Mateo 18:12 - BAIBLO ALOO NGMAMI KLƆUKLƆU Ɔ

¹² “Kɛ nyɛ susuu kɛɛ? Ke nɔ ko ngɛ to lafa, nɛ a kpɛti kake laa a, anɛ e be nyingmi nɛɛ kɛ nɛɛ ɔmɛ sie ngɛ yo ɔmɛ nɔ, nɛ e ya hla nɔ́ nɛ laa a?

Somi He Ɔ

¹² “Kɛ nyɛ susuu kɛɛ, ke nɔ ko ngɛ to lafa nɛ a kpɛti kake laa blɔ ɔ, anɛ e be nyingmi nɛɛ kɛ nɛɛ ɔ sie ngɛ yoku ɔmɛ a nɔ nɛ e ya nɛ e ya hla nɔ nɛ laa blɔ ɔ lo?

Mateo 18:12 ပူးပေါင်းရင်းမြစ်များ

Matsɛmɛ I, 21:17

Kɛkɛ nɛ Yawɛ de gbalɔ Eliya nɛ je Tishbe ɔ ke,

La 119:176

I ngɛ lalaalo woe kaa to nɛ laa; mo hla imi, o tsɔlɔ ɔ koo! Ejakaa i je we ye hɛ ngɛ o mlaa amɛ a nɔ.

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Yeremia 50:6

“Ye ma a ngɛ kaa tohi nɛ a hyɛli ɔmɛ ha nɛ a nane kpata ngɛ yo ɔmɛ a nɔ. A ngɛ kaa tohi nɛ a ngmɛɛ a he, nɛ a wo lalaalo ngɛ yo ɔmɛ a nɔ hluu kɛ ya si a hi he po laa mɛ.

Ezekiel 34:12

Bɔ nɛ to hyɛlɔ hlaa e tohi nɛ gbɛ fĩa, nɛ e buaa a nya ekohu ɔ, jã ma hla ye to ɔmɛ a se blɔ. Ma kpaka mɛ kɛ je he tsuaa he nɛ a gbɛ fĩa ligbi ɔ nɛ jamɛ amanehlu kɔɔhiɔ yaya ba fia mɛ ɔ.

Ezekiel 34:16

“Tohi nɛ laa a, ma ya hla mɛ; ní nɛmɛ nɛ tla blɔ ɔ, ma ya tsɔ́ mɛ kɛ ba; ní nɛmɛ nɛ plaa a, ma fi a pa amɛ a nɔ ha mɛ; hiɔtsɛmɛ ɔmɛ hu ma tsa mɛ. Se ní nɛmɛ nɛ wo zɔ, kɛ ní nɛmɛ nɛ ngɛ he wami saminya a, ma kpata a hɛ mi; ejakaa i yeɔ dami sane.

Ezekiel 34:28

Je ma amɛ ba be mɛ haoe nɛ a ha a ní hu. Lohwe awi yeli ba be mɛ nue nɛ a ye hu. A maa hi si ngɛ tue mi jɔmi mi, nɛ nɔ ko nɔ ko be a he gbeye woe.

Ezekiel 34:4

Ní nɛmɛ nɛ gbɔjɔ ɔ, nyɛ hyɛ we a nɔ bɔ nɛ sa; hiɔtsɛmɛ ɔmɛ ɔ, nyɛ tsa we mɛ; ní nɛmɛ nɛ plaa a, nyɛ fi we pa amɛ a nɔ ha mɛ; ní nɛmɛ nɛ tla blɔ ɔ, nyɛ ya kpakaa we mɛ; nɛ ní nɛmɛ nɛ laa a, nyɛ ya hla we mɛ. Se yi mi mohu nyɛ waa mɛ.

Ezekiel 34:6

Lɔ ɔ he ɔ, ye to ɔmɛ wo lalaalo kɛ ya gu yo ɔmɛ, kɛ yokuhi nɛ ya hiɔwe tsuo a nɔ. A gbɛ mɛ fĩa je ɔ mi he tsuaa he. Nɔ ko nɔ ko be nɛ dii a se, loo e hlaa mɛ.

Mateo 12:11

Yesu he nɔ ke, “Waa ngɔ lɛ kaa nyɛ ti nɔ ko ngɛ to kake pɛ, nɛ to ɔ ya nɔ muɔ mi Hejɔɔmi ligbi ɔ. Anɛ e be to ɔ he pɛtɛe nɛ e je lɛ lo?

Mateo 18:13

Niinɛ, i ngɛ nyɛ dee ke, ke e na lɛ ɔ, e naa lɔ ɔ he bua jɔmi kulaa pe to nyingmi nɛɛ kɛ nɛɛ ɔmɛ nɛ mɛɛ a laa we ɔ.

Mateo 21:28

“Jehanɛ ɔ, kɛ nyɛ susuu kɛɛ? Nyumu ko ngɛ binyumuhi enyɔ. Ligbi ko ɔ, e ya nɔkɔtɔma a ngɔ, nɛ e ya de lɛ ke, ‘Ye bi, mwɔnɛ ɔ, yaa tsu ní ngɛ ye wai ngmɔ ɔ mi.’

Mateo 22:42

“Kɛ nyɛ susuɔ ngɛ Kristo ɔ he kɛɛ? Mɛnɔ nina ji lɛ?” A he nɔ ke, “David nina ji lɛ.”

1 Korintobi 10:15

I kɛ nyɛ ngɛ munyu tue kaa a kɛ juɛmitsɛmɛ tuɔ munyu; nɔ́ nɛ i ngɛ dee ɔ, nyɛ nitsɛmɛ nyɛ kɔ se.

1 Petro 2:25

Jinɛ nyɛ laa blɔ kaa tohi. Se amlɔ nɛ ɔ, nyɛ kpale kɛ ba nyɛ hyɛlɔ, kɛ nyɛ he bulɔ ɔ ngɔ.