Mateo 18:13 - BAIBLO ALOO NGMAMI KLƆUKLƆU Ɔ

¹³ Niinɛ, i ngɛ nyɛ dee ke, ke e na lɛ ɔ, e naa lɔ ɔ he bua jɔmi kulaa pe to nyingmi nɛɛ kɛ nɛɛ ɔmɛ nɛ mɛɛ a laa we ɔ.

Somi He Ɔ

¹³ Se ke e ba mi kaa e na lɛ ɔ, niinɛ, i ngɛ nyɛ dee ke, e bua jɔɔ e he ngɛ lɔ ɔ he pe nyingmi nɛɛ kɛ nɛɛ ɔ nɛ laa we blɔ ɔ.

Mateo 18:13 ပူးပေါင်းရင်းမြစ်များ

La 147:11

Se nihi nɛ yeɔ lɛ gbeye, nɛ ngɔɔ a hɛ kɛ fɔɔ e nɔ kaa e maa na mɛ mɔbɔ daa a, mɛɛ e naa a he bua jɔmi.

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Yesaya 62:5

Kaa bɔ nɛ niheyo kpeɔ yomiyo ayɛflo ɔ, ja nɔ nɛ bɔ mo ɔ maa ngɔ mo hulɔ. Bɔ nɛ ayɛflo huno nyaa ayɛflo he ɔ, ja o Mawu ɔ bua maa jɔ o he.

Ezekiel 34:4

Ní nɛmɛ nɛ gbɔjɔ ɔ, nyɛ hyɛ we a nɔ bɔ nɛ sa; hiɔtsɛmɛ ɔmɛ ɔ, nyɛ tsa we mɛ; ní nɛmɛ nɛ plaa a, nyɛ fi we pa amɛ a nɔ ha mɛ; ní nɛmɛ nɛ tla blɔ ɔ, nyɛ ya kpakaa we mɛ; nɛ ní nɛmɛ nɛ laa a, nyɛ ya hla we mɛ. Se yi mi mohu nyɛ waa mɛ.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Zefania 3:17

Yawɛ, nyɛ Mawu ɔ ngɛ nyɛ kpɛti; e he wami ɔ ma ha nɛ nyɛ maa ye kunimi. Yawɛ ma na nyɛ he bua jɔmi; e maa suɔ nyɛ sane, nɛ e ma ha nyɛ wami he. E ma la, nɛ e ma na nyɛ he bua jɔmi

Mateo 18:12

“Kɛ nyɛ susuu kɛɛ? Ke nɔ ko ngɛ to lafa, nɛ a kpɛti kake laa a, anɛ e be nyingmi nɛɛ kɛ nɛɛ ɔmɛ sie ngɛ yo ɔmɛ nɔ, nɛ e ya hla nɔ́ nɛ laa a?

Mateo 18:14

Jã nɔuu kɛ̃ nyɛ Tsɛ nɛ ngɛ hiɔwe ɔ sume kaa bimɛ tsɔwi nɛ ɔmɛ a kpɛti nɔ kake nɛ laa.

1 Korintobi 13:6

Suɔmi nya we nɔ́ yayami he; anɔkuale mohu he nɛ e nyaa.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.