Mateo 19:14 - BAIBLO ALOO NGMAMI KLƆUKLƆU Ɔ

¹⁴ Kɛkɛ nɛ Yesu de ke, “Nyɛ ha nɛ jokuɛwi ɔmɛ nɛ a ba ye ngɔ; nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji hiɔwe matsɛ yemi ɔ nɛ.”

Somi He Ɔ

¹⁴ Nɛ Yesu ke: “Nyɛ ha jokuɛwi ɔmɛ nɛ a ba ye ngɔ, nɛ nyɛ ko tsi mɛ blɔ; ejakaa nihi nɛ ngɛ kaa ni nɛ ɔmɛ a nɔ ji hiɔwe matsɛ yemi ɔ nɛ.”

Mateo 19:14 ပူးပေါင်းရင်းမြစ်များ

Mateo 18:3

nɛ e de ke, “Niinɛ, i ngɛ nyɛ dee ke, ke nyɛ tsakee we nɛ nyɛɛ pee kaa jokuɛ tsɔwi ɔ, nyɛ be hiɔwe matsɛ yemi ɔ mi sɛe.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

Marko 10:14

Benɛ Yesu na a, e tsui fia, nɛ e de e kaseli ɔmɛ ke, “Nyɛ ha jokuɛwi ɔmɛ nɛ a ba ye ngɔ; nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji Mawu matsɛ yemi ɔ nɛ.

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Samuel I, 1:11

Hana wo si nɛ e de ke, “Yawɛ Ope, ke o maa hyɛ o mawayo haomi, nɛ o ma kai mi, nɛ o hɛ be ye nɔ jee, nɛ o ma ha o mawayo binyumu ɔ, i kɛ lɛ ma ha mo e wami ligbi tsuo, nɛ asoyi nya be e yi he sae.”

Manyadali 13:7

Se nɔ́ nɛ e de mi ji, ‘O nɛ, o ma na mi, nɛ o ma fɔ binyumu. Lɔ ɔ he ɔ, koo nu wai, loo dã ko nɛ nya wa. Koo ye nɔ́ ko nɛ he tsɔ we hulɔ; ejakaa kɛ je jokuɛ nyumuyo nɛ ɔ fɔmi be ɔ, a maa tsukɔ e he kɛ ha Mawu, nɛ e maa pee Nazir no e wami ligbi ɔmɛ tsuo.’ ”

Samuel I, 2:18

Jamɛ a be ɔ, jokuɛyo Samuel ɔ lɛɛ e ngɛ Yawɛ sɔmɔe, nɛ a kɛ kploba efɔd fi e kpɛti.

Samuel I, 1:24

Benɛ e tsɔ lɛ nyɔ se ɔ, e ngɔ lɛ kɛ ho Yawɛ we ɔ ya ngɛ Shilo. E ngɔ na ku kake nɛ ye jeha etɛ, ngma mamu kilo nyɔngma, kɛ wai lohwe he womi tɔ kake kɛ ho.

Mose I, 21:4

nɛ benɛ Isak ye ligbi kpaanyɔ ɔ, Abraham po lɛ, kaa bɔ nɛ Mawu fa lɛ ɔ.

Samuel I, 1:22

Se Hana lɛɛ e yɛ, ejakaa e de e huno ɔ ke, “Ke i tsɔ jokuɛ ɔ nyɔ pɛ ma ngɔ lɛ kɛ ya Yawɛ we ɔ; nɛ lejɛ ɔ e maa hi e wami be tsuo.”

Mateo 5:3

“A gbaa nihi nɛ le kaa mumi mi ohiatsɛmɛ ji mɛ, ejakaa a nɔ́ ji hiɔwe matsɛ yemi ɔ nɛ.

Mateo 5:10

“A gbaa ni nɛmɛ nɛ peeɔ nɔ́ nɛ da, nɛ a waa mɛ yi mi ngɛ lɔ ɔ he, ejakaa a nɔ́ ji hiɔwe matsɛ yemi ɔ nɛ.

Mateo 19:15

Kɛkɛ nɛ e ngɔ e nine ngɔ pue jokuɛwi ɔmɛ a nɔ, nɛ e je lejɛ ɔ.

Marko 10:15

I ngɛ nyɛ dee anɔkuale mi ke, nɔ tsuaa nɔ nɛ he we Mawu matsɛ yemi ɔ kaa bɔ nɛ jokuɛ nyafii maa pee ɔ, e be mi sɛe kɔkɔɔkɔ.”