Mateo 17:6 - BAIBLO ALOO NGMAMI KLƆUKLƆU Ɔ

⁶ Benɛ kaseli ɔmɛ nu gbi ɔ, a ye gbeye wawɛɛ nitsɛ, nɛ a ngɔ a hɛ mi ngɔ bu si.

Somi He Ɔ

⁶ Nɛ benɛ e kaseli ɔmɛ nu ɔ, a kɛ a hɛ mi bu si, nɛ a ye gbeye wawɛɛ.

Mateo 17:6 ပူးပေါင်းရင်းမြစ်များ

2 Petro 1:18

Wɔ nitsɛmɛ wa nu gbi nɛ ɔ kɛ je hiɔwe, benɛ waa kɛ lɛ ngɛ yo klɔuklɔu ɔ nɔ ɔ.

Ni Tsumi 26:14

Wɔ tsuo wa ya nɔ si, nɛ i nu gbi ko nɛ kɛ mi tu munyu ngɛ Hebri mi ke, ‘Saulo, Saulo! Mɛni he je nɛ o ngɛ mi yi mi wae? Ke o ke o kɛ mi ná a, o he awi kɛkɛ o ngɛ yee, kaa na nɛ ngɛ e tsɔ̃lɔ tso koli hɛɛe.’

Ni Tsumi 22:7

I tsɔ fia si, nɛ i nu gbi ko nɛ bi mi ke, ‘Saulo, Saulo! Mɛni he je nɛ o ngɛ mi yi mi wae ɔ?’

Daniel 8:17

Kɛkɛ nɛ Gabriel ba da si ngɛ ye kasa nya. Benɛ e ba a, ye tsui po, nɛ i kɛ ye hɛ mi bu si. Gabriel de mi ke, “Nɔmlɔ adesa, na nɛ o le kaa nina a kɔɔ je mi nyagbe he.”

Ezekiel 43:3

Nina nɛ ɔ ngɛ kaa nina nɛ i na benɛ Mawu ba kpata Yerusalem hɛ mi, kɛ nina nɛ i na ngɛ Kebar pa a nya a. Kɛkɛ nɛ i ngɔ ye hɛ mi kɛ bu zugba.

Ezekiel 3:23

Kɛkɛ nɛ i pue nɔ kɛ ho kɔ̃ ɔ mi ya. Lejɛ ɔ lɛ i na Yawɛ hɛ mi nyami ɔ kaa bɔ nɛ i na lɛ ngɛ Kebar pa a nya a. I ngɔ ye hɛ mi ngɔ bu zugba.

Kronika I, 21:16

David na Yawɛ bɔfo ɔ nɛ daa si ngɛ hiɔwe kɛ zugba a kpɛti. E hɛɛ e klaate ɔ ngɛ e dɛ mi, nɛ e miɔ nɛ e ma kpata Yerusalem hɛ mi. Kɛkɛ nɛ David kɛ ma nimeli ɔmɛ tsuo kpla si, nɛ a ngɔ a hɛ mi ngɔ bu si. Mɛ tsuo a bu kpekpe.

Manyadali 13:22

Manoa de e yo ɔ ke, “Pe wa gbo ɔ nɛ; ejakaa wa na Mawu.”

Manyadali 13:20

Benɛ la lilɛ ɔ te si kɛ je bɔ sami la tɛ ɔ nɔ ɔ, Manoa kɛ e yo ɔ na Yawɛ bɔfo ɔ ngɛ la lilɛ ɔ mi nɛ e yaa hiɔwe. Kɛkɛ nɛ a ngɔ a hɛ mi ngɔ bu si, ejakaa kpaako Manoa yɔse kaa mamoo Yawɛ bɔfo lɛ je e he kpo kɛ tsɔɔ mɛ ɔ nɛ. Kɛ je lɔ ɔ se ɔ, Yawɛ bɔfo ɔ je we e he kpo kɛ tsɔɔ we Manoa kɛ e yo ɔ hu.

Mose III, 9:24

Tlukaa a, Yawɛ ha nɛ la ba, nɛ e ba sã sami bɔ ɔ, kɛ zɔ ɔ nɛ ngɛ bɔ sami la tɛ ɔ nɔ ɔ. Benɛ ni ɔmɛ tsuo na nɔ́ nɛ ɔ, a he ose, nɛ a kɛ a hɛ mi bu si.

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Mateo 17:7

Kɛkɛ nɛ Yesu ba a ngɔ, nɛ e ba ta a he, nɛ e de ke, “Nyɛɛ te si; nyɛ ko ye gbeye!”