Mateo 14:8 - BAIBLO ALOO NGMAMI KLƆUKLƆU Ɔ

⁸ Akɛnɛ e nyɛ tsɔɔ lɛ nɔ́ nɛ e bi he je ɔ, yiheyo ɔ de ke, “Ngɔɔ Yohane nɔ sɔlelɔ ɔ yi ngɔ fɔ sowe nɔ ba ha mi ngɛ hiɛmɛ nɛ ɔ!”

Somi He Ɔ

⁸ Nɛ e nyɛ wo lɛ ga nɛ e ba de ke: “Ngɔɔ Yohane, Baptiɔilɔ ɔ, yi ngɔ fɔ ka mi ha mi ngɛ hiɛ ɔ!”

Mateo 14:8 ပူးပေါင်းရင်းမြစ်များ

Matsɛmɛ I, 18:13

Anɛ o nui kaa benɛ Yezebel ngɛ Yawɛ gbali ɔmɛ gbee ɔ, i ngɔ a ti nihi lafa ngɔ laa ngɛ tɛ puɔhi a mi, nɛ i ha mɛ niye ní kɛ nyu lo? I ngɔ gbali nyingmi enuɔ ngɔ to he kake, nɛ i ngɔ nyingmi enuɔ hu ngɔ to he kake.

Matsɛmɛ I, 18:4

Benɛ Yezebel ngɛ Yawɛ gbali ɔmɛ gbee ɔ, Obadia ngɔ gbali lafa ngɔ laa ngɛ tɛ puɔhi a mi, nɛ e ha mɛ niye ní kɛ nyu; gbali nyingmi enuɔ ngɛ kuu kake mi, nɛ nyingmi enuɔ hu ngɛ kuu kake mi).

Matsɛmɛ I, 19:2

Yezebel tsɔ ya de Eliya ke, “Hwɔɔ be nɛ ɔ mi ke i pee we mo kaa bɔ nɛ o pee ye gbali ɔmɛ fii, lɛɛ mawu ɔmɛ nɛ a fia mi nɔ́ nɛ a gbe.”

Matsɛmɛ II, 11:1

Benɛ Matsɛ Ahazia nyɛ Atalia na le kaa a gbe e binyumu ɔ, e ha nɛ a kpata matsɛ we mi bimɛ ɔmɛ tsuo a hɛ mi.

Ezra 1:9

Ní ɔmɛ ji: Sika tsu kãhi nɛ a kɛ sãã bɔ 30 Sika hiɔ kãhi nɛ a kɛ sãã bɔ 1,000 Kã kpahi 29 Sika tsu kã tsɔwihi 30 Sika hiɔ kã tsɔwihi 410 Kã kɛ kplu kpa komɛ 1,000

Abɛ Womi 1:16

A he sɔɔ kɛ yayami peemi; a he sɔɔ kɛ pueɔ muɔ si.

Abɛ Womi 29:10

Muɔ si pueli sume nihi nɛ pee we yayami; lɔ ɔ he ɔ, a hlaa kaa a ma kpata nihi nɛ peeɔ nɔ́ da a hɛ mi.

Mateo 14:11

A ngɔ yi ɔ ngɔ fɔ sowe nɔ kɛ ba ha yiheyo ɔ, nɛ lɛ hu e kɛ ya ha e nyɛ.

Mateo 14:7

nɛ e ka kita kɛ wo lɛ si ke, “Bi mi nɔ́ tsuaa nɔ́ nɛ o suɔ, nɛ ma ha mo!”

Mateo 14:9

Nɔ́ nɛ ɔ wa ha matsɛ ɔ, se kitahi nɛ e ka, kɛ nibwɔhi nɛ pueɔ si ngɛ e hɛ mi ɔ a he je ɔ, e fa ke a pee jokuɛ yo ɔ suɔmi nya ní ɔ ha lɛ.

Marko 6:24

Lɔ ɔ he ɔ, jokuɛ yo ɔ je kpo nɛ e ya bi e nyɛ ke, “Mɛni ma bi?” E de lɛ ke, “Yohane nɔ sɔlelɔ ɔ yi!”

Marko 6:25

Jokuɛ yo ɔ kpale kɛ ba matsɛ ɔ ngɔ amlɔ nɔuu nɛ e ba de lɛ ke, “I ngɛ hlae nɛ o ngɔ Yohane nɔ sɔlelɔ ɔ yi ngɔ ha mi ngɛ sowe nɔ amlɔ nɔuu.”

Marko 6:28

nɛ e kɛ fɔ sowe nɔ kɛ ba ha jokuɛ yo ɔ, nɛ lɛ hu e kɛ ya ha e nyɛ.