Mateo 18:7 - BAIBLO ALOO NGMAMI KLƆUKLƆU Ɔ

⁷ Musu tloo je ɔ kaa níhi ngɛ je ɔ mi nɛ haa nɔ peeɔ yayami! Ní nɛ ɔmɛ maa ba kɛ̃, se nɔmlɔ nɛ haa nɛ ní nɛ ɔmɛ baa a, musu tloo lɛ!

Somi He Ɔ

⁷ Musu tloo je ɔ ngɛ nane kpatami sanehi a he! Ejakaa nane kpatami sane ɔmɛ maa bɛ kɛ̃ mohu; se musu tloo nɔmlɔ nɛ nane kpatami ɔ guu e nɔ kɛ baa a!

Mateo 18:7 ပူးပေါင်းရင်းမြစ်များ

Mose I, 13:7

Enɛ ɔ he je ɔ, pɛ ba sɛ Abram lohwe nɔ hyɛli ɔmɛ kɛ Lot lohwe nɔ hyɛli ɔmɛ a kpɛti. Jamɛ a be ɔ mi ɔ, Kanaan bi ɔmɛ, kɛ Periz bi ɔmɛ ngɛ zugba a nɔ kɛ mwɔɔ.

Samuel II, 12:14

Se akɛnɛ o kɛ nɔ́ nɛ o pee nɛ ɔ pue Yawɛ hɛ mi si he je ɔ, bi nɛ a fɔ ha mo ɔ ma gbo.”

Mateo 16:23

Se Yesu plɛ e he nɛ e de Petro ke, “Jee ye nɔ kɛ ya se, Satan! O ngɛ ye nane kpatae. Ejakaa juɛmi nɛ ngɛ o yi mi ɔ, pi Mawu ngɔ nɛ e je, se nɔmlɔ adesa.”

Mateo 26:24

Nɔmlɔ Bi ɔ ma gbo kaa bɔ nɛ a ngma ngɛ e he ɔ, se musu tloo nɔ nɛ maa tsɔɔ e se blɔ ɔ! Afani nɛ a fɔ we jamɛ a nɔmlɔ ɔ!”

Marko 13:7

Ke nyɛ nu tahi, kɛ ta sanehi a he ɔ, nyɛ ko hao. Ja ní nɛ ɔmɛ ba mi, se kɛ̃ ɔ, nyagbe be ɔ sui lolo.

Luka 17:1

Yesu de e kaseli ɔmɛ ke, “Níhi nɛ haa nɔ nane kpataa a, ja a ba kɛ̃. Se nɔ nɛ nɔ nɛ ní nɛ ɔmɛ guu kɛ baa a, musu tloo lɛ!

Yohane 17:12

Benɛ i kɛ mɛ ngɛ ɔ, i bu a he kɛ he wami nɛ o ngɔ ha mi ɔ. A ti nɔ kake ngmelu hɛ mi kpataa we, lɛɛ ja nɔ nɛ a to kaa e hɛ mi nɛ kpata a, bɔ nɛ pee nɛ ngmami ɔ nɛ ba mi.

Ni Tsumi 1:16

“Ye nyɛmimɛ, Mumi Klɔuklɔu ɔ ba David nɔ be ko, nɛ e de nɔ́ ko ngɛ Yuda nɛ nyɛɛ nihi a hɛ mi ya nu Yesu ɔ he. Nɔ́ nɛ ngmami ɔ de ɔ, e sa kaa e ba mi.

1 Korintobi 11:19

Niinɛ, e he hia kaa mi gbami ko kɛ̃ nɛ hi nyɛ kpɛti, konɛ a na Kristo se nyɛɛli kpakpa amɛ paa.

1 Timoteo 6:1

Sɔmɔli tsuo nɛ ngɛ nyɔguɛ yemi mi ɔ, ha nɛ a bu a nyɔmtsɛmɛ ɔmɛ, nɛ a sɔmɔ mɛ saminya, konɛ nɔ ko nɔ ko kó ná he blɔ nɛ e tu munyu yaya kɛ si Mawu, loo Kristo jami ɔ.

Tito 2:5

A tsɔse mɛ, nɛ a nyɛ nɛ a ye a he nɔ saminya, nɛ a he nɛ tsɔ, nɛ a pee a he yigbayi kpakpahi nɛ le a we yi baami, nihi nɛ a mi mi jɔ, nɛ baa a he si ha a hunomɛ. Kɛkɛ ɔ, nɔ ko nɔ ko be Mawu munyu ɔ he munyu yaya tue.

Tito 2:8

Munyu nɛ maa je o nya a, e pee munyu kpakpa nɛ a be he nɔ́ yaya ko nae nɛ a de. Kɛkɛ ɔ, ke nihi nɛ teɔ si woɔ wɔ ɔ nɛ́ nɔ́ yayami ko nɛ a de ngɛ wa he ɔ, zo maa gbe mɛ.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

Samuel I, 2:17

Eli binyumu ɔmɛ pee yayami agbo ngɛ Yawɛ hɛ mi, ejakaa a bui Yawɛ bɔ sami ɔ.