Mateo 15:11 - BAIBLO ALOO NGMAMI KLƆUKLƆU Ɔ

¹¹ Pi nɔ́ nɛ yaa nɔ nya mi ɔ nɛ bleɔ nɔ; mohu ɔ, nɔ́ nɛ jee nɔ nya a lɛ bleɔ nɔ.”

Somi He Ɔ

¹¹ Pi nɔ́ nɛ yaa nɔ nya mi ɔ nɛ bleɔ nɔmlɔ; se mohu nɔ nɛ jee nɔ nya mi ɔ, lɔ ɔ lɛ bleɔ nɔmlɔ.”

Mateo 15:11 ပူးပေါင်းရင်းမြစ်များ

La 10:7

Munyuhi nɛ jeɔ e nya ji gbiɛmi kɛ sisimi, kɛ níhi nɛ woɔ nɔ susuma he gbeye. E he sɔɔ kɛ tuɔ yakayaka munyuhi, kɛ munyuhi nɛ kɛ nɔ woɔ haomi mi.

La 12:2

Nɔ tsuaa nɔ ngɛ e nyɛmi lakpa yee. Nɔ tsuaa nɔ kɛ munyu ngɔngɔɛ ngɛ e nyɛmi sisie.

Yesaya 37:23

Mɛnɔ he fɛu o ye ɔ? Mɛnɔ ahlua o bɔ ɔ? Mɛnɔ nɔ o wo o nya nɔ ngɛ ɔ? Mɛnɔ o bui ɔ? Pi imi, Israel Mawu klɔuklɔu ɔ lo?

Mateo 15:10

Jehanɛ lɛɛ Yesu tsɛ ni ɔmɛ kɛ ba e ngɔ, nɛ e de mɛ ke, “Nyɛɛ bu tue, konɛ nyɛɛ nu sisi saminya!

Mateo 15:12

Kɛkɛ nɛ kaseli ɔmɛ ba e ngɔ nɛ a ba de lɛ ke, “O le kaa benɛ Farisi bi ɔmɛ nu kikɛmɛ a munyu nɛ ɔ, e dɔ mɛ ɔ?”

Marko 7:15

Nɔ́ ko nɔ́ ko be nɛ jeɔ kpo nɔ blɔ sɛɔ nɔmlɔ mi nɛ ma nyɛ lɛ ma ble; nɔ́ nɛ bleɔ nɔmlɔ ɔ, nɔ ɔ mi e jeɔ.” [

Romabi 14:14

Nɛ i ngɛ Kristo mi ɔ, i kpá si, nɛ i le kaa niye ní ko niye ní ko be nɛ he tsɔ we. Se ke nɔ ko buu niye ní ko kaa e he tsɔ we ɔ, lɛ nɛ niye ní ɔ he tsɔ we ha.

Romabi 14:17

Ejakaa Mawu matsɛ yemi ɔ, pi nɔ́ nɛ a maa ye, loo nɔ́ nɛ a maa nu; se mohu kaa a pee nɔ́ nɛ da, nɛ a hi si ngɛ he jɔmi mi, nɛ a na bua jɔmi. Mumi Klɔuklɔu ɔ lɛ haa ní nɛ ɔmɛ tsuo.

Romabi 14:20

Ko ya di niye ní se, nɛ o kpata nɔ́ ko nɛ Mawu pee hɛ mi. Nɔ́ tsuaa nɔ́ nɛ a yeɔ ɔ, e he tsɔ. Se nɔ́ ko nɛ o maa ye, nɛ ma ha o nyɛmi maa pee yayami ɔ, e sɛ kaa o ye.

1 Timoteo 4:3

Kikɛmɛ a nɔ sisili nɛ ɔmɛ deɔ ke Kristo we bi be he blɔ kaa a sɛɛ gba si himi mi; kɛ jehanɛ hu, niye ní komɛ ngɛ nɛ e sɛ kaa a yeɔ. Se wɔ nɛ wa heɔ Kristo yeɔ saminya a, wa le anɔkuale ɔ kaa Mawu bɔ niye ní tsuo ha wɔ kaa waa ye faa, nɛ waa na lɛ si ngɛ he.

Tito 1:15

Nihi nɛ a he tsɔ ɔ, nɔ́ tsuaa nɔ́ he tsɔ ha mɛ. Se nihi nɛ ble a he, kɛ ni nɛmɛ nɛ he we yi ɔ lɛɛ nɔ́ ko nɔ́ ko he tsɔ we ha mɛ; ejakaa a ble a juɛmi, kɛ a he nile tsuo.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.