Mateo 18:23 - BAIBLO ALOO NGMAMI KLƆUKLƆU Ɔ

²³ Ejakaa bɔ nɛ hiɔwe matsɛ yemi ɔ ngɛ ha ji nɛ ɔ nɛ. Be ko ɔ, matsɛ ko hi si, nɛ e to kaa e maa hyɛ e tsɔli ɔmɛ a we akɔtaa mi.

Somi He Ɔ

²³ Lɔ ɔ he ɔ hiɔwe matsɛ yemi ɔ ngɛ kaa matsɛ ko nɛ hlaa kaa e kɛ e sɔmɔli ba bu akɔɔtaa.

Mateo 18:23 ပူးပေါင်းရင်းမြစ်များ

Mateo 13:24

Yesu bu mɛ abɛ kpa ko hu ke, “Hiɔwe matsɛ yemi ɔ ngɛ kaa kikɛ nɛ ɔ. Nyumu ko du wu kpakpa ngɛ e ngmɔ mi.

Romabi 14:12

Lɛɛ wa ti nɔ tsuaa nɔ maa bu lɛ nitsɛ e he akɔtaa ngɛ Mawu hɛ mi.

Mateo 13:47

“Hiɔwe matsɛ yemi ɔ ngɛ kaa kikɛ nɛ ɔ hulɔ. Wo hɛli komɛ fɔ ya ngɛ wo mi, nɛ a gbe lo slɔɔtohi babauu.

Mateo 3:2

“Nyɛ tsake nyɛ tsui, ejakaa hiɔwe matsɛ yemi ɔ su si ta.”

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Mateo 25:14

“Jamɛ a be ɔ, hiɔwe matsɛ yemi ɔ maa hi kaa kikɛ nɛ ɔ: Be ko ɔ, nyumu ko miɔ nɛ e maa doma. E tsɛ e tsɔli ɔmɛ, nɛ e tu e weto ní ngɔ wo a dɛ.

Mateo 13:52

E de mɛ ke, “Enɛ ɔ tsɔɔ kaa mlaa tsɔɔlɔ tsuaa mlaa tsɔɔlɔ nɛ ba plɛ pee kaselɔ ngɛ hiɔwe matsɛ yemi ɔ mi ɔ, e ngɛ kaa wetsɛ ko nɛ jeɔ ní hehi, kɛ ní momohi kɛ jeɔ e nito he.”

Mateo 13:33

Yesu bu mɛ abɛ kpa ke, “Hiɔwe matsɛ yemi ɔ ngɛ kaa kikɛ nɛ ɔ: Yo ko ngɔ masa nɛ e kɛ futu kplolo mamu lita nyingmi eywiɛ kɛ ya su be nɛ lɛ tsuo fu.”

Mateo 13:31

Yesu bu mɛ abɛ kpa ke, “Hiɔwe matsɛ yemi ɔ ngɛ kaa kikɛ nɛ ɔ: Nyumu ko kɛ̃ sinapi wu, nɛ e ya du ngɛ e ngmɔ mi.

Mateo 25:1

“Jamɛ a be ɔ, hiɔwe matsɛ yemi ɔ maa hi kaa kikɛ nɛ ɔ. Be ko ɔ, yihewi nyɔngma komɛ wo a kanehi, nɛ a ho konɛ a ya hyɛ ayɛflo huno blɔ.

Mateo 7:24

“Lɔ ɔ he ɔ, nɔ tsuaa nɔ nɛ nuɔ ye munyu nɛ ɔmɛ, nɛ e yeɔ nɔ ɔ, e ngɛ kaa ní lelɔ ko nɛ ma e tsu ngɛ tɛ sa nɔ.

Mateo 18:24

Benɛ e bɔni akɔtaa a mi hyɛmi ɔ, a kɛ tsɔli ɔmɛ a kpɛti nɔ kake nɛ hɛɛ lɛ hiɔ sika fuu nitsɛ ba.