Mateo 17:20 - BAIBLO ALOO NGMAMI KLƆUKLƆU Ɔ

²⁰ Yesu he nɔ ke, “Ejakaa nyɛ hemi kɛ yemi pi. Niinɛ, i ngɛ nyɛ dee ke, ke nyɛ ngɛ hemi kɛ yemi nɛ kle kaa sinapi wu ɔ, nyɛ ma de yo nɛ ɔ ke, ‘Hiaa kɛ je hiɛ ɔ kɛ ya lejɛ ɔ,’ nɛ e maa hia. Nɔ́ ko nɔ́ ko peemi be wae ha nyɛ!” [

Somi He Ɔ

²⁰ Se Yesu de mɛ ke: “Nyɛ hemi kɛ yemi nɛ pi ɔ he je. Ejakaa niinɛ, i ngɛ nyɛ dee ke: Ke nyɛ ngɛ hemi kɛ yemi nɛ ngɛ kaa sinapi wu ɔ, nyɛ ma de yoku nɛ ɔ ke: ‘Hia ngɛ hiɛ ɔ kɛ ya lejɛ ɔ.’ Nɛ e maa hia; nɛ nɔ ko be nɛ nyɛ be nyɛe maa pee. [

Mateo 17:20 ပူးပေါင်းရင်းမြစ်များ

Luka 17:6

Nyɔmtsɛ ɔ he nɔ ke, “Nyɛ hemi kɛ yemi kle kaa sinapi wu ngu kake jinɛ nyɛ ko fa sikamore tso nɛ ɔ ke e hia kɛ e sipoku kɛ je zu mi kɛ ya ma wo mi, nɛ e maa bu nyɛ tue.

Marko 11:23

I ngɛ nyɛ dee anɔkuale mi ke, nɔ tsuaa nɔ nɛ ma de yo nɛ ɔ ke e hia nɛ e ya nɔ womi, nɛ e ji nɔ́, se mohu e heɔ yeɔ kaa nɔ́ nɛ e de ɔ maa ba mi ɔ, e maa ba mi niinɛ ha lɛ.

Luka 18:27

Yesu he nɔ ke, “Nɔ́ nɛ adesa nyɛ we peemi ɔ, Mawu lɛɛ e nyɛɔ peeɔ.”

Luka 1:37

Ejakaa Mawu lɛɛ nɔ́ ko nɔ́ ko be nɛ e be nyɛe maa pee.”

Mateo 21:21

Yesu he nɔ ke, “Niinɛ, i ngɛ nyɛ dee ke, ke nyɛ ngɛ hemi kɛ yemi nɛ nyɛ ji nɔ́ ɔ, pi nɔ́ nɛ a pee ngmɔkɔ tso nɛ ɔ kɛkɛ nɛ nyɛ ma nyɛ pee. Ke nyɛ de yo nɛ ɔ tete po ke, ‘Hiaa, nɛ o ya nɔ wo mi ɔ,’ e maa ba mi ja.

Marko 9:23

Yesu de lɛ ke, “O ngɛ dee ke, Ke o ma nyɛ, pi jã a? A ma nyɛ pee nɔ́ tsuaa nɔ́ ha nɔ nɛ heɔ yeɔ ɔ!”

1 Korintobi 13:2

Ke a dloo mi he wami nɛ a kɛ fiɛɔ Mawu sɛ gbi ɔ, ke i le nɔ́ tsuaa nɔ́, nɛ i nuɔ laami sanehi tsuo a sisi, ke i ngɛ hemi kɛ yemi nɛ nya wa ngɛ Mawu mi, nɛ ma nyɛ ma hia yohi, se i be suɔmi ɔ, ye he be se nami ko kulaa.

Mateo 13:31

Yesu bu mɛ abɛ kpa ke, “Hiɔwe matsɛ yemi ɔ ngɛ kaa kikɛ nɛ ɔ: Nyumu ko kɛ̃ sinapi wu, nɛ e ya du ngɛ e ngmɔ mi.

Yohane 11:40

Yesu de lɛ ke, “Anɛ i de we mo ke, ke o he ye ɔ, o maa na Mawu hɛ mi nyami ɔ lo?”

Marko 4:31

E ngɛ kaa nɔ ko nɛ ngɔ wu nyafii pe kulaa ngɛ je ɔ mi ya du.

Hebribi 3:19

Lɔ ɔ he ɔ, wa naa kaa a nyɛ we nɛ a ya su lejɛ ɔ; ejakaa a he we Mawu yi.

Mateo 17:17

Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

1 Korintobi 12:9

Mumi kake too ɔ haa nɔ ko hemi kɛ yemi, nɛ e haa nɔ kpa he wami nɛ e kɛ tsaa hiɔ.

Mateo 17:9

Benɛ a ngɛ yo ɔ kplee ɔ. Yesu ka mɛ kita ke, “Nyɛ ko sɛɛ nina nɛ ɔ he ní ha nɔ ko kɛ yaa si a ma tle Nɔmlɔ Bi ɔ si kɛ je gbeje.”

Mateo 8:26

Yesu de mɛ ke, “Mɛni he je nyɛ ngɛ gbeye yee? Tsia! Nyɛ be hemi kɛ yemi pɛ!” Jehanɛ ɔ, e te da si, nɛ e nga kɔɔhiɔ ɔ, kɛ wo ɔ tsuo yi, nɛ lejɛ ɔ jɔ dii.

Mateo 17:19

Kɛkɛ nɛ Yesu kaseli ɔmɛ ba e ngɔ nigii, nɛ a ba bi lɛ ke, “Mɛni he je nɛ wɔɔ lɛɛ wa nyɛ we nɛ waa hia mumi yayami ɔ?”

Marko 11:22

Yesu he nɔ ke, “Nyɛ he Mawu ye!

Mateo 14:29

Yesu de lɛ ke, “Ba!” Kɛkɛ nɛ Petro je lɛ ɔ mi, nɛ e nyɛɛ nyu ɔ hɛ mi kɛ yaa Yesu ngɔ.