Mateo 16:20 - BAIBLO ALOO NGMAMI KLƆUKLƆU Ɔ

²⁰ Kɛkɛ nɛ Yesu ka e kaseli ɔmɛ kita ke a ko de nɔ ko nɔ ko ke lɛ ji Kristo ɔ.

Somi He Ɔ

²⁰ Kɛkɛ nɛ e wo e kaseli ɔmɛ si veveeve ke a ko de nɔ ko ke lɛ ji Yesu, Kristo ɔ.

Mateo 16:20 ပူးပေါင်းရင်းမြစ်များ

Marko 8:30

Kɛkɛ nɛ Yesu de mɛ veveeve ke, “Nyɛ ko sɛɛ sane nɛ ɔ ha nɔ ko nɔ ko.”

Luka 9:21

Kɛkɛ nɛ Yesu bɔ mɛ kɔkɔ ke a ko ya de nɔ ko nɔ ko.

Yohane 1:41

E kɛ we kulaa nɛ Andrea kɛ e nyɛmi Simon ba kpe. Andrea de Simon ke, “Wa na Mesia a.” (Mesia sisi ji Kristo).

Mateo 17:9

Benɛ a ngɛ yo ɔ kplee ɔ. Yesu ka mɛ kita ke, “Nyɛ ko sɛɛ nina nɛ ɔ he ní ha nɔ ko kɛ yaa si a ma tle Nɔmlɔ Bi ɔ si kɛ je gbeje.”

Luka 9:36

Benɛ munyu ɔ se po ɔ, Yesu nɔ kake too lɛ daa si ngɛ lejɛ ɔ. Kaseli ɔmɛ ma a nya ngɔ to nɔ́ nɛ a na nɛ ɔ nɔ, nɛ a kɛ nɔ ko nɔ ko sɛɛ we he ní jamɛ a be ɔ mi.

Mateo 8:4

Kɛkɛ nɛ Yesu de lɛ ke, “Hyɛ, ko ya de nɔ ko nɔ́ ko oo! Se mohu yaa nɛ o kɛ o he ya tsɔɔ osɔfo ɔ, nɛ e hyɛ mo. Lɔ ɔ se ɔ, bɔ nɛ pee nɛ nihi tsuo nɛ a na kaa a tsa mo ɔ, yaa sã bɔ kaa bɔ nɛ Mose wo mlaa ke a pee ɔ.”

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ; nɛ nɔ tsuaa nɔ nɛ suɔ nɔ ko tsɛ ɔ, e suɔ nɔ ɔ bi hulɔ.

1 Yohane 2:22

Lɛɛ mɛnɔ ji lakpatsɛ? Ee, nɔ tsuaa nɔ nɛ deɔ ke pi Yesu ji Kristo ɔ, lɛ ji lakpatsɛ ɔ nɛ. Kikɛmɛ a nɔmlɔ nɛ ɔ ji Kristo he nyɛlɔ ɔ nɛ; e kua Tsɛ ɔ, kɛ Bi ɔ tsuo.

Ni Tsumi 2:36

“Lɔ ɔ he ɔ, Israel bi tsuo nɛ́ a na nɛ a le kaa Yesu ɔ nɛ nyɛ sɛu ɔ, Mawu ngɔ lɛ ngɔ pee Nyɔmtsɛ, kɛ nɔ nɛ lɛ nitsɛ e hla!”

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

Yohane 1:45

Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Marko 9:9

Benɛ a ngɛ yo ɔ kplee ɔ, Yesu de mɛ veveeve ke, “Nyɛ ko sɛɛ níhi nɛ nyɛ na a ha nɔ ko, ja Nɔmlɔ Bi ɔ te si kɛ je gbeje lolo.”

Mateo 1:16

Yakob fɔ Yosef nɛ ji Yesu nɛ a tsɛɛ nyɛ Maria huno ɔ. Kristo ɔ.

Mateo 16:16

Simon Petro he nɔ ke, “Mo ji Kristo ɔ, Mawu hɛ kalɔ ɔ Bi ɔ.”

Luka 2:11

Mwɔnɛ ligbi nɛ ɔ, a fɔ nyɛ yi wami helɔ, Nyɔmtsɛ Kristo ɔ ngɛ David ma a mi!

Yohane 11:27

Marta he nɔ ke, “Ee Nyɔmtsɛ, i heɔ yeɔ kaa mo ji Kristo ɔ nɛ! Mo ji Mawu Bi ɔ nɛ ma je ɔ mi ɔ nɛ.”