Mateo 16:21 - BAIBLO ALOO NGMAMI KLƆUKLƆU Ɔ

²¹ Kɛ je jamɛ a be ɔ, Yesu bɔni e kaseli ɔmɛ demi paa ke ja e ya Yerusalem, nɛ e ya na amanehlu babauu ngɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa gbe lɛ, se ligbi etɛ se ɔ, Mawu ma tle lɛ si kɛ ba wami mi ekohu.

Somi He Ɔ

²¹ Kɛ je jamɛ a be ɔ, nɛ Yesu bɔni e kaseli ɔmɛ tsɔɔmi kaa ja e ya Yerusalem nɛ e ya na amanehlu babauu ngɛ nikɔtɔma amɛ kɛ osɔfo nikɔtɔma amɛ kɛ mlaa tsɔɔli ɔmɛ a dɛ mi, nɛ a gbe lɛ, nɛ ligbi nɛ ji ligbi etɛ ɔ nɛ a tle lɛ si ekohu.

Mateo 16:21 ပူးပေါင်းရင်းမြစ်များ

Mateo 12:40

Bɔ nɛ Yona ye nyɔ kɛ pia ligbi etɛ ngɛ wo mi lo nguaa a muklii mi ɔ, jã Nɔmlɔ Bi ɔ maa ye nyɔ kɛ pia ligbi etɛ ngɛ zu mi.

Mateo 16:22

Petro tsɛ lɛ kɛ ya se, nɛ e bɔni e hɛ mi kami ke, “Nyɔmtsɛ, enɛ ɔ ya je ngɛ se lokoo! Mawu ko ha nɛ nɔ́ nɛ ɔ nɛ ba o nɔ kɔkɔɔkɔ!”

Mateo 16:28

Niinɛ, i ngɛ nyɛ dee ke ni komɛ daa si ngɛ hiɛ ɔ nɛ mɛɛ lɛɛ a be gboe kɛ yaa su be nɛ a maa na Nɔmlɔ Bi ɔ nɛ ma kaa matsɛ.”

Mateo 17:12

Se i ngɛ nyɛ dee ke Eliya ba momo, se nihi li lɛ, nɛ a pee lɛ nɔ́ tsuaa nɔ́ nɛ a suɔ. Ja nɔuu Nɔmlɔ Bi ɔ hu maa na amanehlu ngɛ a dɛ mi.”

Mateo 17:9

Benɛ a ngɛ yo ɔ kplee ɔ. Yesu ka mɛ kita ke, “Nyɛ ko sɛɛ nina nɛ ɔ he ní ha nɔ ko kɛ yaa si a ma tle Nɔmlɔ Bi ɔ si kɛ je gbeje.”

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Mateo 26:2

“Kaa bɔ nɛ nyɛ le ɔ, e piɛ ligbi enyɔ pɛ nɛ a maa ye Hetsɔmi ɔ, nɛ a maa ngɔ Nɔmlɔ Bi ɔ ngɔ ha nɛ a ya sɛu lɛ.”

Mateo 26:47

Benɛ Yesu ngɛ munyu ɔ tue kɛ mwɔɔ ɔ, Yuda, ni nyɔngma kɛ enyɔ ɔmɛ a kpɛti nɔ kake ɔ ba hia kpo kɛ nihi babauu ngɛ e se; nɛ a hɛɛ klaatehi kɛ tso kpotihi. Nimli nɛ ɔmɛ ɔ, osɔfo nikɔtɔma amɛ; kɛ ma nimeli ɔmɛ nɛ tsɔ mɛ.

Mateo 27:12

Se benɛ osɔfo nikɔtɔma amɛ, kɛ ma nimeli ɔmɛ ngɛ e nya poe, e je we nya.

Mateo 27:63

A de lɛ ke, “Nyɔmtsɛ, wa kai kaa benɛ jamɛ a sisilɔ ɔ ngɛ je mi kɛ mwɔɔ ɔ, e de ke, ‘Ligbi etɛ se ɔ, ma te si ekohu.’

Mateo 28:6

E be hiɛ ɔ; e te si kɛ je gbeje kaa bɔ nɛ e de ɔ pɛpɛɛpɛ. Nyɛɛ ba nɛ nyɛ ba hyɛ he nɛ a kɛ lɛ fɔ ɔ.

Marko 8:31

Jehanɛ Yesu bɔni e kaseli ɔmɛ ní tsɔɔmi ke, “Ja Nɔmlɔ Bi ɔ na amanehlu babauu, nɛ́ ma nimeli ɔmɛ, osɔfo nikɔtɔma amɛ, kɛ mlaa tsɔɔli ɔmɛ kua lɛ. A maa gbe lɛ, nɛ ligbi etɛ se ɔ, e maa te si ekohu.”

Marko 9:12

E ha mɛ heto ke, “Niinɛ, Eliya maa sɛ hlami kɛ ba nɛ e ba to níhi tsuo blɔ nɔ ekohu. Se mɛni he je a ngma ngɛ Nɔmlɔ Bi ɔ he ke e maa na amanehlu babauu, nɛ a maa ngɔ lɛ kaa nɔ ko nɛ a bui lɛ ɔ?

Luka 17:25

Se kekleekle ɔ, ja e na amanehlu babauu, nɛ kikɛmɛ a yi nɔ bi nɛ ɔmɛ kua lɛ.

Luka 24:46

E de mɛ ke, “Bɔ nɛ a ngma ji kaa ja a gbe Kristo ɔ, nɛ e te si kɛ je gbeje ligbi etɛ se.

Luka 9:31

A ba kɛ hɛ mi nyami, nɛ a kɛ Yesu ba tu munyu nɛ kɔɔ gbenɔ nɛ e yaa gbo ngɛ Yerusalem ɔ he.