Mateo 15:36 - BAIBLO ALOO NGMAMI KLƆUKLƆU Ɔ

³⁶ Jehanɛ, e kukuɔ abolo kpaago ɔ, kɛ lo ɔ, nɛ e na Mawu si, nɛ e ku mi, nɛ e ngɔ ha e kaseli ɔmɛ. Nɛ e kaseli ɔmɛ hu dla ngɔ ha ma a.

Somi He Ɔ

³⁶ Nɛ e kukuɔ abolo kpaago ɔ kɛ lo ɔmɛ, nɛ e na si, nɛ e kuɔ mi, nɛ e ngɔ ha e kaseli ɔmɛ nɛ e kaseli ɔmɛ kɛ ha asafo ɔ.

Mateo 15:36 ပူးပေါင်းရင်းမြစ်များ

Romabi 14:6

Nɔ nɛ susuɔ kaa ligbi komɛ a he hia pe ekomɛ ɔ, Nyɔmtsɛ ɔ hɛ mi nyami e ngɛ woe; nɛ nɔ nɛ yeɔ nɔ saisaa a, lɛ hu e ngɛ Nyɔmtsɛ ɔ hɛ mi nyami woe, ejakaa e naa Mawu si ngɛ he. Nɔ nɛ yi nɔ́ saisaa a, lɛ hu e kɛ woɔ Nyɔmtsɛ ɔ hɛ mi nyami, nɛ lɛ hu e naa Mawu si.

Luka 22:19

Jehanɛ ɔ, e kɛ̃ abolo, nɛ e na Mawu si, nɛ e ku mi, nɛ e ngɔ ha mɛ, nɛ e de ke, “Enɛ ɔ ji ye nɔmlɔ tso [nɛ a ngɔ sã bɔ ha Mawu ngɛ nyɛ he. Nyɛɛ pee enɛ ɔ nɛ nyɛ kɛ kai mi.”

Ni Tsumi 27:35

Benɛ Paulo de enɛ ɔ, e kɛ̃ abolo, nɛ e na Mawu si, nɛ ngɛ mɛ tsuo a hɛ mi ɔ, e ku mi, nɛ e bɔni yemi.

Yohane 6:11

Yesu kukuɔ abolo ɔ, nɛ e na Mawu si; kɛkɛ nɛ e dla ha ni ɔmɛ tsuo nɛ hii si ngɛ lejɛ ɔ. E dla lo ɔ hu ja nɔuu, nɛ nɔ tsuaa nɔ ná bɔ nɛ maa su e nya.

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

Yohane 6:23

Lɛ kpa komɛ je Tiberia ba sa kpo he he nɛ Nyɔmtsɛ ɔ na Mawu si, nɛ ma kpekpemi ɔ ye abolo ɔ ngɛ ɔ.

Luka 24:30

Benɛ e kɛ mɛ hii si nɛ a ngɛ ní yee ɔ, e kɛ̃ abolo, nɛ e na Mawu si, nɛ e ku mi, nɛ e ngɔ ha mɛ.

Luka 22:17

Kɛkɛ nɛ Yesu wo kplu, nɛ e na Mawu si, nɛ e de ke, “Nyɛ he nɛ nyɛ tsuo nyɛɛ nu.

Mateo 14:19

Yesu fa ma kpekpemi ɔ ke a hi si ngɛ nga a nɔ. Jehanɛ, e kukuɔ abolo enuɔ ɔ, kɛ lo enyɔ ɔ, nɛ e hyɛ hiɔwe nɛ e na Mawu si. E ku abolo ɔ mi, nɛ e ngɔ ha e kaseli ɔmɛ, nɛ e kaseli ɔmɛ hu dla ngɔ ha ma a.

Mateo 15:35

Kɛkɛ nɛ Yesu fa ma kpekpemi ɔ ke a hi si ngɛ zugba.

1 Korintobi 14:16

Ke o ngɛ Mawu si nae ngɛ mumi mi kɛkɛ ɔ, nɔ ko nɛ hii si ngɛ lejɛ ɔ, nɛ lɛɛ e li mi eko ɔ, kɛ e maa pee kɛɛ nɛ e ma de “Amen” ngɔ si o sina sɔlemi ɔ nɔ? Blɔ ko blɔ ko be nɛ e kɛ maa le nɔ́ nɛ o ngɛ dee ɔ.