Mateo 17:25 - BAIBLO ALOO NGMAMI KLƆUKLƆU Ɔ

²⁵ Petro he nɔ ke, “Ee, e woɔ.” Benɛ Petro ba we ɔ mi ɔ, Yesu sɛ hlami bi lɛ ke, “Simon, kɛ o susuɔ kɛɛ? Zugba a nɔ matsɛmɛ ɔmɛ ɔ, mɛnɔmɛ a dɛ a heɔ tó ngɛ? Ma mi bi a dɛ, aloo ma se bi a dɛ?”

Somi He Ɔ

²⁵ E ke: “E hãa.” Nɛ benɛ e ba we mi ɔ, Yesu sɛ hlami bi lɛ ke: “Kɛ o susuu kɛɛ, Simon? Zugba a nɔ matsɛmɛ ɔmɛ ɔ, mɛnɔmɛ a dɛ a heɔ too loo onia ngɛ? Ngɛ mɛ nitsɛmɛ a bimɛ a dɛ aloo ma se tsɛmɛ a dɛ?”

Mateo 17:25 ပူးပေါင်းရင်းမြစ်များ

Mateo 17:26

Petro de lɛ ke, “Ma se bi a dɛ nɛ a heɔ ngɛ.” Yesu he nɔ ke, “Saminya! Lɛɛ ma mi bi ɔmɛ yeɔ a he mɔ!

Mateo 22:17

Lɔ ɔ he ɔ, de wɔ; kɛ o susuu kɛɛ? Anɛ mlaa ngmɛɛ blɔ kaa a tsu tó ha Kaisare ɔ, aloo a ko tsu?”

Mateo 22:19

Nyɛɛ tsɔɔ mi sika nɛ a kɛ tsuɔ tó ɔ.” A ngɔ sika a kɛ ba;

Mateo 22:21

A he nɔ ke, “Kaisare ɔ.” Yesu de mɛ ke, “Lɛɛ nyɛɛ ngɔ Kaisare ɔ níhi ngɔ ha Kaisare ɔ, nɛ nyɛɛ ngɔ Mawu níhi ngɔ ha Mawu.”

Mateo 3:15

Se Yesu he nɔ ke, “Oo, moo kplɛɛ kɛkɛ, ejakaa kikɛmɛ a blɔ nɔ nɛ wa maa gu kɛ pee Mawu suɔmi nya ní.” Kɛkɛ nɛ Yohane kplɛɛ.

Luka 20:22

Anɛ wa mlaa a ngmɛɛ blɔ kaa a tsu tó ha Kaisare ɔ, loo a ko tsu?”

Samuel I, 17:25

Israel bi ɔmɛ de a he ke, “Tse nyɛ na nyumu nɛ ɔ? Hyɛ, Israel ahlua nɛ e ma bɔmi nɛ ɔ nɛ. Matsɛ Saul wo si kaa nɔ nɛ ma nyɛ maa gbe lɛ ɔ, e maa wo lɛ ní babauu. Jehanɛ hu e kɛ e biyo ma ha lɛ, nɛ e tsɛ weku li maa ye a he kɛ je ma tó tsumi kɛ sɔmɔmi mi.”