Mateo 17:17 - BAIBLO ALOO NGMAMI KLƆUKLƆU Ɔ

¹⁷ Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

Somi He Ɔ

¹⁷ Se Yesu he nɔ nɛ e ke: “Oo yi nɔ bi nɛ he we yi nɛ be a hanɔ! Mɛni be i kɛ nyɛ maa hi si kɛ ya su? Mɛni be nɔuu ma to ye tsui si ha nyɛ kɛ ya su? Nyɛɛ kɛ lɛ nɛ ba ye ngɔ ngɛ hiɛ ɔ.”

Mateo 17:17 ပူးပေါင်းရင်းမြစ်များ

La 95:10

I ná yi nɔ bi nɛ ɔmɛ a he abofu jeha nyingmi eywiɛ sɔuu. I de ke, ‘Nimli nɛ ɔmɛ je ye se; a kua ye mlaa amɛ a nɔ yemi’

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Mose II, 16:28

Nɛ Yawɛ de Mose ke, “Kɛ yaa si mɛni be nɛ nyɛ maa ya nɔ ma gbo mi tue nɛ nyɛ ma kua ye mlaa amɛ a nɔ yemi?

Abɛ Womi 1:22

“Kuasiahi! Mɛni be nyɛ maa biɛ kɛ yaa si? Fɛu yeli! Mɛni be nyɛ maa ye fɛu kɛ yaa si? Anɛ nyɛ be ní kasee?

Abɛ Womi 6:9

Mɛni be mo hejɔtsɛ o maa hwɔ si kɛ yaa si? Mɛni be po o maa te si?

Yesaya 19:14

Yawɛ ha a juɛmi tsaka, nɛ a woɔ ga yaya. Lɔ ɔ he ɔ, yayami sɔuu Egipt ngɛ pee. Ma a mi bi ɔmɛ ngɛ si tataae kaa dã tɔlɔ ko nɛ ngɛ si nɔe ngɛ lɛ nitsɛ e vie mi.

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Mose IV, 14:11

Yawɛ bi Mose ke, “Kɛ yaa si mɛni be ma nɛ ɔ ma kua mi? Kɛ yaa si mɛni be loko a ma he mi maa ye ngɛ okadihi babauu nɛ i pee ngɛ a kpɛti ɔ he?

Mose IV, 14:27

“Mɛni be ma yiwutsotsɛmɛ nɛ ɔmɛ maa hɔɔ nya si kɛ wo mi kɛ yaa si? Munyu huitihuiti nɛ Israel ma a ngɛ tue kɛ ngɛ mi sie ɔ, i nu.

Mateo 13:58

Akɛnɛ a he we lɛ yi he je ɔ, e tsu we nyakpɛ ní fuu ngɛ lejɛ ɔ.

Mateo 16:8

Yesu le nɔ́ nɛ a ngɛ dee ɔ, lɔ ɔ he ɔ, e bi mɛ ke, “Mɛni he je nyɛ ngɛ ní sɛɛe ngɛ niye ní nɛ nyɛ hɛɛ we he ɔ? Nyɛ hemi kɛ yemi pi pɛ!

Mateo 17:16

I ngɔ lɛ kɛ ba o kaseli ɔmɛ a ngɔ, se a nyɛ we nɛ a tsa lɛ.”

Mateo 17:18

Yesu nga mumi yayami ɔ yi nɛ e je e mi, nɛ a tsa lɛ jamɛ a ngmlɛfia a nɔuu.

Mateo 6:30

Nga, nɛ mwɔnɛ ɔ e bɔ, nɛ hwɔɔ kɛkɛ a sake kɛ fɔ la mi ɔ, hyɛ bɔ nɛ Mawu mia lɛ saminyayoo ha! Anɛ Mawu be nyɛe nɛ e pee enɛ ɔ kɛ be nɔ ha nyɛ lo! Oo, nyɛ hemi kɛ yemi pi saasaa!

Mateo 8:26

Yesu de mɛ ke, “Mɛni he je nyɛ ngɛ gbeye yee? Tsia! Nyɛ be hemi kɛ yemi pɛ!” Jehanɛ ɔ, e te da si, nɛ e nga kɔɔhiɔ ɔ, kɛ wo ɔ tsuo yi, nɛ lejɛ ɔ jɔ dii.

Marko 16:14

Pee se ɔ, Yesu je e he kpo tsɔɔ ni nyɔngma kɛ kake ɔmɛ nitsɛmɛ benɛ a hii si nɛ a ngɛ ní yee. E ka a hɛ mi, ejakaa nihi nɛ na lɛ benɛ e te si ɔ, a he we mɛ yi, nɛ a wa tue hulɔ.

Marko 9:19

Yesu de mɛ ke, “Nyɛ yi nɔ nɛ ɔ bi nɛ nyɛ he we Mawu yi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ ya su? Nyɛɛ ngɔ jokuɛ nyumuyo ɔ kɛ ba ye ngɔ.”

Luka 24:25

Kɛkɛ nɛ Yesu de mɛ ke, “Kuasiahi nɛ nyɛ sume kaa nyɛ ma he níhi tsuo nɛ gbali ɔmɛ de ɔ maa ye!

Luka 9:41

Yesu he nɔ nɛ e de ke, “Oo yi nɔ bi nɛ be hemi kɛ yemi nɛ a kplɛɛ we tsakemi, mɛni be i kɛ nyɛ maa hi si kɛ yaa si?” Kɛkɛ nɛ e de nyumu ɔ ke, “O kɛ o bi ɔ nɛ ba hiɛ ɔ!”

Yohane 20:27

Jehanɛ, e de Toma ke, “Ngɔɔ o nine nguɛ ba slaa ye dɛ mi nɛ o hyɛ; nɛ o kɛ o nine ba hɔ ye kasa mi. Kpa nɔ jemi, nɛ o he ye!”

Ni Tsumi 13:18

E to e tsui si ha mɛ, nɛ e hyɛ a nɔ ngɛ nga a nɔ maa pee jeha nyingmi eywiɛ.

Ni Tsumi 2:40

Petro tu munyu kpahi fuu kɛ ye odase, nɛ e kɛ wo mɛ ga ke, “Tue gblami nɛ yi nɔ nɛ ɔ bi yayami peeli ma na a, nyɛɛ hyɛ saminya nɛ e kó ba nyɛ nɔ.”

2 Korintobi 11:1

I na nɛ jinɛ nyɛ na tsui ha mi, ke ji kaa i ngɛ kuasia jee po. Ee, nyɛɛ na ha mi!

Mose V, 32:5

Se nyɛɛ lɛɛ, nyɛ yi nyɛ siwo nɔ, nɛ nyɛ sɛ kulaa kaa nyɛ peeɔ e ma. Ma nɛ peeɔ yayami, nɛ sisiɔ nɔ ji nyɛ.