Mateo 15:22 - BAIBLO ALOO NGMAMI KLƆUKLƆU Ɔ

²² Kɛkɛ nɛ Kanaan yo ko nɛ je lejɛ ɔ ní ɔmɛ a mi ɔ ba kpa ngmlaa ke, “Nyɔmtsɛ, David Bi, naa mi mɔbɔ! Ye biyo ngɛ mumi yayami ngɛ e mi, nɛ e ngɛ lɛ haoe wawɛɛ nitsɛ.”

Somi He Ɔ

²² Nɛ oʼɛ, Kanaanyo ko nɛ je lejɛ ɔ ni ɔmɛ a mi nɔuu ɔ ba kpa ngmlaa wo lɛ ke: “Naa mi mɔbɔ, Nyɔmtsɛ, David Bi; ye bi yo ngɛ nɔ nae kɛ mumi yayami.”

Mateo 15:22 ပူးပေါင်းရင်းမြစ်များ

Mateo 9:27

Yesu je lejɛ ɔ, nɛ benɛ e yaa a, hɛ yuyuili enyɔ nyɛɛ e se kɛ ngmlaa boboobo ke, “David Bi, naa wɔ mɔbɔ oo naa wɔ mɔbɔ!”

Mateo 17:15

nɛ e de ke, “Nyɔmtsɛ, naa ye binyumu ɔ mɔbɔ! Kɔkɔtsɛ ji lɛ, nɛ hiɔ ɔ deɔ nɔ́ ha lɛ wawɛɛ nitsɛ. Bɔɔ kɛkɛ e ya nɔ la mi; bɔɔ kɛkɛ e ya nɔ nyu mi.

La 4:1

Ye Mawu nɛ faa ye he, moo bu ye kue fami ɔ tue koo! Be ko nɛ ye yi fi ɔ, mo lɛ o ba je mi. Naa mi mɔbɔ koo, nɛ o bu ye pɛɛ kpami ɔ tue.

Luka 18:13

“Se tó tsulɔ ɔ ya da si ngɛ se lokoo, nɛ e yi nɔ tete po e wo we kɛ yɛ hiɔwe; mohu ɔ, e gbe e gugue nɛ e de ke, ‘Mawu, yayami peelɔ ji mi; naa mi mɔbɔ!’

Luka 17:13

A ngɛ ngmlaa kpae ke, “Yesu lee! Tsɔɔlɔ lee! Naa wɔ mɔbɔ oo, naa wɔ mɔbɔ!”

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Mateo 1:1

Yesu Kristo, Abraham kɛ David nina a, e weku kpa ji nɛ ɔ nɛ.

Ezekiel 3:6

Ke ma nguahi nɛ tuɔ gbi kpahi nɛ wa, nɛ o nui a gbi ɔmɛ a ngɔ nɛ i ngɛ mo tsɔe ɔ, jinɛ mɛɛ lɛɛ a maa bu mo tue.

La 45:12

Tiro ma mi bi ɔmɛ maa ngɔ nike ní kɛ ba sa o hɛ mi.

La 6:2

Yawɛ naa mi mɔbɔ, ejakaa ye he wami ta. Yawɛ, tsa mi koo, ejakaa i be he wami,

Mateo 15:23

Se Yesu pui e nya mi. Kɛkɛ nɛ kaseli ɔmɛ ba e ngɔ nɛ a ba kpa lɛ pɛɛ ke, “Yo nɛ ɔ ngɛ ngmlaa kpae kɛ nyɛɛ wa se! Wo lɛ blɔ nɛ e ho!”

Luka 6:18

A ba, konɛ a ba bu Yesu tue, nɛ e tsa a he hiɔhi ha mɛ. Ni nɛmɛ nɛ mumi yayamihi ngɛ mɛ haoe hu ba nɛ a tsa mɛ.