Mateo 18:16 - BAIBLO ALOO NGMAMI KLƆUKLƆU Ɔ

¹⁶ Se ke e bui mo tue ɔ, ngɔɔ nɔ kake, loo ni enyɔ ngɔ piɛ o he. Kɛkɛ ɔ, ni enyɔ, loo etɛ ɔmɛ maa pee odase yeli kɛ ma munyu ɔ nɔ mi.

Somi He Ɔ

¹⁶ Se ke e bui mo tue ɔ, ngɔɔ nɔ kake loo ni enyɔ ngɔ piɛ o he, konɛ odaseyeli enyɔ loo etɛ a munyu nya a, sane tsuaa sane nya nɛ ma si.

Mateo 18:16 ပူးပေါင်းရင်းမြစ်များ

Matsɛmɛ I, 21:13

Yaka nimli enyɔ ɔmɛ ba nɛ a ba po Nabot nya ngɛ ma a hɛ mi ke e jɛ Mawu, kɛ matsɛ ɔ. Lɔ ɔ he ɔ, a ngɔ lɛ kɛ je ma a mi, nɛ a ya fia lɛ tɛ nɛ a gbe.

Mose IV, 35:30

“Ke nɔ ko gbe nɔ ko ɔ, a da odase yeli enyɔ, loo nɔ́ a nya mi munyu nɔ nɛ a kɛ kojo lɛ loko a gbe lɛ; a ko da odase yelɔ kake pɛ nya mi munyu nɔ kɛ gbe nɔ ko.

Yohane 8:17

A ngma ngɛ nyɛ mlaa a mi ke, ke ni enyɔ ye odase nɛ kɔɔ ɔ, e peeɔ anɔkuale.

2 Korintobi 13:1

Enɛ ɔ ji si etɛne nɛ i ma nyɛ slaami. Ngmami ɔ ke, “Ni enyɔ, loo etɛ nɛ a ye odase loko a buá sane tsuaa sane he.”

Mose V, 17:6

Se kɛ̃ ɔ, odase yeli enyɔ, loo nihi nɛ hiɛ pe jã a we odase nɔ a maa da kɛ bu lɛ fɔ, loko a gbe lɛ; a ko nu odase yelɔ kake pɛ nya mi munyu.

Mose V, 19:15

“Nɔ kake pɛ ko ye odase kɛ si nɔ ko nɛ pee yayami ko. Loko a maa bu nɔ ko fɔ ɔ, a nu odase yeli enyɔ, loo nihi nɛ hiɛ pe ja a nya mi munyu.

1 Timoteo 5:19

Ke nɔ ko ba po asafo nɔkɔtɔma ko nya ha mo ɔ, koo nu, ja nihi enyɔ, loo etɛ ba ye odase kɛ si lɛ.

Hebribi 10:28

Ke nɔ ko tɔ Mose mlaa a, nɛ a da ni enyɔ, loo etɛ a we odase nɔ kɛ bu lɛ fɔ ɔ, a nɛ́ lɛ mɔbɔ; pe a gbeɔ lɛ.

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”