Mateo 18:1 - BAIBLO ALOO NGMAMI KLƆUKLƆU Ɔ

¹ Jamɛ a be ɔ mi ɔ, kaseli ɔmɛ ba Yesu ngɔ, nɛ a ba bi lɛ ke, “Mɛnɔ ji nɔmlɔ nguaa pe kulaa ngɛ hiɔwe matsɛ yemi ɔ mi?”

Somi He Ɔ

¹ Jamɛ a ngmlɛfia a mi nɔuu ɔ, kaseli ɔmɛ na Yesu ngɔ nɛ a ba bi lɛ ke: “Mɛnɔ ji nɔmlɔ ngua pe kulaa ngɛ hiɔwe matsɛ yemi ɔ mi?”

Mateo 18:1 ပူးပေါင်းရင်းမြစ်များ

Filipibi 2:3

Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

Mateo 23:11

Nɔ nɛ ji nɔmlɔ nguaa ngɛ nyɛ kpɛti ɔ, e plɛ nyɛ sɔmɔlɔ.

Romabi 12:10

Nyɛɛ suɔ nyɛ he saminya kaa nyɛmimɛ, nɛ nɔ tsuaa nɔ nɛ bu e nyɛmi pe lɛ nitsɛ e he.

Mateo 7:21

“Pi nɔ tsuaa nɔ nɛ tsɛɔ mi ‘Nyɔmtsɛ, Nyɔmtsɛ’ ɔ ji nɔ nɛ maa sɛ hiɔwe matsɛ yemi ɔ mi; se mohu nɔ nɛ peeɔ Tsaatsɛ nɛ ngɛ hiɔwe ɔ suɔmi nya ní.

Mateo 3:2

“Nyɛ tsake nyɛ tsui, ejakaa hiɔwe matsɛ yemi ɔ su si ta.”

Mateo 18:2

Kɛkɛ nɛ Yesu tsɛ jokuɛ nyafii ko, nɛ e ha e ba da a kpɛti,