Mateo 18:15 - BAIBLO ALOO NGMAMI KLƆUKLƆU Ɔ

¹⁵ “Ke o nyɛmi pee mo yayami ɔ, yaa nɛ o ya tsɔɔ lɛ e tɔmi ɔ, o kɛ lɛ ni enyɔ kɛkɛ. Ke e bu mo tue ɔ, kɛkɛ nyɛmi pee nyɛmi.

Somi He Ɔ

¹⁵ “Ke o nyɛmi ko tɔ o nɔ ɔ, yaa nɛ o ya tsɔɔ lɛ e tɔmi ɔ, o kɛ lɛ ni enyɔ kɛkɛ. Ke e bu mo tue ɔ, nyɛmi pee nyɛmi.

Mateo 18:15 ပူးပေါင်းရင်းမြစ်များ

Mose III, 19:17

“Koo nyɛ o nyɛmi ngɛ o tsui mi. Ke sane ko ba a, o kɛ lɛ nɛ hla mi, konɛ e he ɔ, mo mohu o ko ba pee yayami.

Kolosebi 3:13

Ke nɔ ko kɛ e nyɛmi ngɛ sane ko ɔ, nyɛɛ na ha nyɛ sibi, nɛ nyɛ kɛ pa nyɛ he kaa bɔ nɛ Nyɔmtsɛ ɔ hu ngɔ nyɛ he yayami ngɔ pa nyɛ ɔ.

Galatabi 6:1

Ye nyɛmimɛ, ke nyɛ ti nɔ ko tɔ ɔ, nyɛ ni nɛmɛ nɛ Mawu mumi ɔ ngɛ nyɛ mi ɔ, nyɛɛ bɔ mɔde nɛ nyɛɛ ngɔ lɛ kɛ ba blɔ dadɛ nɔ. Nyɛɛ to nyɛ tsui si blɛuu kɛ pee nɔ́ nɛ ɔ. Nyɛɛ hyɛ saminya, konɛ nyɛ nitsɛmɛ hu nyɛ ko ya sɛ jamɛ a ka a eko mi.

2 Tesalonikabi 3:15

Nyɛ ko bu lɛ he nyɛlɔ, se mohu nyɛɛ tu munyu ngɔ tsɔɔ lɛ kaa nyɛmi.

Mateo 18:35

Yesu de kɛ gbe nya ke, “Ke nyɛ ngɔɛ nyɛ nyɛmimɛ a tɔmi ngɔ pɛ mɛ kɛ je nyɛ tsui mi ɔ, bɔ nɛ Tsaatsɛ nɛ ngɛ hiɔwe ɔ maa pee nyɛ ti nɔ tsuaa nɔ ji nɛ ɔ nɛ.”

La 141:5

Ha nɛ dalɔ nɛ gba mi ma, nɛ e ngɔ e mi mi himi ɔ kɛ ka ye hɛ mi; se ko ha nɛ yayami peeli nɛ a je ye yi; ejakaa be tsuaa be ɔ, i faa kue kɛ siɔ a yayami ɔmɛ.

Romabi 12:21

Nyɛ ko ha yayami nɛ ye nyɛ nɔ, se mohu nyɛɛ ngɔ kpakpa peemi kɛ ye yayami nɔ kunimi.

1 Petro 3:1

Jã nɔuu kɛ̃, nyɛ yigbayihi hu, nyɛɛ ba nyɛ he si ha nyɛ hunomɛ, bɔ nɛ pee nɛ ke a ti ni komɛ he we Mawu munyu ɔ yi ɔ, nyɛ je mi bami nɛ tsake mɛ. E be hiae kaa a kɛ mɛ nɛ tu munyu po,

1 Korintobi 8:12

Ke o pee o nyɛmi yayami kaa kikɛ nɛ ɔ, Kristo nɛ o pee yayami kɛ si ɔ nɛ. Ejakaa mo lɛ o wo o nyɛmi ɔ he wami nɛ e kɛ pee nɔ́ ko nɛ e le kaa e sɛ nɛ e peeɔ.

Abɛ Womi 11:30

Nɔ́ nɛ da peemi haa nɔ wami; basabasa lɛɛ gbenɔ e kɛ baa.

2 Korintobi 7:12

Lɔ ɔ he ɔ, womi ɔ nɛ i ngma nyɛ ɔ, tsa pi nɔ ɔ, aloo nɔ nɛ a tɔ̃ e nɔ ɔ he titli nɛ e kɔɔ. I ngma womi ɔ konɛ dengme nɛ nyɛ ngɛ gboe ngɛ wa he ɔ nɛ je kpo paa ha nyɛ ngɛ Mawu hɛ mi.

1 Tesalonikabi 4:6

Lɔ ɔ he ɔ, nɔ ko kó ya pee e nyɛmi yayami kaa e ma ya ngɔ e nyɛmi e yo. Wa de nyɛ enɛ ɔ momo, nɛ wa bɔ nyɛ kɔkɔ wawɛɛ kaa nihi nɛ peeɔ jã a, Nyɔmtsɛ ɔ maa gbla a tue.

Mateo 18:14

Jã nɔuu kɛ̃ nyɛ Tsɛ nɛ ngɛ hiɔwe ɔ sume kaa bimɛ tsɔwi nɛ ɔmɛ a kpɛti nɔ kake nɛ laa.

Mateo 18:21

Kɛkɛ nɛ Petro ba Yesu ngɔ, nɛ e ba bi lɛ ke, “Nyɔmtsɛ, si enyɛmɛ ke ye nyɛmi tɔ ye nɔ nɛ ma kɛ pa lɛ? Si kpaago lo?”

Tito 3:10

Nɔ ko nɛ ma hla kaa e kɛ mi gbami nɛ ba nyɛ kpɛti ɔ, ka e hɛ mi si kake, loo si enyɔ. Lɔ ɔ se ɔ, kɛ lɛ ko bɔ hu.