“Nyɛɛ hyɛ nɛ nyɛɛ ye mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ. Nyɛɛ suɔ Yawɛ, nyɛ Mawu ɔ, nɛ nyɛɛ pee nɔ́ tsuaa nɔ́ nɛ i fa nyɛ ke nyɛɛ pee ɔ, nɛ nyɛɛ ye lɛ anɔkuale.

Mose V, 10:20

Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Mose V, 4:4

Se nyɛ nihi tsuo pɛpɛɛpɛ nɛ nyɛ mɛtɛ Yawɛ, nyɛ Mawu ɔ he ɔ, nyɛ ngɛ wami mi kɛ mwɔɔ.

Mose I, 34:3

Shekem na Dina he bua jɔmi; e suɔ lɛ saminya, nɛ e kɛ lɛ sɛɛ ni.

Matsɛmɛ I, 11:2

E ngɔ yi nɛ ɔmɛ, pohu Yawɛ wo Israel bi ɔmɛ mlaa ke Israel nyumuhi kó ngɔ ma se yihi, nɛ́ Israel yihi hu kó gba ma se nyumuhi; ejakaa ke a pee ja a, a yi mi ma plɛ, nɛ a ma ya nyɛɛ mawu kpahi a se.

Samuel II, 1:26

“Ye nyɛmi Yonatan, i ngɛ mo kɔmɔ yee; o suɔ mi saminya! Suɔmi nɛ o je kpo ngɔ ha mi ɔ, e nya wa pe yihi a suɔmi po!

Malaki 2:15

O kɛ o yo ɔ, anɛ Mawu pee we nyɛ ni enyɔ ɔmɛ kake lo? Mɛni he je lɛ Mawu pee ja a? Mawu pee nɔ́ nɛ ɔ, bɔ nɛ pee nɛ nyɛ fɔ bimɛ nɛ ma ba pee lɛ nitsɛ e ma. Lɔ ɔ he ɔ, si nɛ nyɛ wo nyɛ nihe mi yi kpeekpee ɔmɛ ɔ, nyɛɛ hyɛ saminya nɛ nyɛ ti nɔ ko kó je se kɛ ya pee nɔ́ kpa.

Mateo 19:6

Lɛɛ a pi nimli enyɔ hu, se mohu he lo kake. Lɔ ɔ he ɔ, nɔ́ nɛ Mawu ngɔ tsa a, nɔmlɔ kó gba mi.”

Samuel I, 25:43

David ngɔ Ahinoam nɛ je Yezreel ɔ hu kɛ piɛ e yo Abigail ɔ he.