Mateo 18:24 - BAIBLO ALOO NGMAMI KLƆUKLƆU Ɔ

²⁴ Benɛ e bɔni akɔtaa a mi hyɛmi ɔ, a kɛ tsɔli ɔmɛ a kpɛti nɔ kake nɛ hɛɛ lɛ hiɔ sika fuu nitsɛ ba.

Somi He Ɔ

²⁴ Nɛ benɛ e bɔni bumi ɔ, akɛ nɔ ko nɛ hɛɛ lɛ hiɔ cedi akpe nyɔngma ba e ngɔ.

Mateo 18:24 ပူးပေါင်းရင်းမြစ်များ

La 38:4

Ye yayami ɔmɛ pee kaa tlomi nɛ i tloo; a pee kaa tlomi nɛ jiɔ tsɔ, nɛ ngɛ mi gbee.

Luka 16:5

“Lɔ ɔ he ɔ, e tsɛ e nyɔmtsɛ ɔ hiɔtsɛmɛ ɔmɛ tsuo kɛ ba kakaaka. E bi kekleekle nɔ ɔ ke, ‘Hiɔ nyɛmɛ o hɛɛ ye nyɔmtsɛ ɔ?’

Luka 13:4

Ni nyɔngma kɛ kpaanyɔ ɔmɛ nɛ mɔ ɔ ku pue a nɔ ngɛ Siloam nɛ a gbo ɔ, mɛ nɛɛ? Anɛ nyɛ susu kaa lɔ ɔ tsɔɔ kaa mɛ kɛkɛ ji yayami peeli pe nihi tsuo nɛ ngɛ Yerusalem ɔ lo?

La 40:12

Haomi babauu nɛ hí kaiemi bɔle mi kɛ kpe. Ye yayami ɔmɛ ba pe mi, nɛ i pa hyɛ we nɔ́ hu. Ye yayami ɔmɛ hiɛ kulaa pe ye yi bwɔmi; ye mumi nya ta!

Ezra 9:6

I fa kue ke, “Ye Mawu lee, ye hɛ mi pue si; e ngɛ mi zo pee kaa ma wo ye yi nɔ nɛ ma hyɛ mo. Wa he yayami pee kaa tlomi nɛ a to glegleegle kɛ be wa yi he kɛ ya su hiɔwe lokoo.

Luka 16:7

E bi nɔ kpa hu ke, ‘Mo nɛɛ, hiɔ nyɛmɛ o hɛɛ?’ E ha heto ke, ‘Ngma susumi kotoku lafa.’ Tsɔlɔ nɔkɔtɔma a de lɛ ke, ‘He o womi ɔ; ngmaa nyingmi kpaanyɔ.’

Kronika I, 29:7

ní nɛ ɔmɛ nɛ a kɛ ma Yawɛ we ɔ: sika tsu nɛ jiimi pe tɔn lafa kɛ nyingmi kpaago, sika hiɔ nɛ jiimi pe tɔn lafa etɛ kɛ nyingmi eywiɛ, akɔblee nɛ jiimi maa su tɔn lafa ekpa kɛ nyingmi enyɔ, kɛ dade nɛ jiimi pe tɔn akpe etɛ kɛ e nya lafa eywiɛ.

Mateo 18:23

Ejakaa bɔ nɛ hiɔwe matsɛ yemi ɔ ngɛ ha ji nɛ ɔ nɛ. Be ko ɔ, matsɛ ko hi si, nɛ e to kaa e maa hyɛ e tsɔli ɔmɛ a we akɔtaa mi.

Mateo 18:25

Se akɛnɛ e nyɛ we nɛ e wo hiɔ ɔ, e nyɔmtsɛ ɔ fa ke a jua lɛ, kɛ e yo, kɛ e bimɛ, kɛ níhi tsuo nɛ e ngɛ ɔ nɛ a kɛ wo hiɔ ɔ.

Mateo 25:15

E ha nɔ tsuaa nɔ sika bɔ nɛ nɔ ɔ ma nyɛ maa hyɛ nɔ. E ha nɔ kake sika tsu yi akpe enuɔ; e ha nɔ kake sika tsu yi akpe enyɔ, nɛ nɔ ko hu na yi akpe. Kɛkɛ nɛ e doma.

Mateo 25:16

Nɔ nɛ na sika tsu yi akpe enuɔ ɔ ho amlɔ, nɛ e kɛ sika a ya tsu ní; nɛ e na sika tsu yi akpe enuɔ kɛ bɔ he.

Mateo 25:20

Tsɔlɔ ɔ nɛ na sika tsu yi akpe enuɔ ɔ ba, nɛ e kɛ akpe enuɔ kpa hu ba bɔ he. Nɛ e ke, ‘Nyɔmtsɛ, o ha mi sika tsu yi akpe enuɔ. O nɛ, i kɛ na akpe enuɔ ngɔ piɛ he.’

Mateo 25:22

“Tsɔlɔ ɔ nɛ na sika tsu yi akpe enyɔ ɔ hu ba, nɛ e ba de ke, ‘Nyɔmtsɛ, o ha mi sika tsu yi akpe enyɔ. O nɛ, i kɛ na akpe enyɔ ngɔ piɛ he.’

Mateo 25:24

“Nɔ nɛ na sika tsu yi akpe ɔ hu ba, nɛ e ba de ke, ‘Nyɔmtsɛ, i le mo kaa o yi mi wa; o kpaa ní ngɛ he nɛ o du we ní ngɛ, nɛ o buaa ní nya ngɛ he nɛ o fĩa we ní ngɛ.

Mose I, 44:10

E de mɛ ke, “Saminya! A pee kaa bɔ nɛ nyɛ de ɔ. Se mohu, nɔ nɛ dɛ mi nɛ a maa na kplu ɔ ngɛ ɔ, lɛ pɛ ji nɔ nɛ maa pee ye nyɔguɛ ɔ nɛ; nyɛ ni nɛmɛ nɛ piɛ ɔ, nyɛɛ lɛɛ nyɛ maa ye nyɛ he.”