Mateo 14:31 - BAIBLO ALOO NGMAMI KLƆUKLƆU Ɔ

³¹ Amlɔ ɔ, Yesu kpã e nine mi, nɛ e pɛtɛ e he, nɛ e de lɛ ke, “Mo nɛ o hemi kɛ yemi pi! Mɛni he je nɛ o je nɔ́?”

Somi He Ɔ

³¹ Nɛ amlɔ ɔ Yesu kpa e nine mi nɛ e pɛtɛ e he, nɛ e de lɛ ke: “Mo nɛ o hemi kɛ yemi pi, mɛni he je o je nguane?”

Mateo 14:31 ပူးပေါင်းရင်းမြစ်များ

La 138:7

Ke i ngɛ amanehlu mi ɔ, mo lɛ o jeɔ mi kɛ jeɔ mi. Ke ye he nyɛli kɛ abofu ba na mi ɔ, o kɛ mɛ kpee, nɛ o kɛ o he wami kpetekpleenyɛ ɔ heɔ ye yi wami.

Mateo 8:26

Yesu de mɛ ke, “Mɛni he je nyɛ ngɛ gbeye yee? Tsia! Nyɛ be hemi kɛ yemi pɛ!” Jehanɛ ɔ, e te da si, nɛ e nga kɔɔhiɔ ɔ, kɛ wo ɔ tsuo yi, nɛ lejɛ ɔ jɔ dii.

Mose I, 22:14

Abraham wo lejɛ ɔ biɛ ke, “Yawɛ ha.” Lɔ ɔ he ɔ, kɛ ba si mwɔnɛ ligbi nɛ ɔ, nihi deɔ ke, “Yawɛ haa nɔ nɔ́ ngɛ e yo ɔ nɔ.”

Mateo 17:20

Yesu he nɔ ke, “Ejakaa nyɛ hemi kɛ yemi pi. Niinɛ, i ngɛ nyɛ dee ke, ke nyɛ ngɛ hemi kɛ yemi nɛ kle kaa sinapi wu ɔ, nyɛ ma de yo nɛ ɔ ke, ‘Hiaa kɛ je hiɛ ɔ kɛ ya lejɛ ɔ,’ nɛ e maa hia. Nɔ́ ko nɔ́ ko peemi be wae ha nyɛ!” [

Marko 5:41

E nu jokuɛ ɔ nine si, nɛ e de lɛ ke, “Talita kum.” E sisi ji, “Jokuɛ yo, i ngɛ mo dee ke tee si!”

Marko 1:31

E ya e ngɔ, nɛ e ya nu e nine si, nɛ e wo e nɔ; kɛkɛ nɛ aslã a po ngɛ yo ɔ nɔ, nɛ e te si nɛ e bɔni ni ɔmɛ sɔmɔmi ngɛ lejɛ ɔ.

Mateo 16:8

Yesu le nɔ́ nɛ a ngɛ dee ɔ, lɔ ɔ he ɔ, e bi mɛ ke, “Mɛni he je nyɛ ngɛ ní sɛɛe ngɛ niye ní nɛ nyɛ hɛɛ we he ɔ? Nyɛ hemi kɛ yemi pi pɛ!

Yesaya 63:12

Nɔ nɛ ngɔ he wami kpetekpleenyɛ kɛ wo Mose mi kɛ tsu ní nguanguahi, nɔ nɛ gba wo ɔ mi ha mɛ, nɛ a nyɛɛ muɔ voovoo ɔmɛ a mi kɛ po wo ɔ nɛ e kɛ na biɛ nɛ maa hi si kɛ maa ya neneene ɔ, jije e ngɛ?” Yawɛ nitsɛ lɛ kpaka mɛ kɛ gu muɔ voovoo ɔmɛ a mi slɔkee kaa bɔ nɛ ke okpɔngɔ ngɛ fo tue ngɛ nga kplanaa nɔ nɛ́ e tɛ we si ɔ.

Ni Tsumi 4:30

Je o he wami kpo, nɛ o ha a tsa nihi, nɛ a ngɔ Yesu, o tsɔlɔ klɔuklɔu ɔ biɛ kɛ pee okadihi, kɛ nyakpɛ níhi.”

Luka 24:34

Mɛ tsuo a de ni enyɔ ɔmɛ ke, “Nyɔmtsɛ ɔ te si niinɛ! E je e he kpo tsɔɔ Simon!”

Marko 16:7

Lɔ ɔ he ɔ, nyɛɛ ya nɛ nyɛ de e kaseli ɔmɛ, kɛ Petro hulɔ ke, e ngɛ nyɛ hlami sɛe kɛ yaa Galilea; lejɛ ɔ nyɛ maa na lɛ ngɛ kaa bɔ nɛ e de nyɛ ɔ.”

Marko 11:23

I ngɛ nyɛ dee anɔkuale mi ke, nɔ tsuaa nɔ nɛ ma de yo nɛ ɔ ke e hia nɛ e ya nɔ womi, nɛ e ji nɔ́, se mohu e heɔ yeɔ kaa nɔ́ nɛ e de ɔ maa ba mi ɔ, e maa ba mi niinɛ ha lɛ.

Marko 1:41

Yesu muklii mi sã lɛ ngɛ e he, nɛ e kpã e nine mi nɛ e ta e he, nɛ e de lɛ ke, “I suɔ! O he nɛ tsɔ!”

Mateo 6:30

Nga, nɛ mwɔnɛ ɔ e bɔ, nɛ hwɔɔ kɛkɛ a sake kɛ fɔ la mi ɔ, hyɛ bɔ nɛ Mawu mia lɛ saminyayoo ha! Anɛ Mawu be nyɛe nɛ e pee enɛ ɔ kɛ be nɔ ha nyɛ lo! Oo, nyɛ hemi kɛ yemi pi saasaa!

Mose V, 32:36

Yawɛ ma kpɔ e ma a kɛ je he nyɛli a dɛ mi be mi nɛ e na kaa a he wami tsuo ta. Nihi nɛ sɔmɔɔ lɛ ɔ lɛɛ ke e na bɔ nɛ peepee ta a he ha a, e maa na mɛ mɔbɔ.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

Mateo 14:30

Se benɛ e na kaa kɔɔhiɔ ɔ ngɛ fiae huu ɔ, e ye gbeye, nɛ e bɔni mumi kɛ yaa nyu ɔ sisi. Kɛkɛ nɛ e kpa ngmlaa ke, “Nyɔmtsɛ, he mi!”

Mateo 14:32

Kɛkɛ nɛ a sɛ lɛ ɔ mi, nɛ kɔɔhiɔ ɔ kpa fiami.

Marko 4:40

Kɛkɛ nɛ Yesu de e kaseli ɔmɛ ke, “Mɛni he je nyɛ ngɛ gbeye yee kikɛ nɛ ɔ? Kɛ pee kɛɛ loko nyɛ be hemi kɛ yemi ɔ?”