Mateo 15:31 - BAIBLO ALOO NGMAMI KLƆUKLƆU Ɔ

³¹ Benɛ ma kpekpemi ɔ na nɛ amuɛti ɔmɛ ngɛ munyu tue, nɛ glɔtsɛmɛ ɔmɛ a he mi wa mɛ, nɛ nihi nɛ hule ɔ ngɛ nyɛɛe, nɛ hɛ yuyuili ɔmɛ ngɛ nɔ́ hyɛe ɔ, a nya kpɛ a he. Nɛ a je Israel Mawu ɔ yi.

Somi He Ɔ

³¹ Nɛ asafo ɔmɛ a nya kpɛ a he, benɛ a na kaa amuɛti ɔmɛ ngɛ munyu tue, nɛ glɔtsɛmɛ ɔmɛ a he mi wa mɛ, nɛ nihi nɛ a hule ɔmɛ ngɛ nyɛɛ, nɛ hɛ yuyuili ɔmɛ ngɛ nɔ hyɛe ɔ, nɛ a wo Israel Mawu ɔ hɛ mi nyami.

Mateo 15:31 ပူးပေါင်းရင်းမြစ်များ

Mose I, 32:28

Nyumu ɔ de lɛ ke, “A be o biɛ tsɛe ke Yakob hu. O kɛ Mawu kɛ nimlihi nɔ kunɔ, nɛ o ye kunimi; lɔ ɔ he ɔ, jehanɛ a ma tsɛ mo ke Israel.”

Mose I, 33:20

Yakob ma bɔ sami la tɛ ngɛ lejɛ ɔ, nɛ e kɛ Israel Mawu ɔ biɛ wo lɛ.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 50:23

Nɔ nɛ ba sãã bɔ kɛ naa mi si ɔ, e ngɛ ye hɛ mi nyami woe. Nɔ nɛ peeɔ nɔ nɛ da a, imi Mawu hu ma he e yi wami.”

Mose II, 24:10

nɛ a na Israel Mawu ɔ. Ngɛ e nane si ɔ, a na nɔ́ ko kaa kpoku nɛ e mi tɛ̃ heii kaa hiɔwe, kaa nɔ́ nɛ tɛ nɛ a tsɛɛ safiro ɔ nɛ a kɛ pee lɛ.

Mateo 15:30

Ma kpekpemi nitsɛ ba e ngɔ ngɛ lejɛ ɔ. A kɛ hiɔtsɛmɛ slɔɔto babauu ba pue Yesu nane nya, nɛ e tsa mɛ. Hiɔtsɛmɛ ɔmɛ ekomɛ ji nihi nɛ hule, hɛ yuyuili, amuɛtihi, glɔtsɛmɛ, kɛ hiɔtsɛmɛ kpahi fuu.

Mateo 18:8

“Ke o nine, loo o nane haa nɛ o peeɔ yayami ɔ, poo nɛ o sake ngɔ fɔ he! Afani nɛ o kɛ nine popoe, loo nane popoe sɛ wami mi pe nɛ o ngɛ nine enyɔ, loo nane enyɔ, nɛ a ma sake mo ngɔ fɔ neneene la a mi.

Mateo 21:14

Hɛ yuyuili, kɛ glɔtsɛmɛ ba e ngɔ ngɛ sɔlemi we ɔ, nɛ e tsa mɛ.

Mateo 8:10

Benɛ Yesu nu nɔ́ nɛ nyumu ɔ de ɔ, e hɛ mi pee lɛ yaa, nɛ e de nihi nɛ nyɛɛ e se ɔ ke, “Niinɛ, i ngɛ nyɛ dee ke Israel bi a kpɛti tete po, i nɛ hemi kɛ yemi kaa kikɛ nɛ ɔ!

Mateo 9:32

Jehanɛ lɛɛ, benɛ ni ɔmɛ ngɛ lejɛ ɔ jee ɔ, a kɛ amuɛti ko nɛ mumi yayami ngɛ e mi ba Yesu ngɔ.

Mateo 9:33

Yesu hia mumi yayami ɔ, nɛ amlɔ ɔ, amuɛti ɔ bɔni munyu tumi. Nɔ́ nɛ ɔ pee nimli kpekpemi ɔ nyakpɛ, nɛ a de ke, “A nɛ kikɛmɛ a nɔ́ nɛ ɔ eko hyɛ ngɛ Israel!”

Mateo 9:8

Benɛ ma kpekpemi ɔ na nɔ́ nɛ ɔ, a nya kpɛ a he, nɛ a je Mawu yi kaa e ha nɔmlɔ adesa he wami kaa kikɛ nɛ ɔ.

Marko 2:12

Ngɛ mɛ tsuo a hɛ mi ɔ, nyumu ɔ te si nɔuu; e ngɔ e sa a, nɛ e je kpo. Mɛ tsuo a nya kpɛ a he, nɛ a je Mawu yi ke, “Wa nɛ enɛ ɔ eko hyɛ!”

Marko 7:37

Ni ɔmɛ a nya kpɛ a he nitsɛnitsɛ, nɛ a de ke, “Nyumu nɛ ɔ peeɔ nɔ́ tsuaa nɔ́ saminya! E haa tue kpokutsɛmɛ nuɔ nɔ́, nɛ amuɛtihi hu tuɔ munyu!”

Marko 9:43

Lɔ ɔ he ɔ, ke o nine haa nɛ o peeɔ yayami ɔ, poo; afani nɛ o kɛ nine kake sɛ wami mi pe nɛ o kɛ nine enyɔ maa ya Abosiami a je la a nɛ gbo we gblegbleegble ɔ mi. [

Luka 14:13

Ke o ngmɛ okplɔɔ ɔ, tsɛ ohiatsɛmɛ, glɔtsɛmɛ, pɔ̃tsɛmɛ, kɛ hɛ yuyuili mohu;

Luka 14:21

Tsɔlɔ ɔ kpale e se, nɛ e ya bɔ e nyɔmtsɛ ɔ amaniɛ. Wetsɛ ɔ mi mi fu wawɛɛ, nɛ e de tsɔlɔ ɔ ke, ‘Jee kpo esɔ kɛ ya gbɛjegbɛ ɔmɛ a nɔ, kɛ blohu ɔmɛ a mi ngɛ ma a mi, nɛ o ya ngɔ ohiatsɛmɛ, glɔtsɛmɛ, hɛ yuyuili, kɛ pɔ̃tsɛmɛ kɛ ba hiɛ ɔ.’

Luka 18:43

Amlɔ ɔ nɔuu ɔ, e bɔni nɔ́ hyɛmi, nɛ e nyɛɛ Yesu se, nɛ e ngɛ Mawu yi jee. Benɛ nimli kpekpemi ɔ na nɔ́ nɛ ba a, mɛ tsuo a je Mawu yi.

Luka 7:16

Gbeye nu ni ɔmɛ tsuo, nɛ a je Mawu yi, nɛ a de ke, “Gbalɔ nguaa ko te si ngɛ wa kpɛti! Mawu ba, konɛ e ba kpɔ wɔ, e ma a!”

Yohane 9:24

Yuda bi ɔmɛ kpale tsɛ nyumu ɔ nɛ a fɔ lɛ hɛ yuyuilɔ ɔ ekohu, nɛ a bi lɛ ke, “Ka wɔ kita ngɛ Mawu hɛ mi ngɛ hiɛmɛ nɛ ɔ kaa o maa tu wɔ anɔkuale! Wɔɔ lɛɛ wa le kaa nɔmlɔ nɛ tsa mo ɔ yayami peelɔ ji lɛ.”