Mateo 18:31 - BAIBLO ALOO NGMAMI KLƆUKLƆU Ɔ

³¹ Benɛ tsɔli kpa amɛ na nɔ́ nɛ ba a, a hao wawɛɛ, nɛ a ho matsɛ ɔ ngɔ ya, nɛ a ya bɔ lɛ nɔ́ tsuaa nɔ́ nɛ ba.

Somi He Ɔ

³¹ Se benɛ e huɛmɛ sɔmɔli ɔmɛ na nɔ́ nɛ a pee ɔ, e dɔ mɛ wawɛɛ nɛ a ba sɛɛ nɔ́ nɛ a pee ɔ tsuo ngɔ ha a nyɔmtsɛ ɔ.

Mateo 18:31 ပူးပေါင်းရင်းမြစ်များ

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

Hebribi 13:3

Nyɛ kai nihi nɛ a wo mɛ tsu ɔ kaa nɔ́ nɛ nyɛɛ kɛ mɛ tsuo lɛ a wo tsu. Nyɛ kai nihi nɛ a ngɛ mɛ yi mi wae ɔ kaa nɔ́ nɛ nyɛ nitsɛmɛ mohu nɛ a ngɛ yi mi wae.

Marko 3:5

Yesu kɛ abofu hyɛ a hɛ mi kɛ kpe; e dɔ lɛ kaa a tsui wa kikɛ nɛ ɔ. Kɛkɛ nɛ e de nyumu ɔ ke, “Kpã o nine mi!” E pee ja; nɛ a tsa e nine ɔ.

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,

Luka 14:21

Tsɔlɔ ɔ kpale e se, nɛ e ya bɔ e nyɔmtsɛ ɔ amaniɛ. Wetsɛ ɔ mi mi fu wawɛɛ, nɛ e de tsɔlɔ ɔ ke, ‘Jee kpo esɔ kɛ ya gbɛjegbɛ ɔmɛ a nɔ, kɛ blohu ɔmɛ a mi ngɛ ma a mi, nɛ o ya ngɔ ohiatsɛmɛ, glɔtsɛmɛ, hɛ yuyuili, kɛ pɔ̃tsɛmɛ kɛ ba hiɛ ɔ.’

Yeremia 9:1

I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

La 119:136

Ye hɛngmɛ tslaa nyu babaaba kaa pa nɛ ngɛ bee, ejakaa nimli adesahi yi o mlaa amɛ a nɔ.

Mose I, 37:2

Yakob kɛ e yi ɔmɛ kɛ e bimɛ ɔmɛ a he sane ji nɛ ɔ nɛ. Benɛ niheyo wayoo Yosef ɔ ye jeha nyɔngma kɛ kpaago ɔ, e kɛ e nyɛmimɛ ɔmɛ, nɛ ji e tsɛ yi kpa amɛ a bimɛ ɔmɛ, hyɛɛ a tsɛ to ɔmɛ. Yi nɛ ɔmɛ ji Bilha kɛ Zilpa. Ke pee ɔ, Yosef ba bɔɔ e tsɛ ní yayahi nɛ e nyɛmimɛ ɔmɛ hii pee.

Hebribi 13:17

Nyɛɛ bu nyɛ hɛ mi nyɛɛli ɔmɛ tue, nɛ nyɛɛ ba nyɛ he si ha mɛ. Mɛ lɛ a hyɛɔ nyɛ nɔ daa, nɛ a maa bu akɔtaa ha Mawu. Nyɛ ha nɛ a pee enɛ ɔ kɛ bua jɔmi, se pi kɛ mi mi la, ejakaa lɔ ɔ maa ye nyɛ awi.

La 119:158

Ke i na nihi nɛ yi mo anɔkuale kikɛ nɛ ɔ, a he peeɔ mi tãi; ejakaa a yi o mlaa amɛ a nɔ.

2 Korintobi 11:21

E peeɔ mi zo kaa ma de ke wɔɔ lɛɛ fɔ̃li ji wɔ, nɛ wa nyɛ we nɛ waa pee nɔ́ ko kaa jã! Jehanɛ lɛɛ i ngɛ munyu tue kaa kuasia! Níhi nɛ ni kpa amɛ ngɛ fĩae ngɛ he ɔ, imi hu ma fĩa ngɛ he jã nɔuu.

Mateo 14:9

Nɔ́ nɛ ɔ wa ha matsɛ ɔ, se kitahi nɛ e ka, kɛ nibwɔhi nɛ pueɔ si ngɛ e hɛ mi ɔ a he je ɔ, e fa ke a pee jokuɛ yo ɔ suɔmi nya ní ɔ ha lɛ.

Mateo 18:28

“Se benɛ tsɔlɔ nɛ ɔ je kpo ɔ, e na e nyɛmimɛ tsɔli ɔmɛ a kpɛti nɔ kake nɛ hɛɛ lɛ hiɔ sika bɔɔ pɛ. Kɛkɛ nɛ e nu lɛ, nɛ e bɔni e kuɔ si miami ke, ‘Wó mi hiɔ nɛ o hɛɛ mi ɔ!’

Mateo 18:30

Se lɛɛ e kplɛɛ we; mohu ɔ, e ya wo lɛ tsu kɛ yaa si e maa wo lɛ hiɔ ɔ.

Mateo 18:32

Matsɛ ɔ ha nɛ a ya tsɛ tsɔlɔ ɔ kɛ ba, nɛ e de lɛ ke, ‘Mo tsɔlɔ yiwutsotsɛ! Akɛnɛ o kpa mi pɛɛ he je ɔ, i ngɔ hiɔ nɛ ɔ tsuo ngɔ ke mo.