Mateo 18:22 - BAIBLO ALOO NGMAMI KLƆUKLƆU Ɔ

²² Yesu de lɛ ke, “Dɛbi, i de we mo ke si kpaago, se mohu si kpaago totoe nyingmi kpaago.

Somi He Ɔ

²² Yesu de lɛ ke: “I de we mo ke kɛ ya su si kpaago; se mohu si kpaago totoe nyingmi kpaago?

Mateo 18:22 ပူးပေါင်းရင်းမြစ်များ

Kolosebi 3:13

Ke nɔ ko kɛ e nyɛmi ngɛ sane ko ɔ, nyɛɛ na ha nyɛ sibi, nɛ nyɛ kɛ pa nyɛ he kaa bɔ nɛ Nyɔmtsɛ ɔ hu ngɔ nyɛ he yayami ngɔ pa nyɛ ɔ.

Marko 11:25

Nɛ ke nyɛ ngɛ kue fae nɛ nyɛ susu kaa nɔ ko tɔ nyɛ nɔ ɔ, nyɛ kɛ pa lɛ, kɛkɛ nyɛ tsɛ nɛ ngɛ hiɔwe ɔ hu kɛ nyɛ tɔmi ɔmɛ maa pa nyɛ. [

Efesobi 4:31

Nyɛ ha nɛ mi mi doomi, hɛdɔ, mi mi la, kɛ muklii mi fumi se nɛ po ngɛ nyɛ kpɛti. Nyɛɛ ngmɛɛ pɛ, kɛ nɔ jɛmi basabasa, kɛ ninyɛ tsuo he.

Mose I, 4:24

Ke a maa ye Kain he lue si kpaago ɔ, Lamek lɛɛ a maa ye e he lue si nyingmi kpaago kɛ kpaago.”

Romabi 12:21

Nyɛ ko ha yayami nɛ ye nyɛ nɔ, se mohu nyɛɛ ngɔ kpakpa peemi kɛ ye yayami nɔ kunimi.

Mika 7:19

O maa na wɔ mɔbɔ ekohu. O kɛ o nane maa naa wa ní yayami ɔmɛ a nɔ, nɛ o maa muɔ kɛ ya wo wo mi, kɛ yaa su wo ɔ sisi tɔɔ!

Efesobi 4:26

Ke e ba mi kaa nyɛ ti nɔ ko mi mi fu e nyɛmi ɔ, e ko ngmɛ blɔ nɛ lɔ ɔ nɛ ha nɛ e pee yayami. E bɔ mɔde nɛ e tsui he nɛ jɔ loko pu nɛ nɔ si.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

Mateo 18:23

Ejakaa bɔ nɛ hiɔwe matsɛ yemi ɔ ngɛ ha ji nɛ ɔ nɛ. Be ko ɔ, matsɛ ko hi si, nɛ e to kaa e maa hyɛ e tsɔli ɔmɛ a we akɔtaa mi.