Mateo 18:6 - BAIBLO ALOO NGMAMI KLƆUKLƆU Ɔ

⁶ “Hemi kɛ yemi nɛ jokuɛ tsɔwi nɛ ɔmɛ ngɛ ngɛ ye mi ɔ, ke nɔ ko ha nɛ a ti nɔ kake hemi kɛ yemi ɔ ta a, afani nɛ a kɛ teji wɛ muɔ nɔ ɔ kuɛ, nɛ a sake lɛ kɛ fɔ wo mi he nɛ kuɔ.

Somi He Ɔ

⁶ “Se nɔ nɛ kpataa tsɔwi nɛ ɔmɛ a ti nɔ kake nɛ heɔ ye nɔ yeɔ ɔ nane ɔ, afani nɛ a kɛ teji wɛ muɔ e kuɛ nɛ a ngɔ lɛ wo wo mi.

Mateo 18:6 ပူးပေါင်းရင်းမြစ်များ

La 105:15

“Ye nihi nɛ i pɔ mɛ nu ji nɛ ɔmɛ nɛ; nyɛ ko ye mɛ awi! Ye gbali ji nɛ ɔmɛ nɛ, nyɛ ko ta a he.”

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Zakaria 2:8

Nyɛ he jua wa ha mi saminya; lɔ ɔ he ɔ, nɔ nɛ maa ta nyɛ he ɔ, i be lɛ kplɛɛe.” Enɛ ɔ he je ɔ, Yawɛ Tabohiatsɛ ɔ tsɔ mi ke ma ba de je ma amɛ nɛ ba ha e ma a ní ɔ ke,

Mateo 17:27

Se bɔ nɛ pee nɛ wa ko tsɔ̃ nimli nɛ ɔmɛ a nya a, yaa wo ɔ nya nɛ o ya fɔ gbowe. Kekleekle lo nɛ ma ba mi gbowe ɔ, sá lɛ. Hyɛ lo ɔ nya mi, nɛ o maa na sika nɛ maa su i kɛ mo tsuo wa sɔlemi we ɔ he tó ɔ nya. Ngɔɔ nɛ o kɛ wo wa tó ɔ.”

Mateo 18:10

“Nyɛɛ hyɛ saminya nɛ nyɛ ko hie bimɛ tsɔwi nɛ ɔmɛ a ti nɔ ko. I ngɛ nyɛ dee ke a bɔfohi nɛ ngɛ hiɔwe ɔ daa si ngɛ Tsaatsɛ nɛ ngɛ hiɔwe ɔ hɛ mi daa. [

Mateo 18:14

Jã nɔuu kɛ̃ nyɛ Tsɛ nɛ ngɛ hiɔwe ɔ sume kaa bimɛ tsɔwi nɛ ɔmɛ a kpɛti nɔ kake nɛ laa.

Mateo 18:5

Nɛ nɔ tsuaa nɔ nɛ heɔ jokuɛyo kaa kikɛ nɛ ɔ ngɛ ye biɛ mi ɔ, imi e he ɔ nɛ.

Marko 9:42

“Nɔ tsuaa nɔ nɛ ma ha jokuɛ tsɔwi nɛ ɔmɛ a ti nɔ kake maa pee yayami ɔ, afani nɛ a kɛ teji wɛ muɔ e kuɛ, nɛ a ya sake lɛ fɔ wo mi.

Ni Tsumi 9:5

Saulo bi ke, “Nyɔmtsɛ, mo mɛnɔ?” Gbi ɔ de lɛ ke “Imi ji Yesu, nɔ nɛ o ngɛ lɛ yi mi wae ɔ nɛ!

Romabi 14:21

Lɔ ɔ he ɔ, e hi kaa o ko ye lo, nɛ o ko nu wai, nɛ jehanɛ hu, o ko pee nɔ́ ko nɛ ma ha o nyɛmi nane ma kpata.