Mateo 16:24 - BAIBLO ALOO NGMAMI KLƆUKLƆU Ɔ

²⁴ Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Somi He Ɔ

²⁴ Kɛkɛ nɛ Yesu de e kaseli ɔmɛ ke: “Ke nɔ ko suɔ kaa e nyɛɛ ye se ɔ, e kua e he nɛ e wo e sɛumi tso ɔ nɛ e nyɛɛ ye se?

Mateo 16:24 ပူးပေါင်းရင်းမြစ်များ

Mateo 10:38

Nɔ tsuaa nɔ nɛ wo we e sɛumi tso kɛ nyɛɛ we ye se ɔ, e sɛ kaa e ba peeɔ ye kaselɔ.

Mateo 27:32

Benɛ a je ma a mi kɛ yaa a, a na nyumu ko nɛ je Kirene ma a mi, nɛ a tsɛɛ lɛ Simon. Ta buli ɔmɛ nyɛ e nɔ ke e wo Yesu sɛumi tso ɔ.

Marko 10:21

Yesu hyɛ lɛ too nɛ e suɔ lɛ, lɔ ɔ he ɔ, e de lɛ ke, “E piɛ mo nɔ kake. Yaa nɛ o ya jua níhi tsuo nɛ o ngɛ ɔ, nɛ o dla sika a ha ohiatsɛmɛ, nɛ o ba nyɛɛ ye se.”

Marko 15:21

Simon, Kirene no nɛ ji Aleksandro kɛ Rufo a tsɛ ɔ je ngmɔ si kɛ bee jamɛ a be ɔ mi. Ta buli ɔmɛ nyɛ nyumu nɛ ɔ nɔ ke e wo Yesu sɛumi tso ɔ.

Marko 8:34

Jehanɛ Yesu tsɛ ni kpekpemi ɔ, kɛ e kaseli ɔmɛ hu kɛ ba e ngɔ, nɛ e de mɛ ke, “Ke nɔ ko suɔ kaa e nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Luka 14:27

Nɔ tsuaa nɔ nɛ ngɔɛ lɛ nitsɛ e sɛumi tso ngɔ fɔɛ e konɔ kɛ ba nyɛɛ ye se ɔ, e be nyɛe maa pee ye kaselɔ.

Luka 23:26

Benɛ Roma ta buli ɔmɛ ngɔ Yesu kɛ yaa a, a kɛ Kirene no ko kpe nɛ je ngmɔ si kɛ ma ma a mi. E biɛ ji Simon. A nu lɛ, nɛ a wo sɛumi tso ɔ ngɔ tloo lɛ, nɛ e kɛ nyɛɛ Yesu se.

Yohane 19:17

nɛ lɛ nitsɛ e tloo e sɛumi tso ɔ kɛ je ma a mi kɛ ya he nɛ a tsɛɛ “Yikoklodonya”, nɛ Hebri mi ɔ a tsɛɛ lɛ “Golgata” a.

Yohane 21:19

Yesu de enɛ ɔ kɛ tsɔɔ bɔ nɛ Petro ma gbo kɛ wo Mawu hɛ mi nyami. Jehanɛ e de Petro ke, “Nyɛɛ ye se.”

Yohane 21:22

Yesu de lɛ ke, “Ke i suɔ kaa e hi si kɛ yaa su be nɛ ma kpale kɛ ba a, mɛni lɔ ɔ kɔɔ ngɛ o he? Moo lɛɛ nyɛɛ ye se!”

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

Kolosebi 1:24

Amlɔ nɛ ɔ, e peeɔ mi bua jɔmi kaa nyɛ he ɔ, i ngɛ nɔ́ nae, konɛ nɔ́ nɛ piɛ ngɛ dengme nɛ Kristo ba gbo ngɛ asafo ɔ nɛ ji e nɔmlɔ tso ɔ he ɔ, ma gbe nya ngɛ ye he lo nɛ ɔ mi.

1 Tesalonikabi 3:3

bɔ nɛ pee nɛ amanehlu nɛ ngɛ bae ɔ ko wo nyɛ ti nɔ ko he gbeye. Nyɛ nitsɛmɛ nyɛ le kaa nɔ́ nɛ Mawu to kɛ ha wɔ ji lɔ ɔ nɛ.

2 Timoteo 3:12

Niinɛ, nɔ tsuaa nɔ nɛ hlaa kaa e pee e he Mawu jalɔ nɛ le Kristo Yesu ɔ, a maa wa lɛ yi mi.

1 Petro 2:21

Enɛ ɔ he Mawu tsɛ nyɛ ɔ nɛ. Ejakaa Kristo nitsɛ na amanehlu, nɛ e kɛ lɔ ɔ pee nɔ hyɛmi nɔ́ ha nyɛ, konɛ nyɛɛ nyɛɛ e se.