Mateo 15:17 - BAIBLO ALOO NGMAMI KLƆUKLƆU Ɔ

¹⁷ Anɛ nyɛ li kaa nɔ́ tsuaa nɔ́ nɛ yaa nɔ nya mi ɔ, muklii mi e sɛɛ, nɛ lɔ ɔ se ɔ, e jeɔ kpo lo?

Somi He Ɔ

¹⁷ Anɛ nyɛ kpa we si kaa nɔ́ tsuaa nɔ́ nɛ yaa nɔ nya mi ɔ, muklii mi e sɛɛ nɛ a jeɔ woɔ agbotso mi lo?

Mateo 15:17 ပူးပေါင်းရင်းမြစ်များ

Matsɛmɛ II, 10:27

A ku Baal amaga a ngɔ pue si, nɛ a gbɛ piɛ ɔ; nɛ a ngɔ lejɛ ɔ kɛ pee agbotso kɛ ba si mwɔnɛ ɔ.

Mateo 15:16

Yesu ke, “Anɛ nyɛ hu nyɛ li ní kɛ mwɔɔ?

Mateo 15:18

Se níhi nɛ jee nɔ nya a, tsui mi a jee; nɛ lɔ ɔmɛ nɛ bleɔ nɔ ɔ nɛ.

Marko 7:19

ejakaa tsa pi e tsui mi nɛ e sɛɔ, se mohu e muklii mi nɔ́ ɔ yaa, nɛ e ya jeɔ lɛ pueɔ he.” Yesu de enɛ ɔ kɛ tsɔɔ kaa ngma tsuaa ngma he tsɔ.

Luka 6:45

Nɔmlɔ kpakpa susuɔ ní kpakpahi a he ngɛ e yi mi, nɛ e tuɔ munyu kpakpa; nɔmlɔ yayami susuɔ ní yayamihi ngɛ e yi mi, nɛ e tuɔ munyu yaya. Susumihi nɛ hyi nɔ ko yi mi tɔtɔɔtɔ ɔ ji munyuhi nɛ jeɔ kpo ngɛ nɔ ɔ nya.

1 Korintobi 6:13

Nɔ ko hu ma de ke, “Ngma ngɛ ha muklii, nɛ muklii hu ngɛ ha ngma.” Ee, se Mawu ma kpata nɔ́ enyɔ nɛ ɔmɛ tsuo a hɛ mi. Nɔmlɔ tso ɔ, pi nyumu kɛ yo yakayaka ní peemi nɛ e ngɛ kɛ ha; se mohu e ngɛ ngɛ Nyɔmtsɛ ɔ he. Nɛ Nyɔmtsɛ ɔ hu ngɛ ha nɔmlɔ tso ɔ.

Yakobo 3:6

Ee, lilɛ ngɛ kaa la. Nɔmlɔ tso ɔ he nɔ́ kake nɛ ji lilɛ ɔ, yi wu tso ní sɔuu e tsuɔ. E kɛ yayami bleɔ nɔmlɔ tso ɔ tsuo. La nɛ je Abosiami a je nitsɛnitsɛ lɛ e kɛ mɛɛ wɔ kɛ kpataa wa hɛ mi pɛsɛɛ.