Mateo 19:13 - BAIBLO ALOO NGMAMI KLƆUKLƆU Ɔ

¹³ Enɛ ɔ se ɔ, ni komɛ ngɔ jokuɛ tsɔwi kɛ ba Yesu ngɔ nɛ e ngɔ e nine ngɔ pue a nɔ, nɛ e sɔle ha mɛ. Se e kaseli ɔmɛ kuɛ wo ni ɔmɛ.

Somi He Ɔ

¹³ Kɛkɛ nɛ a kɛ jokuɛwi tsɔwi ba Yesu ngɔ, konɛ e ngɔ e ninehi ngɔ pue a nɔ nɛ e sɔle. Se e kaseli ɔmɛ gbɛ wo mɛ.

Mateo 19:13 ပူးပေါင်းရင်းမြစ်များ

Ni Tsumi 2:39

Ejakaa si nɛ Mawu wo ɔ, nyɛɛ kɛ nyɛ bimɛ, kɛ nihi abɔ tsuo nɛ ngɛ se lokoo nɛ Nyɔmtsɛ, wa Mawu ɔ ma tsɛ kɛ ba e ngɔ ɔ nyɛ he ngɛ mi.”

1 Korintobi 7:14

Ejakaa nyumu nɛ li Kristo ɔ, e yo ɔ he ɔ, a tsukɔ e he ngɔ ha Mawu. Yo nɛ li Kristo ɔ, lɛ hu e huno ɔ he ɔ, a tsukɔ e he ngɔ ha Mawu. Ke pi jã a, jinɛ a bimɛ ɔmɛ a he tsɔ we. Se amlɔ nɛ ɔ, a ba pee bimɛ nɛ a tsukɔ a he ha Mawu.

Mateo 20:31

Ni ɔmɛ kuɛ wo mɛ, nɛ a de mɛ ke a ma a nya. Se hɛ yuyuili ɔmɛ kpa ngmlaa pe kekle ɔ ke, “David bi lee! Naa wɔ mɔbɔ oo, naa wɔ mɔbɔ!”

Mateo 16:22

Petro tsɛ lɛ kɛ ya se, nɛ e bɔni e hɛ mi kami ke, “Nyɔmtsɛ, enɛ ɔ ya je ngɛ se lokoo! Mawu ko ha nɛ nɔ́ nɛ ɔ nɛ ba o nɔ kɔkɔɔkɔ!”

Yeremia 32:39

Ma ha nɛ mɛ tsuo a maa pee a yi mi kake, nɛ a maa wo ye hɛ mi nyami daa. Ke a pee ja a, e maa hi ha mɛ nitsɛmɛ kɛ a nina.

Samuel I, 1:24

Benɛ e tsɔ lɛ nyɔ se ɔ, e ngɔ lɛ kɛ ho Yawɛ we ɔ ya ngɛ Shilo. E ngɔ na ku kake nɛ ye jeha etɛ, ngma mamu kilo nyɔngma, kɛ wai lohwe he womi tɔ kake kɛ ho.

Mose I, 48:1

Pee se ɔ, a ba de Yosef ke e tsɛ be he wami. Lɔ ɔ he ɔ, e ngɔ e binyumu enyɔ ɔmɛ, Manase kɛ Efraim kɛ ho, konɛ e ya slaa e tsɛ ɔ.

Mateo 19:12

Ejakaa ní komɛ a he je nɛ nyumuhi ngɔɛ yo; ni komɛ ngɛ nɛ ja lɛ a fɔ mɛ; ni komɛ lɛɛ adesa lɛ pee mɛ ja; ni komɛ hu ngɔɛ yo ngɛ hiɔwe matsɛ yemi ɔ he. Tsɔɔmi nɛ ɔ, nɔ nɛ ma nyɛ maa pɛtɛ he ɔ, e pee ja.”