Mateo 19:17 - BAIBLO ALOO NGMAMI KLƆUKLƆU Ɔ

¹⁷ Yesu hu bi lɛ ke, “Mɛni he je o ngɛ mi nɔ́ kpakpa he sane bie? Nɔ kake pɛ ji nɔ kpakpa. Ke o ngɛ hlae nɛ o sɛ wami mi ɔ, ye mlaa amɛ a nɔ.”

Somi He Ɔ

¹⁷ Nɛ Yesu de lɛ ke: “Meni he je o ngɛ mi nɔ́ kpakpa he sane bie? Nɔ kake ngɛ nɛ ji nɔ kpakpa. Se ke o ngɛ hlae kaa o sɛ wami mi ɔ, ye kita amɛ a nɔ.”

Mateo 19:17 ပူးပေါင်းရင်းမြစ်များ

Mose III, 18:5

Mlaahi nɛ i wo nyɛ, kɛ blɔ nyahi nɛ i to ha nyɛ ɔ, nyɛɛ ye a nɔ pɛpɛɛpɛ. Ke nyɛ pee ja a, nyɛ yi ma na wami. Imi ji Yawɛ.”

Romabi 10:5

Nɔ nɛ Mose ngma ngɛ nɔmlɔ nɛ a buu lɛ nɔ nɛ da ngɛ mlaa a nɔ nɛ e yeɔ ɔ he ji nɛ ɔ nɛ: “Nɔ tsuaa nɔ nɛ yeɔ mlaa a nɔ fitsofitso ɔ, e yi ma na wami.”

Samuel I, 2:2

Nɔ ko be nɛ ngɛ klɔuklɔu kaa Yawɛ. E se ɔ, nɔ ko be. Ee, Mawu se ɔ, wesa he kpa ko be.

1 Yohane 4:16

Suɔmi nɛ Mawu ngɛ kɛ ha wɔ ɔ, wɔ nitsɛmɛ wa le, nɛ wa ji he nɔ́. Mawu ɔ, suɔmi ji lɛ, nɛ nɔ tsuaa nɔ nɛ suɔ nɔmlɔ kɛ e tsui tsuo ɔ, e hii Mawu mi, nɛ Mawu hu hii e mi.

Ezekiel 20:21

“Se jamɛ a yi nɔ bi ɔmɛ hu tsɔ ye hɛ mi atuã; a nyɛɛ we ye blɔ nya tomi ɔmɛ a nɔ, nɛ a yi ye mlaa amɛ a nɔ. A ble ye Hejɔɔmi ligbi ɔmɛ hulɔ. Níhi nɛ ke nɔmlɔ pee nɛ e yi ma na wami ɔ, a pee we. Lɔ ɔ he ɔ, i to ye yi mi kaa ma ha nɛ a nu ye we abofu gbeyegbeye ɔ he ngɛ nga a nɔ.

Nehemia 9:29

O wo mɛ ga ke a ye o mlaa amɛ a nɔ, se a ya wo a he nɔ mohu, nɛ a yi mlaa amɛ a nɔ. A ye o mlaa amɛ a nɔ jinɛ a yi ko na wami. Se akɛnɛ a kuɛ wa, nɛ a bui nɔ́ ko nɔ́ ko he je ɔ, a kua mlaa amɛ a nɔ yemi.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

La 52:1

Mo katsɛ, o ngɛ dalɔ yayami pee nɛ o ngɛ fĩae. Mɛni he je? Mawu suɔmi ɔ ngɛ daa.

La 119:68

O hi, nɛ o peeɔ kpakpa saminya! Moo tsɔɔ mi o mlaa amɛ.