Mateo 19:24 - BAIBLO ALOO NGMAMI KLƆUKLƆU Ɔ

²⁴ I ngɛ nyɛ dee ekohu ke e wa ha niatsɛ kaa e maa sɛ Mawu matsɛ yemi ɔ mi pe kaa afukpɔngɔ maa gu abui hɛngmɛ mi.”

Somi He Ɔ

²⁴ Se jeha nɛ ɔ hu i ngɛ nyɛ dee ke: E wɛ́ hi afukpɔngɔ kaa e maa gu abui hɛngmɛ mi, kaa bɔ nɛ e waa haa nitsɛ kaa e maa sɛ Mawu matsɛ yemi ɔ mi ɔ.”

Mateo 19:24 ပူးပေါင်းရင်းမြစ်များ

Yohane 5:44

Nyɛ nɛ nyɛ hlaa nɛ nihi nɛ je nyɛ yi, se nyɛ bɔɛ mɔde, konɛ nɔ nɛ lɛ nɔ kake pɛ ji Mawu ɔ nɛ wo nyɛ hɛ mi nyami ɔ, kɛ maa pee kɛɛ nɛ nyɛ ma he mi maa ye mɔ?

Luka 18:25

E wa ha niatsɛ kaa e maa sɛ Mawu matsɛ yemi ɔ mi kulaa pe bɔ nɛ e wa ha afukpɔngɔ kaa e maa gu abui puɔ mi.”

Mateo 19:26

Yesu hyɛ mɛ too, nɛ e de mɛ ke, “Nimli be nyɛe maa pee enɛ ɔ; se Mawu lɛɛ e nyɛɔ peeɔ nɔ́ tsuaa nɔ!”

Yeremia 13:23

Anɛ nɔmlɔ yumu ma nyɛ ma tsake e he womi su ɔ lo? Anɛ ngatsɛ ma nyɛ ma tsake e he huatahuata a lo? Ke e maa hi peemi ja a, lɛɛ nyɛ nɛ yayami peemi pee nyɛ he nɔ́ nɛ ɔ, nyɛ hu nyɛ ma nyɛ maa pee kpakpa.

Mateo 23:24

Blɔ tsɔɔli hɛ yuyuili! Ke anunu nɔ dã mi ɔ, nyɛ tsleɔ pueɔ he, se nyɛ mii afukpɔngɔ!

Mateo 19:25

Benɛ kaseli ɔmɛ nu enɛ ɔ, a he mi po, nɛ a bi ke, “Lɛɛ mɛnɔ po yi wami a ma nyɛ he mɔ?”

Yohane 3:3

Yesu he nɔ ke, “I ngɛ mo dee anɔkuale mi ke, ke a ji hiɔwe fɔ we nɔ ko ɔ e be Mawu matsɛ yemi ɔ mi sɛe.”

Yohane 3:5

Yesu he nɔ ke, “I ngɛ mo dee anɔkuale mi ke, ke a ji nyu kɛ mumi mi fɔ we nɔ ko ɔ, e be nyɛe maa sɛ matsɛ yemi ɔ mi.