Mateo 16:19 - BAIBLO ALOO NGMAMI KLƆUKLƆU Ɔ

¹⁹ Ma ngɔ hiɔwe matsɛ yemi ɔ nya safe ɔmɛ ngɔ ha mo. Nɔ́ tsuaa nɔ́ nɛ o maa tsi nya ngɛ zugba a nɔ ɔ, a maa tsi nya ngɛ hiɔwe; nɛ nɔ́ tsuaa nɔ́ nɛ o maa ngmɛ blɔ ke a pee ngɛ zugba a nɔ ɔ, a maa ngmɛ blɔ ngɛ hiɔwe.”

Somi He Ɔ

¹⁹ Nɛ ma ngɔ hiɔwe matsɛ yemi ɔ nya safe ɔmɛ ngɔ ha mo; nɛ nɔ́ tsuaa nɔ́ nɛ o maa fi ngɛ zugba a nɔ ɔ, a maa fi ngɛ hiɔwe; nɛ nɔ́ tsuaa nɔ́ nɛ o maa pɛne ngɛ zugba a nɔ ɔ, a maa pɛne ngɛ hiɔwe.”

Mateo 16:19 ပူးပေါင်းရင်းမြစ်များ

Mateo 18:18

“Lɔ ɔ he ɔ, i ngɛ nyɛ dee ke, nɔ́ tsuaa nɔ́ nɛ nyɛ maa tsi nya ngɛ zugba a nɔ ɔ, a maa tsi nya ngɛ hiɔwe, nɛ nɔ́ tsuaa nɔ́ nɛ nyɛ maa ngmɛ blɔ ngɛ zugba a nɔ ɔ, a maa ngmɛ blɔ ngɛ hiɔwe.

Yesaya 22:22

He wami blɔ nya nɛ Matsɛ David sɛ ɔ hɛɛ ɔ, ma ngɔ kɛ ha lɛ. He wami blɔ nya nɛ ɔ ngɛ kaa safe ko. Ke e bli ɔ, nɔ ko nɔ ko be nɛ ma nga, nɛ ke e nga a, nɔ ko nɔ ko be nɛ ma bli.

Kpojemi 1:18

Imi ji hɛ kalɔ ɔ! I gbo, se hyɛ, ye hɛ ngɛ kɛ yaa neneene. I ngɛ gbenɔ kɛ gbeje a nya safe.

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.

Yohane 20:23

Ke nyɛ ngɔ nɔ ko he yayami kɛ pa lɛ ɔ, a kɛ pa; nɛ ke nyɛ ngɔ nɔ ko he yayami kɛ to ɔ, a ngɔ to.”

Kpojemi 11:6

Mawu ha mɛ he wami nɛ a ma nyɛ nga hiɔwe nya nɛ hiɔmi be nɛe be mi nɛ a ngɛ gbae ɔ. A ngɛ he wami ngɛ nyu nɔ kaa a ma ha nɛ nyu nɛ plɛ pee muɔ; a ngɛ he wami hulɔ kaa a kɛ gbenɔ hiɔ slɔɔtohi baa zugba a nɔ si abɔ nɛ a suɔ.

2 Korintobi 2:10

Ke nyɛɛ kɛ nɔ ko he yayami pa lɛ ɔ, kɛkɛ imi hu i kɛ pa lɛ. Ke e hia kaa ma ngɔ nɔ ko he yayami kɛ pa lɛ ɔ, nyɛ he ɔ, i ngɔɔ kɛ paa lɛ; ejakaa i le kaa nɔ́ nɛ i ngɛ pee ɔ, Kristo ngɛ hyɛe.

Kpojemi 9:1

Jehanɛ ɔ, bɔfo enuɔne ɔ kpa e titimati ɔ, nɛ i na dodoe ko nɛ je hiɔwe ba nɔ zugba, nɛ a ha lɛ muɔ voo ɔ nya safe ɔ.

1 Tesalonikabi 4:8

Lɔ ɔ he ɔ, nɔ tsuaa nɔ nɛ bui tsɔɔmi nɛ ɔ, pi nɔmlɔ adesa nɛ e bui, se mohu Mawu, nɔ nɛ ha nyɛ e Mumi Klɔuklɔu ɔ.

Ni Tsumi 15:7

Benɛ a sã nya hluu ɔ, Petro te da si, nɛ e de mɛ ke, “Ye nyɛmimɛ, nyɛ nitsɛmɛ nyɛ le kaa be saii ji nɛ ɔ nɛ Mawu hla mi ngɛ nyɛ kpɛti kaa ma fiɛ sane kpakpa a ngɔ tsɔɔ ma je li ɔmɛ, konɛ mɛ hu a he ye.