Mateo 15:4 - BAIBLO ALOO NGMAMI KLƆUKLƆU Ɔ

⁴ Mawu wo mlaa ke, ‘Bu o tsɛ, kɛ o nyɛ,’ nɛ e de hu ke, ‘Nɔ tsuaa nɔ nɛ maa gbiɛ e tsɛ, loo e nyɛ ɔ, a gbe lɛ.’

Somi He Ɔ

⁴ Ejakaa Mawu ke: ‘Buu o tsɛ kɛ e nyɛ,’ nɛ: ‘Nɔ nɛ gbiɛɛ e tsɛ loo e nyɛ ɔ, a maa gbe lɛ!’

Mateo 15:4 ပူးပေါင်းရင်းမြစ်များ

Mose II, 20:12

“Moo bu o tsɛ kɛ o nyɛ, konɛ o se nɛ kɛ ngɛ zugba nɛ Yawɛ, o Mawu ɔ ngɔ ha mo ɔ nɔ.

Mose II, 21:17

“Nɔ tsuaa nɔ nɛ maa gbiɛ e tsɛ, loo e nyɛ ɔ, a gbe lɛ.

Abɛ Womi 20:20

Nɔ tsuaa nɔ nɛ gbiɛɛ e tsɛ, loo e nyɛ ɔ, e nyagbe baa tlukaa kaa kane nɛ a gbe ngɛ diblii kpii mi.

Abɛ Womi 23:22

Bu o tsɛ nɛ fɔ mo ɔ tue; nɛ ke o nyɛ bwɔ ɔ, koo gbe e he guɛ.

Abɛ Womi 30:17

Nɔ nɛ gbeɔ e tsɛ he guɛ, nɛ e bui e nyɛ ɔ, kuakualabitehi nɛ ngɛ kɔ̃ ɔ mi ma ta e hɛngmɛ, nɛ okpokuhi maa ye lɛ.

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

Mose III, 19:3

Nyɛ ti nɔ tsuaa nɔ nɛ bu e nyɛ kɛ e tsɛ; nɛ e ye Hejɔɔmi ligbi ɔ kaa bɔ nɛ i fa nyɛ ɔ. Imi ji Yawɛ, nyɛ Mawu ɔ nɛ.

Mose III, 20:9

Yawɛ wo mlaa nɛ ɔmɛ hulɔ. Nɔ tsuaa nɔ nɛ maa gbiɛ e tsɛ, loo e nyɛ ɔ, á gbe lɛ; e gbenɔ ɔ sa lɛ nitsɛ.

Mateo 15:3

Yesu he nɔ ke, “Nyɛ hu mɛni he je nyɛ yi Mawu mlaa a nɔ, nɛ nyɛ dii nyɛ nitsɛmɛ nyɛ kusumihi a se ɔ?

Mateo 15:5

Se nyɛɛ lɛɛ nyɛ deɔ ke, nɔ tsuaa nɔ nɛ ma de e tsɛ, loo e nyɛ ke, ‘Nɔ́ ko nɛ jinɛ o ko ná ngɛ ye dɛ mi ɔ, i ngɔ kɛ ke Mawu’ ɔ, lɛɛ e hia we kaa e bu e tsɛ loo e nyɛ hu.

Mateo 19:19

bu o tsɛ kɛ o nyɛ; suɔ o nyɛmi nɔmlɔ kaa bɔ nɛ o suɔ mo nitsɛ o he.”

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Romabi 3:31

Lɛɛ waa pɛtɛ hemi ke yemi he, nɛ waa ngmɛɛ mlaa a he lo? Pi ja kulaa! Mohu ɔ, wa gu hemi kɛ yemi nɔ kɛ ngɛ nɔ mi mae kaa mlaa a hi.

Efesobi 6:1

Bimɛ, nyɛɛ bu nyɛ fɔli tue kaa nihi nɛ ngɛ Nyɔmtsɛ ɔ sɔmɔe, ejakaa nɔ́ nɛ sa nyɛ peemi ji nɛ ɔ nɛ.

Mose V, 27:16

“ ‘Mawu maa gbiɛ nɔ tsuaa nɔ nɛ pueɔ e tsɛ, loo e nyɛ hɛ mi si.’ “Ma a tsuo ma he nɔ ke, ‘Amen!’

Mose V, 5:16

“ ‘Moo bu o tsɛ kɛ o nyɛ, kaa bɔ nɛ imi Yawɛ, o Mawu ɔ fa mo ɔ, konɛ e hi ha mo, nɛ o se nɛ kɛ ngɛ zugba nɛ Yawɛ, o Mawu ɔ ngɛ mo hae ɔ nɔ.