Mateo 17:22 - BAIBLO ALOO NGMAMI KLƆUKLƆU Ɔ

²² Benɛ kaseli ɔmɛ tsuo a nya ba bua ngɛ Galilea a, Yesu de mɛ ke, “A miɔ nɛ a maa ngɔ Nɔmlɔ Bi ɔ kɛ wo nimli adesahi a dɛ mi

Somi He Ɔ

²² Benɛ a ngɛ si kpae ngɛ Galilea a, Yesu de mɛ ke: “A maa ngɔ Nɔmlɔ Bi ɔ ngɔ wo nimli a dɛ mi,

Mateo 17:22 ပူးပေါင်းရင်းမြစ်များ

Mateo 16:21

Kɛ je jamɛ a be ɔ, Yesu bɔni e kaseli ɔmɛ demi paa ke ja e ya Yerusalem, nɛ e ya na amanehlu babauu ngɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa gbe lɛ, se ligbi etɛ se ɔ, Mawu ma tle lɛ si kɛ ba wami mi ekohu.

Marko 8:31

Jehanɛ Yesu bɔni e kaseli ɔmɛ ní tsɔɔmi ke, “Ja Nɔmlɔ Bi ɔ na amanehlu babauu, nɛ́ ma nimeli ɔmɛ, osɔfo nikɔtɔma amɛ, kɛ mlaa tsɔɔli ɔmɛ kua lɛ. A maa gbe lɛ, nɛ ligbi etɛ se ɔ, e maa te si ekohu.”

Mateo 17:23

nɛ a gbe lɛ. Se ligbi etɛ se ɔ, Mawu ma tle lɛ si.” Nɔ́ nɛ ɔ hao kaseli ɔmɛ wawɛɛ.

Luka 24:46

E de mɛ ke, “Bɔ nɛ a ngma ji kaa ja a gbe Kristo ɔ, nɛ e te si kɛ je gbeje ligbi etɛ se.

Luka 24:26

E hia kaa Kristo ɔ nɛ na amanehlu nɛ ɔmɛ, konɛ e sɛ e nyami ɔ mi.”

Luka 9:22

E de mɛ hulɔ ke, “Ja Nɔmlɔ Bi ɔ na amanehlu babauu, nɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ kua lɛ. A maa gbe lɛ, se ligbi etɛ se ɔ, Mawu ma tle lɛ si ekohu.”

Ni Tsumi 7:52

Gbali ɔmɛ nɛ hi si sa a, nyɛ nɛmɛ ɔmɛ wa mɛ yi mi. A gbe ni nɛmɛ nɛ de to ke dalɔ ɔ maa ba a. Amlɔ nɛ ɔ, lɛ nitsɛ hu nyɛ tsɔɔ e se blɔ, nɛ nyɛ gbe lɛ.

Mateo 26:46

Nyɛɛ te nɛ waa ho. Hyɛ, nɔ nɛ ngɛ ye se blɔ tsɔɔe ɔ lɛ ma a nɛ!”

Mateo 24:10

Jamɛ a be ɔ mi ɔ, nihi babauu a nane ma kpata; huɛmɛ maa tsɔɔ huɛmɛ a se blɔ, nɛ a maa nyɛ a he.

Mateo 16:28

Niinɛ, i ngɛ nyɛ dee ke ni komɛ daa si ngɛ hiɛ ɔ nɛ mɛɛ lɛɛ a be gboe kɛ yaa su be nɛ a maa na Nɔmlɔ Bi ɔ nɛ ma kaa matsɛ.”

1 Korintobi 11:23

Nɔ́ nɛ i ná kɛ je Nyɔmtsɛ ɔ dɛ mi ɔ, lɔ ɔ nɛ i kɛ ha nyɛ ɔ nɛ, kaa Nyɔmtsɛ Yesu ɔ, jamɛ a nyɔ ɔ mi nɔuu nɛ a tsɔɔ e se blɔ ɔ, e kɛ̃ abolo,

Mateo 26:16

nɛ kɛ je jamɛ a be ɔ mi ɔ, Yuda hla Yesu he blɔ, konɛ e ngɔ lɛ kɛ wo a dɛ mi.

Mateo 17:9

Benɛ a ngɛ yo ɔ kplee ɔ. Yesu ka mɛ kita ke, “Nyɛ ko sɛɛ nina nɛ ɔ he ní ha nɔ ko kɛ yaa si a ma tle Nɔmlɔ Bi ɔ si kɛ je gbeje.”

Mateo 17:12

Se i ngɛ nyɛ dee ke Eliya ba momo, se nihi li lɛ, nɛ a pee lɛ nɔ́ tsuaa nɔ́ nɛ a suɔ. Ja nɔuu Nɔmlɔ Bi ɔ hu maa na amanehlu ngɛ a dɛ mi.”

Luka 9:43

Mawu he wami kpetekpleenyɛ nɛ je kpo nɛ ɔ ha nɛ ni ɔmɛ tsuo a he mi po. Benɛ ni ɔmɛ a hɛ mi pee mɛ yaa ngɛ níhi tsuo nɛ Yesu ngɛ pee ɔ a he ɔ, e de e kaseli ɔmɛ ke,