Mateo 15:27 - BAIBLO ALOO NGMAMI KLƆUKLƆU Ɔ

²⁷ Yo ɔ de ke, “Nyɔmtsɛ, e ngɛ mi ja mohu, se tse gbe ɔmɛ hu yeɔ bibliwi nɛ jeɔ a nyɔmtsɛmɛ ɔmɛ a we okplɔɔ nɔ pueɔ si ɔ eko!”

Somi He Ɔ

²⁷ Se e ke: “Mawetsɛ, e ngɛ mi ja mohu; se tse gbehi a bimɛ ɔmɛ hu yeɔ bibli nɛ pueɔ a nyɔmtsɛ ɔmɛ a kplɔɔ ɔ sisi ɔ eko!”

Mateo 15:27 ပူးပေါင်းရင်းမြစ်များ

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Luka 16:21

nɛ e jloɔ lɛ kaa e na bibliwi nɛ jeɔ niatsɛ ɔ we okplɔɔ ɔ nɔ pueɔ si ɔ eko nɛ e ye. Gbehi po baa ba lɔɔ e pa amɛ nɔ.

Romabi 10:12

Slɔɔto ko be Yuda no kɛ ma je no a kpɛti, ejakaa a ngɛ Nyɔmtsɛ kake, nɛ e mi hi saminya ha nihi tsuo nɛ kpaa ngmlaa kɛ tsɛɔ lɛ ɔ.

Romabi 3:29

Anɛ Mawu ɔ, Yuda bi kɛkɛ a Mawu lo? Anɛ pi ma je li ɔmɛ hu a Mawu ji lɛ lo? Ee, ma je li ɔmɛ hu a Mawu ji lɛ.

Luka 18:13

“Se tó tsulɔ ɔ ya da si ngɛ se lokoo, nɛ e yi nɔ tete po e wo we kɛ yɛ hiɔwe; mohu ɔ, e gbe e gugue nɛ e de ke, ‘Mawu, yayami peelɔ ji mi; naa mi mɔbɔ!’

Mateo 8:8

Se Roma asafoatsɛ ɔ he nɔ ke, “Dɛbi, Nyɔmtsɛ, i sɛ kaa i haa nɛ o baa ye we mi; moo lɛɛ moo tu munyu kɛkɛ, nɛ ye nyɔguɛ ɔ ma na he wami.

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

Romabi 3:4

Dɛbi! Mawu ɔ, anɔkualetsɛ ji lɛ; pohu nimli adesahi tsuo lɛɛ lakpa a yeɔ. Kaa bɔ nɛ ngmami ɔ deɔ ɔ, “Konɛ nihi tsuo nɛ a na kaa nɔ́ tsuaa nɔ́ nɛ o deɔ ɔ ngɛ mi; Nɛ ke a kojo mo hu, o yeɔ nguɔ.”

Daniel 9:18

Ye Mawu lee, wa kpa mo pɛɛ nɛ o bu wɔ tue. Hyɛ haomi mi nɛ wa ngɛ, kɛ bɔ nɛ ma a nɛ a kɛ o biɛ wo lɛ ɔ pee ma doku ha. Wa ngɛ kue fae ha mo, ejakaa mɔbɔ nalɔ ji mo, se pi kaa wa pee nɔ́ nɛ da.

Ezekiel 16:63

Ma ngɔ o he yayami ɔmɛ tsuo kɛ pa mo; se kɛ̃ ɔ, o ma kai yayami ɔmɛ, nɛ zo maa gbe mo kpɔtɔɔ. Ma ngɔ tɔmi ɔmɛ tsuo kɛ pa mo, nɛ e maa pee mo nyakpɛ; o be nyɛe maa pa o nya mi tete po ngɛ zo ní nɛ o tsu ɔ he.” Nyɔmtsɛ Yawɛ lɛ de.

Efesobi 3:19

Ee, nyɛ ma ba yɔse Kristo suɔmi nɛ nɔmlɔ adesa juɛmi sui he ɔ, nɛ nyɛ su maa hi kaa Mawu nitsɛ su.

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Mose I, 32:10

Mɔbɔ nami nɛ se pui gblegbleegble nɛ o je kpo ngɔ ha mi ɔ, i sɛ. Benɛ ma po Yordan pa a, dɛma tso pɛ i hɛɛ ngɛ ye dɛ mi; se piɔ lɛɛ i kpale ba kɛ asafo kuu enyɔ nɛ ɔmɛ.

Mateo 15:26

Yesu he nɔ ke, “E dɛ kaa a ngɔɔ bimɛ ɔmɛ a niye ní ɔ nɛ a sakee kɛ fɔɔ si ha gbehi.”

Mateo 15:28

Jehanɛ Yesu de lɛ ke, “Yo, o hemi kɛ yemi kle! Nɔ́ nɛ o ngɛ hlae ɔ, a pee ha mo!” Nɛ jamɛ a ngmlɛfia a nɔuu ɔ, a tsa e biyo ɔ.

Marko 7:28

Yo ɔ he nɔ ke, “Nyɔmtsɛ, e ngɛ mi ja mohu, se tse gbehi nɛ ngɛ okplɔɔ ɔ sisi ɔ hu yeɔ bibliwi nɛ bimɛ ɔmɛ ye piɛ ɔ eko!”