Mateo 15:6 - BAIBLO ALOO NGMAMI KLƆUKLƆU Ɔ

⁶ Kikɛ nɛ ɔ nyɛ peeɔ, nɛ nyɛ siɔ Mawu mlaa a, nɛ nyɛ ya nyɛɛɔ nyɛ nitsɛmɛ nyɛ kusumihi a se.

Somi He Ɔ

⁶ Nɛ nyɛ blema kɔ ɔmɛ a he ɔ, nyɛ kua Mawu kita a.

Mateo 15:6 ပူးပေါင်းရင်းမြစ်များ

La 119:126

Yawɛ, nihi ngɛ o mlaa a tɔ̃e; be su nɛ o maa pee he nɔ́ ko.

La 119:139

Ye mi mi ngɛ mi sããe kaa la, ejakaa ye he nyɛli ɔmɛ bui o mlaa amɛ.

Yeremia 8:8

Kɛ peeɔ kɛɛ nɛ nyɛ deɔ ke ní leli ji nyɛ, nɛ nyɛ le ye mlaa amɛ, be mi nɛ yakayaka womi ngmali tsake mlaa amɛ tsuo a hɛ mi kikɛ nɛ ɔ?

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Mateo 15:5

Se nyɛɛ lɛɛ nyɛ deɔ ke, nɔ tsuaa nɔ nɛ ma de e tsɛ, loo e nyɛ ke, ‘Nɔ́ ko nɛ jinɛ o ko ná ngɛ ye dɛ mi ɔ, i ngɔ kɛ ke Mawu’ ɔ, lɛɛ e hia we kaa e bu e tsɛ loo e nyɛ hu.

Mateo 15:7

Osatotsɛmɛ! Nɔ́ nɛ Yesaya gba ngɛ nyɛ he ɔ, anɔkuale sisiisi! Yesaya ngma ke,

Marko 7:13

Nyɛɛ kɛ nyɛ blema tsɔɔmi ɔmɛ nɛ nyɛ tsɔɔ ɔ gu Mawu munyu ɔ. Níhi babauu nɛ ngɛ kaa enɛ ɔmɛ nyɛ peeɔ.”

Romabi 3:31

Lɛɛ waa pɛtɛ hemi ke yemi he, nɛ waa ngmɛɛ mlaa a he lo? Pi ja kulaa! Mohu ɔ, wa gu hemi kɛ yemi nɔ kɛ ngɛ nɔ mi mae kaa mlaa a hi.

1 Timoteo 5:16

Se ke yo Kristo se nyɛɛlɔ ko ngɛ yalɔyihi nɛ peeɔ e weku li ɔ, e hyɛ a nɔ, nɛ e ko ngɔ tlomi ngɔ fɔ asafo ɔ nɔ. Yalɔyihi nɛ be nɔ ko nɛ maa hyɛ a nɔ ɔ, asafo ɔ nɛ bɔ a he mɔde.

1 Timoteo 5:8

Kristo se nyɛɛlɔ nɛ hyɛ we e nyɛmimɛ a nɔ, titli ɔ, lɛ nitsɛ e we mi bimɛ ɔ, blɔɔ e ngmɛɛ e hemi kɛ yemi ɔ he. Afani nɔ nɛ he we Kristo yi ngɛ kikɛmɛ a nɔmlɔ nɛ ɔ he.