Mateo 16:28 - BAIBLO ALOO NGMAMI KLƆUKLƆU Ɔ

²⁸ Niinɛ, i ngɛ nyɛ dee ke ni komɛ daa si ngɛ hiɛ ɔ nɛ mɛɛ lɛɛ a be gboe kɛ yaa su be nɛ a maa na Nɔmlɔ Bi ɔ nɛ ma kaa matsɛ.”

Somi He Ɔ

²⁸ Niinɛ, i ngɛ nyɛ dee ke: Ni kome ngɛ nihi nɛ daa si ngɛ hiɛ ɔ nɛ ɔ a kpɛti nɛ a be gboe kɛ yaa su be nɛ a maa na Nɔmlɔ Bi ɔ nɛ e ma ngɛ e matsɛ yemi ɔ mi.”

Mateo 16:28 ပူးပေါင်းရင်းမြစ်များ

Mateo 10:23

Ke a ngɛ nyɛ yi mi wae ngɛ ma ko mi ɔ, nyɛɛ tu fo kɛ ya ma kpa mi. Niinɛ, i ngɛ nyɛ dee ke nyɛ be nyɛ ní tsumi ɔ nya gbee ngɛ Israel ma amɛ tsuo a mi, loko Nɔmlɔ Bi ɔ maa ba.

Mateo 16:13

Benɛ Yesu ba Kaisarea Filipi kpokpa a nɔ ɔ, e bi e kaseli ɔmɛ ke, “Mɛnɔ nihi deɔ ke Nɔmlɔ Bi ɔ ji?”

Mateo 24:3

Benɛ Yesu hii si ngɛ Oliv yo ɔ yi mi ɔ, e kaseli ɔmɛ ba e ngɔ ngɛ laami mi ba bi lɛ ke, “Mɛni be ní nɛ ɔmɛ tsuo maa ba mi? Mɛni okadi maa tsɔɔ o bami be, kɛ je nɛ ɔ nyagbe be?”

Mateo 24:34

Niinɛ, i ngɛ nyɛ dee ke, kikɛmɛ a yi nɔ nɛ ɔ be bee, ja ní nɛ ɔmɛ tsuo ba mi lolo.

Mateo 24:42

“Lɔ ɔ he ɔ, nyɛ hɛ nɛ hi nyɛ he nɔ; ejakaa nyɛ li ligbi ɔ nɛ nyɛ Nyɔmtsɛ ɔ ma.

Mateo 26:64

Yesu de lɛ ke, “Ja o de ɔ nɛ! Se i ngɛ nyɛ dee ke, kɛ je be nɛ ɔ kɛ yaa a, nyɛ maa na Nɔmlɔ Bi ɔ nɛ hii si ngɛ Ope ɔ hiɔ nɔ, nɛ e ma ngɛ hiɔwe bɔku ɔmɛ a mi!”

Mateo 8:20

Yesu de lɛ ke, “Kɔkɔbohi ngɛ muɔ, nɛ lohwe pɛlitsɛmɛ ngɛ tsu, se Nɔmlɔ Bi ɔ lɛɛ e be he ko nɛ e kɛ e yi fɔɔ.”

Marko 13:26

Kɛkɛ ɔ, a maa na Nɔmlɔ Bi ɔ kaa e ma ngɛ bɔku mi kɛ he wami nguaa, kɛ hɛ mi nyami.

Marko 8:38

Nɔ tsuaa nɔ nɛ imi, kɛ ye munyu ɔ, wa he peeɔ lɛ zo ngɛ yi nɔ nɛ ɔ bi gba puɛli, kɛ yayami peeli nɛ ɔmɛ a kpɛti ɔ, lɛ hu e he maa pee Nɔmlɔ Bi ɔ zo be mi nɛ e maa ba ngɛ e Tsɛ nyami ɔ mi, kɛ e bɔfo klɔuklɔu ɔmɛ.”

Marko 9:1

E de mɛ hulɔ ke, “Niinɛ i ngɛ nyɛ dee ke ni komɛ ngɛ nihi nɛ daa si ngɛ hiɛmɛ nɛ ɔ a kpɛti nɛ a be gboe kɛ yaa su be nɛ a maa na kaa Mawu matsɛ yemi ɔ ba kɛ he wami.”

Luka 18:8

Dɛbi, i ngɛ nyɛ dee ke, e maa ye a sane ɔ ha mɛ nɔuu. Se ke Nɔmlɔ Bi ɔ kpale kɛ ba a, anɛ e ma ba na nihi ngɛ je ɔ mi nɛ ngɛ hemi kɛ yemi lo?”

Luka 2:26

Mumi Klɔuklɔu ɔ je tsɔɔ lɛ ke e be gboe kɛ yaa si e maa na Nyɔmtsɛ ɔ Kristo ɔ.

Luka 9:27

I ngɛ nyɛ dee anɔkuale mi ke, ni komɛ ngɛ nihi nɛ daa si ngɛ hiɛ ɔ a kpɛti nɛ a be gboe, kɛ yaa su be nɛ Mawu matsɛ yemi ɔ maa ba.”

Yohane 21:22

Yesu de lɛ ke, “Ke i suɔ kaa e hi si kɛ yaa su be nɛ ma kpale kɛ ba a, mɛni lɔ ɔ kɔɔ ngɛ o he? Moo lɛɛ nyɛɛ ye se!”

Yohane 8:51

I ngɛ nyɛ dee anɔkuale mi ke nɔ tsuaa nɔ nɛ buu ye tsɔɔmi ɔ tue ɔ, e be gboe gblegbleegble.”

Yohane 8:52

Yuda bi ɔmɛ de lɛ ke, “Jehanɛ lɛɛ wa ná nɔ mi mami kaa mumi yayami ngɛ o mi. Abraham gbo, nɛ gbali ɔmɛ hu gbo, se moo lɛɛ o ngɛ dee ke nɔ tsuaa nɔ nɛ buu o tsɔɔmi tue ɔ be gboe gblegbleegble.

Ni Tsumi 1:11

Nyumu ɔmɛ bi ke, “Nyɛ Galilea bi mɛni he je nyɛ daa si ngɛ kɔɔhiɔ mi hyɛe kikɛ nɛ ɔ? Yesu ɔ nɛ a ngɔ kɛ ho hiɔwe ya nɛ ɔ, e maa kpale kɛ ba ja nɔuu kaa bɔ nɛ nyɛ na lɛ nɛ e yaa a.”

1 Korintobi 15:23

Se Mawu ma tle nɔ tsuaa nɔ si ngɛ be nɛ sa mi. Kekleekle nɔ ji Kristo, nɛ lɔ ɔ se ke Kristo ma a, a ma tle e we bi ɔmɛ hu si.

1 Tesalonikabi 1:10

Mawu Bi Yesu ɔ nɛ Mawu tle lɛ si kɛ je gbeje ɔ, a tsɔɔ kaa nyɛ ngɛ lɛ blɔ hyɛe kaa e maa je hiɔwe kɛ ba ekohu. Lɛ ji nɔ nɛ ma je wɔ kɛ je tue gblami nɛ ma a mi.

Hebribi 2:9

Se Yesu lɛɛ wa na kaa gbenɔ mi amanehlu ɔ nɛ e na a ha nɛ a kɛ hɛ mi nyami kɛ bu fi lɛ jlasi. Nɛ Mawu bɔ lɛ ɔ, nɔ́ ko bɔɔ pɛ e ha bɔfo ɔmɛ kɛ pe lɛ. Mawu pee lɛ jã, konɛ lɛ Mawu ɔ dloomi ɔ nya a, Yesu nɛ ba gbo kɛ ha nihi tsuo.

Yakobo 5:7

Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.

2 Petro 1:16

Nɛ wa fiɛ tsɔɔ nyɛ ke wa Nyɔmtsɛ Yesu Kristo maa ba ekohu kɛ he wami kpetekpleenyɛ ɔ, pi sanehi nɛ a po de nɔ nɛ wa da. Se wa na e he wami kpetekpleenyɛ ɔ kɛ wɔ nitsɛmɛ wa hɛngmɛ.

1 Yohane 2:28

Ye bimɛ tsɔwi, nyɛɛ ya nɔ nɛ nyɛɛ hi Kristo mi, bɔ nɛ pee nɛ ke e je e he kpo ɔ, wa nɔ gbagba nɛ te. Kɛkɛ ɔ, ligbi ɔ nɛ e maa ba a, zo be wɔ gbee ngɛ e hɛ mi.