Mateo 18:28 - BAIBLO ALOO NGMAMI KLƆUKLƆU Ɔ

²⁸ “Se benɛ tsɔlɔ nɛ ɔ je kpo ɔ, e na e nyɛmimɛ tsɔli ɔmɛ a kpɛti nɔ kake nɛ hɛɛ lɛ hiɔ sika bɔɔ pɛ. Kɛkɛ nɛ e nu lɛ, nɛ e bɔni e kuɔ si miami ke, ‘Wó mi hiɔ nɛ o hɛɛ mi ɔ!’

Somi He Ɔ

²⁸ “Se benɛ jamɛ a sɔmɔlɔ ɔ je kpo ɔ, e ya na e huɛmɛ sɔmɔli ɔmɛ a ti nɔ kake nɛ hɛɛ lɛ hiɔ cedi lafa; nɛ e nu lɛ́ nɛ e mia e kuɔ si, nɛ e ke: ‘Wo mi hiɔ nɛ o hɛɛ mi ɔ!’

Mateo 18:28 ပူးပေါင်းရင်းမြစ်များ

Mateo 20:2

E kɛ ní tsuli ɔmɛ ye nya kaa e ma ha nɔ tsuaa nɔ sika hiɔ yi kake nɛ ji apaatsɛ ligbi kake hiɔwo ɔ. Kɛkɛ nɛ e wo mɛ blɔ kɛ ho e wai ngmɔ ɔ mi ya.

Ezekiel 45:9

Yawɛ ke, “Nyɛ Israel ganɔhi, e hiɛ oo e hiɛ! Nyɛ kpa amimi kɛ awi yemi! Nyɛɛ ye dami sane, nɛ nyɛɛ pee nɔ́ nɛ da. Nyɛ ko fie ye ma a kɛ je a zugba nɔ hu. Imi, Nyɔmtsɛ Yawɛ lɛ i de.

Mose V, 15:2

Bɔ nɛ o maa pee ji nɛ ɔ nɛ: nɔ tsuaa nɔ nɛ pa Israel fɔfɔɛ ko sika a, e kɛ ke lɛ; e ko je hiɔ ɔ hu. Yawɛ nitsɛ nɛ de ke a kɛ hiɔ ɔ nɛ ke.

Yesaya 58:3

Ye ma mi bi ɔmɛ ngɛ bie ke, “Mɛni he je ke wa ha hwɔ nɛ Yawɛ nɛ ɔ? Mɛni he je ke wa wa wa he yi mi nɛ e li ɔ?” Yawɛ ngɛ mɛ dee ke, “Anɔkuale ɔ ji kaa be mi nɛ nyɛ ngɛ hwɔ hae ɔ, jamɛ a be ɔ mi nɔuu nyɛ tsuɔ ní kɛ hlaa nyɛ nitsɛmɛ nyɛ se nami, nɛ nyɛ waa nyɛ ní tsuli tsuo yi mi.

Nehemia 10:31

Ke nibwɔhi ba jua niye ní, loo nɔ́ kpa ko ha wɔ ngɛ Hejɔɔmi ligbi ɔ nɔ, loo nyami be kpa ko mi ɔ, wa be hee. Daa jeha kpaago ɔ, wa be ngmɔ hue. Jehanɛ hu, hiɔhi nɛ nihi hɛɛ wɔ ɔ tsuo wa be jee hu; wa maa ngɔ kɛ ke mɛ.

Nehemia 5:7

nɛ i to ye yi mi kaa ma pee he nɔ́ ko amlɔ. I kuɛ wo ma nimeli ɔmɛ, kɛ ma ní tsuli ɔmɛ, nɛ i kã a hɛ mi ke, “Nyɛ ngɛ nyɛ nitsɛmɛ nyɛ nyɛmimɛ ɔmɛ yi mi wae!” Jehanɛ i tsɛ ma a kpe, konɛ waa hyɛ munyu nɛ ɔ mi.

Abɛ Womi 28:3

Ohiatsɛ nɛ waa e nyɛmi ohiatsɛ yi mi ɔ, e ngɛ kaa hiɔmi nɛ nɛɔ kpatakpata tlukaa kɛ kpataa niye ní hɛ mi.

Mateo 18:27

Matsɛ ɔ mi mi sã lɛ ngɛ tsɔlɔ ɔ he, nɛ e kɛ hiɔ ɔ tsuo ke lɛ, nɛ e ngmɛɛ e he.

Mateo 18:29

E nyɛmi tsɔlɔ ɔ kpla si ngɛ e hɛ mi, nɛ e de ke, ‘I kpa mo pɛɛ, na tsui ha mi nɛ ma wo mo hiɔ ɔ tsuo!’

Marko 6:37

Se Yesu he nɔ ke, “Nyɛ nitsɛmɛ nyɛ ha mɛ nɔ́ ko nɛ a ye.” A bi lɛ ke, “Anɛ waa ya nɛ wa ya he abolo sika hiɔ yi lafa enyɔ nya ha mɛ nɛ a ye lo?”

Marko 14:5

Jinɛ kikɛmɛ a nu nɛ ɔ, a ko jua lɛ sika hiɔ yi lafa etɛ nɛ́ a kɛ ha ohiatsɛmɛ.” Ni ɔmɛ tu munyu nyanyaanya kɛ si yo ɔ.

Luka 7:41

Yesu de ke, “Nyumuhi ni enyɔ komɛ ya sika palɔ ko ngɔ ya pa sika. Nɔ kake pa sika hiɔ yi lafa enuɔ, nɛ nɔ kake hu pa yi nyingmi enuɔ.

Luka 10:35

E nɔ jena a, e je sika hiɔ yi enyɔ ngɔ ha nibwɔhi a to he hyɛlɔ ɔ. E de lɛ ke, ‘Hyɛ e nɔ saminya! Nɔ tsuaa nɔ nɛ o ma pa puɛ ngɛ e he ɔ, ke i kpale kɛ ba a, ma wo mo.’ ”

Yohane 6:7

Filipo he nɔ ke, “Sika hiɔ lafa enyɔ nya abolo po be mɛ sue nya mi bɔ kakaaka.”