Mateo 15:3 - BAIBLO ALOO NGMAMI KLƆUKLƆU Ɔ

³ Yesu he nɔ ke, “Nyɛ hu mɛni he je nyɛ yi Mawu mlaa a nɔ, nɛ nyɛ dii nyɛ nitsɛmɛ nyɛ kusumihi a se ɔ?

Somi He Ɔ

³ Se e he nɔ nɛ e de mɛ ke: “Mɛni he je nɛ nyɛ hu nyɛɛ kɛ nyɛ blema kɔ ɔmɛ tɔɔ Mawu kita a nɔ ɔ?

Mateo 15:3 ပူးပေါင်းရင်းမြစ်များ

Kolosebi 2:23

Niinɛ, ni komɛ susuɔ kaa kikɛmɛ a mlaa nɛ ɔmɛ tsɔɔ nile nɛ haa nɔ nitsɛ fiiɔ si ngɛ jami mi. A buá peeɔ a he humi, nɛ a waa nɔmlɔ tso ɔ yi mi kɛ tsɔɔ kaa Mawu lɛ a ngɛ jae. Anɔkuale mi ɔ, mlaa nɛ ɔmɛ nyɛ we nɛ a tsiɔ nɔmlɔ tso ɔ we akɔnɔ nya.

Kolosebi 2:8

Nyɛɛ hyɛ nɛ hi nɛ nɔ ko kó ngɔ je mi nile, loo yaka sisimi kɛ ye nyɛ nyɔguɛ. Blema tsɔɔmihi, kɛ mumihi nɛ yeɔ je ɔ nɔ ɔ, a ngɔ ní nɛ ɔmɛ je, se pi Kristo ngɔ.

Marko 7:13

Nyɛɛ kɛ nyɛ blema tsɔɔmi ɔmɛ nɛ nyɛ tsɔɔ ɔ gu Mawu munyu ɔ. Níhi babauu nɛ ngɛ kaa enɛ ɔmɛ nyɛ peeɔ.”

Tito 1:14

Kɛkɛ ɔ, a ya be Yuda bi a nyaziahi tue bue, nɛ mlaahi nɛ nihi nɛ kua anɔkuale ɔ wo mɛ ɔ hu a be nɔ yee.

Mateo 15:2

“Kusumi nɛ wa nimeli to sisi blema a, mɛni he je nɛ o kaseli ɔmɛ bui ɔ? A fɔ we a dɛ loko a yeɔ ní!”

Mateo 15:4

Mawu wo mlaa ke, ‘Bu o tsɛ, kɛ o nyɛ,’ nɛ e de hu ke, ‘Nɔ tsuaa nɔ nɛ maa gbiɛ e tsɛ, loo e nyɛ ɔ, a gbe lɛ.’