Mateo 18:10 - BAIBLO ALOO NGMAMI KLƆUKLƆU Ɔ

¹⁰ “Nyɛɛ hyɛ saminya nɛ nyɛ ko hie bimɛ tsɔwi nɛ ɔmɛ a ti nɔ ko. I ngɛ nyɛ dee ke a bɔfohi nɛ ngɛ hiɔwe ɔ daa si ngɛ Tsaatsɛ nɛ ngɛ hiɔwe ɔ hɛ mi daa. [

Somi He Ɔ

¹⁰ “Nyɛɛ hyɛ saminyɛ konɛ nyɛ ko gbe ni tsɔwi nɛ ɔmɛ a ti nɔ kake he guɛ; ejakaa i ngɛ nyɛ dee ke, a bɔfohi nɛ ngɛ hiɔwe ɔ hyɛɛ Tsaatsɛ nɛ ngɛ hiɔwe ɔ hɛ mi daa.” [

Mateo 18:10 ပူးပေါင်းရင်းမြစ်များ

La 91:11

Mawu ma ha nɛ e bɔfo ɔmɛ maa bu o he ngɛ he tsuaa he nɛ o maa ya.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

La 34:7

Yawɛ bɔfo ɔ buɔ nihi nɛ yeɔ Yawɛ gbeye ɔ a he, nɛ e heɔ a yi wami.

Luka 16:22

“Ohiatsɛ ɔ ba gbo, nɛ bɔfohi ba ngɔ lɛ kɛ ho Abraham mi si ya. Niatsɛ ɔ hu ba gbo, nɛ a pu lɛ.

Mateo 24:31

Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.

Luka 1:19

Bɔfo ɔ he nɔ ke, “Imi ji Gabriel, nɛ i daa si ngɛ Mawu hɛ mi. A tsɔ mi ke i kɛ mo ba sɛɛ ní, nɛ́ ma ngɔ manye munyu nɛ ɔ ba ha mo.

Mateo 18:14

Jã nɔuu kɛ̃ nyɛ Tsɛ nɛ ngɛ hiɔwe ɔ sume kaa bimɛ tsɔwi nɛ ɔmɛ a kpɛti nɔ kake nɛ laa.

Mateo 18:6

“Hemi kɛ yemi nɛ jokuɛ tsɔwi nɛ ɔmɛ ngɛ ngɛ ye mi ɔ, ke nɔ ko ha nɛ a ti nɔ kake hemi kɛ yemi ɔ ta a, afani nɛ a kɛ teji wɛ muɔ nɔ ɔ kuɛ, nɛ a sake lɛ kɛ fɔ wo mi he nɛ kuɔ.

Mateo 2:19

Herode gbenɔ se ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi ngɛ Egipt,

Mateo 2:13

Benɛ ní leli ɔmɛ je ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi, nɛ e de lɛ ke, “Herode ma ba hla bimwɔyo ɔ nɛ e gbe lɛ. Lɔ ɔ he ɔ, tee si! Ngɔɔ bimwɔyo ɔ, kɛ e nyɛ ɔ, nɛ o kɛ mɛ nɛ tu fo kɛ ya Egipt. Nyɛ ya hi lejɛ ɔ kɛ yaa si be nɛ ma to mo.”

Mateo 1:20

Se benɛ Yosef ngɛ nɔ́ nɛ ɔ he susue ɔ, Nyɔmtsɛ ɔ bɔfo je e he kpo tsɔɔ lɛ ngɛ nlami mi, nɛ e de lɛ ke, “Yosef, David nina, koo ye gbeye kaa o kɛ Maria maa hi si kaa o yo; hɔ nɛ e hɛɛ nɛ ɔ je Mumi Klɔuklɔu ɔ mi.

1 Tesalonikabi 4:8

Lɔ ɔ he ɔ, nɔ tsuaa nɔ nɛ bui tsɔɔmi nɛ ɔ, pi nɔmlɔ adesa nɛ e bui, se mohu Mawu, nɔ nɛ ha nyɛ e Mumi Klɔuklɔu ɔ.

1 Korintobi 11:22

Anɛ nyɛ be nyɛ nitsɛmɛ nyɛ wehi nɛ nyɛ maa ye ní, nɛ nyɛ maa nu ní ngɛ lejɛ ɔmɛ lo? Aloo pe nyɛ ngɛ hlae nɛ nyɛɛ gbe Mawu asafo ɔ he guɛ, nɛ nyɛ pue ni nɛmɛ nɛ be nɔ́ ko ɔ a hɛ mi si? Kɛ ma de nyɛ kɛɛ? Ma je nyɛ yi lo? Dɛbi, i be nyɛ yi jee!

1 Korintobi 16:11

Nyɛ ti nɔ ko nɛ ko bu lɛ kaa pi nɔ ko ji lɛ. Se mohu nyɛɛ hyɛ, konɛ e tsa e blɔ hiami ɔ nɔ ngɛ tue mi jɔmi mi. I ngɛ blɔ hyɛe kaa e kɛ nyɛmimɛ ɔmɛ maa kpale kɛ ba.

Romabi 14:10

Lɛɛ mɛni he je moo o kojoɔ o nyɛmi? Aloo pohu mɛni he je nɛ o gbeɔ o nyɛmi he guɛ ɔ? Mawu hɛ mi wɔ tsuo wa maa da si ngɛ nɛ e maa kojo wɔ.

Ni Tsumi 27:23

Ejakaa nyɔ nɛ ɔ mi ɔ, Mawu, nɔ nɛ nɔ́ ji mi, nɛ lɛ nɔuu nɛ i jaa bɔfo ba da ye kasa nya,

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

Ni Tsumi 12:15

A de lɛ ke, “O yi mi ngɛ puɛe.” Se e ma nɔ mi ke anɔkuale nɛ e ngɛ tue. Kɛkɛ nɛ a ke, “Lɛɛ e bɔfo mɔ!”

Ni Tsumi 10:3

Ligbi ko piani maa pee ngmlɛ etɛ ɔ, a je tsɔɔ lɛ ngɛ nina mi kaa Mawu bɔfo ba e ngɔ ba tsɛ lɛ ke, “Kornelio!”

Ni Tsumi 5:19

Se nyɔ mi ɔ, Nyɔmtsɛ ɔ bɔfo ba bli tsu ɔ nya sinya amɛ, nɛ e je mɛ; nɛ e de mɛ ke,

La 17:15

Se imi lɛɛ ma na o hɛ mi, ejakaa i pee we yayami ko. Nɛ ke ye hɛ tsɛ ɔ, ma ná bua jɔmi babauu kaa i na mo hɛ mi kɛ hɛ mi.

La 15:4

Nɔ nɛ tuɔ munyu kɛ siɔ yayami peeli, nɛ e woɔ nihi nɛ yeɔ Yawɛ gbeye ɔ a hɛ mi nyami. Nɔ nɛ ke e ka kita, nɛ e kpale we e nya se, ke ji kaa lɔ ɔ maa pee haomi ha lɛ po.

Matsɛmɛ I, 22:19

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.

1 Timoteo 4:12

Ko ha nɛ nɔ ko nɛ gbe o he guɛ kaa niheyo kɛkɛ ji mo. Se mohu bɔɔ mɔde nɛ o munyu tumi, o je mi bami, suɔmi nɛ o ngɛ, o hemi kɛ yemi, kɛ bɔ nɛ o he tsɔ ɔ nɛ pee nɔ hyɛmi nɔ́ ha ni nɛmɛ nɛ heɔ yeɔ ɔ.

1 Korintobi 9:22

Ngɛ nihi nɛ a hemi kɛ yemi gbɔjɔ a kpɛti ɔ, i peeɔ ye ní kaa nɔ nɛ lɛ hu e hemi kɛ yemi gbɔjɔ, bɔ nɛ pee nɛ ye nine nɛ su a nɔ. Ee, bɔ tsuaa bɔ nɛ nɔ ko ngɛ ɔ, imi hu i peeɔ ye he kaa lɛ. I peeɔ enɛ ɔ, bɔ nɛ pee nɛ ma gu blɔ tsuaa blɔ nɔ kɛ he nihi a yi wami.

Romabi 15:1

Wɔ nihi nɛ wa hemi kɛ yemi mi wa a, e sa kaa waa ye bua ni nɛmɛ nɛ a hemi kɛ yemi mi wɛ ɔ. Wa ko susu wɔ nitsɛmɛ pɛ wa he.

Romabi 14:21

Lɔ ɔ he ɔ, e hi kaa o ko ye lo, nɛ o ko nu wai, nɛ jehanɛ hu, o ko pee nɔ́ ko nɛ ma ha o nyɛmi nane ma kpata.

Kpojemi 8:2

Kɛkɛ nɛ i na bɔfo kpaago ɔmɛ nɛ daa si ngɛ Mawu hɛ mi ɔ, nɛ a ha mɛ titimati kpaago.

Galatabi 6:1

Ye nyɛmimɛ, ke nyɛ ti nɔ ko tɔ ɔ, nyɛ ni nɛmɛ nɛ Mawu mumi ɔ ngɛ nyɛ mi ɔ, nyɛɛ bɔ mɔde nɛ nyɛɛ ngɔ lɛ kɛ ba blɔ dadɛ nɔ. Nyɛɛ to nyɛ tsui si blɛuu kɛ pee nɔ́ nɛ ɔ. Nyɛɛ hyɛ saminya, konɛ nyɛ nitsɛmɛ hu nyɛ ko ya sɛ jamɛ a ka a eko mi.

2 Korintobi 10:10

Nihi deɔ ke, “Paulo womi ɔmɛ a mi munyuhi jiɔ, nɛ a mi wa hulɔ; se ke o na lɛ nitsɛ lɛɛ pi nɔ ko kulaa ji lɛ; munyu nitsɛ tete e li tumi.”

2 Korintobi 10:1

Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

Luka 10:16

Yesu de e kaseli ɔmɛ ke, “Nɔ tsuaa nɔ nɛ maa bu nyɛ tue ɔ, imi tue e bu ɔ nɛ; nɔ nɛ ma kua nyɛ ɔ, imi e kua a nɛ. Nɔ tsuaa nɔ nɛ ma kua mi ɔ, e kua nɔ nɛ tsɔ mi ɔ.”

Mateo 12:20

E kɛ nihi nɛ gbɔjɔ ɔ maa hi si ngɛ he jɔmi mi. E maa na dɛgutsɛmɛ mɔbɔ. E ma tsu ní nɛ ɔ hluu kɛ yaa si e ma ha nɛ dami sane yemi ma he si.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Zakaria 4:10

Amlɔ nɛ ɔ nɛ ní tsumi ɔ yɛ nɔ kpakpa ko ɔ, nɛ ni ɔmɛ pee kaa nɔ́ nɛ a kɔni mi jɔ̃. Se ke a na Zerubabel nɛ ngɛ Mawu we ɔ mae ekohu ɔ, a bua maa jɔ.”

Ester 1:14

E he nihi nɛ e pɔɔ tsɛmi ji Kashena, Shetar, Admata, Tarshish, Meres, Marsena, kɛ Memukan. Nimli kpaago nɛ ɔmɛ ji Persia kɛ Media nɔ yemi ɔ mi ganɔhi nɛ hɛɛ blɔ nya nguaa pe kulaa.

Samuel II, 14:28

Absalom hi Yerusalem jeha enyɔ sɔuu nɛ e nɛ matsɛ ɔ hɛ mi.

Hebribi 9:24

Ejakaa Kristo ɔ, pi he klɔuklɔu pe kulaa nɛ a kɛ nine pee, nɛ ji nɔ́ nitsɛ ɔ henɔ kɛkɛ ɔ mi nɛ e ya. Mohu ɔ, hiɔwe nitsɛnitsɛ nɛ e ho; nɛ amlɔ nɛ ɔ, e ngɛ lejɛ ɔ ngɛ Mawu hɛ mi ngɛ wa he.