Mateo 15:10 - BAIBLO ALOO NGMAMI KLƆUKLƆU Ɔ

¹⁰ Jehanɛ lɛɛ Yesu tsɛ ni ɔmɛ kɛ ba e ngɔ, nɛ e de mɛ ke, “Nyɛɛ bu tue, konɛ nyɛɛ nu sisi saminya!

Somi He Ɔ

¹⁰ Nɛ Yesu tsɛ asafo ɔ kɛ ba nɛ e de mɛ ke: “Nyɛɛ bu tue nɛ nyɛɛ nu sisi!

Mateo 15:10 ပူးပေါင်းရင်းမြစ်များ

Matsɛmɛ I, 22:28

Mikaya he nɔ ke, “Ke o kpale kɛ ba kɛ manye ɔ, lɛɛ tsa pi Yawɛ nɛ tu munyu kɛ gu ye nɔ mɔ!” E ya nɔ de ke, “Nyɛ tsuo nyɛɛ nu nɔ́ nɛ i ngɛ dee ɔ!”

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Yesaya 6:9

Kɛkɛ nɛ e de mi ke ma ya nɛ ma ya de ma a ke, “Nyɛ maa bu tue, se nyɛ be sisi nue; nyɛ maa hyɛ, se nyɛ be se kɔe.”

Mateo 13:19

Nihi nɛ nuɔ matsɛ yemi ɔ he sɛ gbi, se a nui sisi ɔ, a ngɛ kaa wu nɛ ya pue blɔ he ɔ. Nɔ yayami ɔ baa nɛ e ba saa nɔ́ nɛ a du ngɛ a mi ɔ kɛ jeɔ.

Mateo 15:11

Pi nɔ́ nɛ yaa nɔ nya mi ɔ nɛ bleɔ nɔ; mohu ɔ, nɔ́ nɛ jee nɔ nya a lɛ bleɔ nɔ.”

Mateo 15:9

Yaka gu a jaa mi, ejakaa tsɔɔmihi nɛ a tsɔɔ ji mlaahi nɛ nimli pee.’ ”

Mateo 24:15

“Nyɛ maa na ‘Ni hiemi nɔ́ ngua a’ nɛ gbalɔ Daniel tu he munyu ɔ nɛ maa si ngɛ he klɔuklɔu ɔ. (Ni kanelɔ ɔ nɛ kɔ se!)

Luka 24:45

Jehanɛ ɔ, e bli a juɛmi nya, konɛ a nu ngmami ɔmɛ a sisi.

Efesobi 1:17

nɛ i kpaa pɛɛ kaa wa Nyɔmtsɛ Yesu Kristo Mawu ɔ, kɛ wa Tsɛ nɛ hɛ mi ngɛ nyami ɔ nɛ ha nyɛ Mumi Klɔuklɔu ɔ. Mumi ɔ ma ha nɛ nyɛ maa le bɔ nɛ Mawu ngɛ anɔkuale mi, nɛ e ma je Mawu kpo kɛ tsɔɔ nyɛ, nɛ nyɛ maa le lɛ saminya.

Kolosebi 1:9

Enɛ ɔ he ɔ, kɛ je ligbi ɔ nɛ wa nu nyɛ he ɔ kɛ ba si amlɔ nɛ ɔ, wa jɔɔ we Mawu pɛɛ kpami ha nyɛ. Wa biɔ ke Mawu nɛ ha nɛ nyɛɛ le e suɔmi nya ní, nɛ nyɛ ná nile, kɛ nɔ́ sisi numi nɛ mumi ɔ haa nɔ ɔ.

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.